ସୀମା ସୁରକ୍ଷା ବଳ, ବିଏସ୍ଏଫ୍ ବିଭିନ୍ନ ଗ୍ରୁପ୍ ବି ପଦବୀ ପାଇଁ ନିଯୁକ୍ତି ଦେଉଛି । ଏନେଇ BSFର ଅଫିସିଆଲ୍ ୱେବସାଇଟ୍, rectt.bsf.gov.in ରେ ପ୍ରାର୍ଥୀମାନଙ୍କ ଠାରୁ ଅନ୍ଲାଇନ୍ ଆବେଦନ କରିବାକୁ ଆମନ୍ତ୍ରିତ କରାଯାଇଛି ।
ସୂଚନା ଅନୁଯାୟୀ, ଆଗ୍ରହୀ ପ୍ରାର୍ଥୀମାନେ ୮ ଜୁନ୍ ୨୦୨୨ ପର୍ଯ୍ୟନ୍ତ ଆବେଦନ କରିପାରିବେ । ଏହି ପୋଷ୍ଟ୍ଗୁଡିକ ପାଇଁ ଆବେଦନ ପ୍ରକ୍ରିୟା ୨୫ ଏପ୍ରିଲ ୨୦୨୨ରୁ ଆରମ୍ଭ ହୋଇଛି । ନିଯୁକ୍ତି ସମ୍ବନ୍ଧୀୟ ଖାଲି ପଦବୀ, ଚୟନ ପ୍ରକ୍ରିୟା ଏବଂ ବିଜ୍ଞପ୍ତି ସହିତ ସମସ୍ତ ବିବରଣୀ ନିମ୍ନରେ ଦେଖନ୍ତୁ ।
କେତେ ପଦବୀ ଖାଲି,ଜାଣନ୍ତୁ...
ଏହି ନିଯୁକ୍ତି ଅଧୀନରେ BSF ରେ ମୋଟ ୯୦ ଟି ଗ୍ରୁପ୍ ବି ପଦବୀ ପୂରଣ ହେବ । ଏଥିରେ ଜୁନିଅର ଇଂଜିନିୟର ସବ୍ ଇନ୍ସପେକ୍ଟର, ଇଲେକ୍ଟ୍ରିକାଲ୍ର ୩୨ ଟି ପୋଷ୍ଟ୍, ଇନ୍ସପେକ୍ଟର ୧ ଏବଂ ସବ୍ ଇନ୍ସପେକ୍ଟରର ୫୭ଟି ପଦବୀ ସାମିଲ ରହିଛି ।
ଚୟନ ପ୍ରକ୍ରିୟା,ଜାଣନ୍ତୁ...
ପରୀକ୍ଷା ମାଧ୍ୟମରେ ପଦବୀ ପାଇଁ ପ୍ରାର୍ଥୀ ଚୟନ କରାଯିବ । ଏହାକୁ ୨ଟି ପର୍ଯ୍ୟାୟରେ କରାଯିବ। ପ୍ରଥମ ପର୍ଯ୍ୟାୟରେ ପ୍ରାର୍ଥୀଙ୍କୁ ଲିଖିତ ପରୀକ୍ଷାରେ ସାମିଲ୍ ହେବାକୁ ପଡ଼ିବ । ଏଥିରେ ସଫଳ ହେବା ପରେ ପ୍ରାର୍ଥୀଙ୍କୁ ଡକ୍ୟୁମେଣ୍ଟ୍ ଯାଞ୍ଚ, ଶାରୀରିକ ମାନକ ପରୀକ୍ଷା ଏବଂ ଶାରୀରିକ ଦକ୍ଷତା ପରୀକ୍ଷା ପାଇଁ ଡକାଯିବ । ଉଭୟ ପର୍ଯ୍ୟାୟରେ ସଫଳ ହେବା ପରେ, ମନୋନୀତ ପ୍ରାର୍ଥୀମାନଙ୍କ ଡାକ୍ତରୀ ପରୀକ୍ଷା କରାଯିବ ।
ବୟସ ସୀମା,ଜାଣନ୍ତୁ...
ପ୍ରକାଶ ଥାଉ ଯେ, ସର୍ବାଧିକ ୩୦ ବର୍ଷ ପର୍ଯ୍ୟନ୍ତ ପ୍ରାର୍ଥୀମାନେ ଏହି ପଦବୀ ପାଇଁ ଆବେଦନ କରିପାରିବେ । ଅନ୍ୟ କୌଣସି ନିଯୁକ୍ତି ସମ୍ବନ୍ଧୀୟ ସୂଚନା ପାଇଁ, ନିମ୍ନରେ ଦିଆଯାଇଥିବା ଲିଙ୍କ୍ରୁ ବିଜ୍ଞପ୍ତିକୁ ଦେଖନ୍ତୁ ।