ପିଏମ ଆୱାସ ଯୋଜନା (PM Awas Yojana) ଅଧୀନରେ ୮୦ ଲକ୍ଷ ଘର ନିର୍ମାଣ ହେବ । ଏଥିପାଇଁ ୪୮,୦୦୦ କୋଟି ଟଙ୍କା ପାଣ୍ଠି ବ୍ୟୟବରାଦ କରାଯିବ ।
ସାଧାରଣ ଲୋକଙ୍କ ପାଇଁ ଖୁସି ଖବର (Good news)। କରୋନା (Corona) ମହାମାରୀର ତୃତୀୟ ଲହରୀ ମଧ୍ୟରେ ଅର୍ଥମନ୍ତ୍ରୀ ନିର୍ମଳା ସୀତାରମଣ (Finance Minister Nirmala Sitharaman) ଫେବୃଆରୀ ୧ ତାରିଖରେ ତାଙ୍କର ଚତୁର୍ଥ ବଜେଟ୍ (Budget) ଉପସ୍ଥାପନ କରିଛନ୍ତି । ଏହି ବଜେଟରୁ ଶିଳ୍ପ ଏବଂ ଅନ୍ୟାନ୍ୟ କ୍ଷେତ୍ର ସମେତ ସାଧାରଣ ଲୋକମାନଙ୍କ ବହୁତ ଆଶା ରହିଛି । ସାଧାରଣ ଲୋକମାନଙ୍କ ପାଇଁ ସରକାର ବଜେଟ (Budget)ରେ କିଛି ବଡ ଘୋଷଣା କରିଛନ୍ତି । ଏଥିରେ ପିଏମ ଆୱାସ ଯୋଜନା (PM Awas Yojana) ଏବଂ ନଲ୍-ଜଲ୍ ଯୋଜନା (Nal-Jal Yojana) ପରି ବଡ ଆବଣ୍ଟନ ଅନ୍ତର୍ଭୁକ୍ତ ।
ଅର୍ଥମନ୍ତ୍ରୀ ନିର୍ମଳା ସୀତାରମଣ (Finance Minister Nirmala Sitharaman) ବଜେଟ (Budget)ରେ କହିଛନ୍ତି , ପିଏମ ଆୱାସ ଯୋଜନା (PM Awas Yojana) ଅଧୀନରେ ୮୦ ଲକ୍ଷ ଘର ନିର୍ମାଣ ହେବ । ଏଥିପାଇଁ ୪୮,୦୦୦ କୋଟି ଟଙ୍କା ପାଣ୍ଠି ବ୍ୟୟବରାଦ କରାଯିବ । ସମସ୍ତ ପରିବାରକୁ ବିଶୁଦ୍ଧ ପାନୀୟ ଜଳ ଯୋଗାଇବା ଉପରେ ଫୋକସ୍ ସ୍କିମ୍ ନଲ୍-ଜଲ୍ ଯୋଜନା (Nal-Jal Yojana) ପାଇଁ ଏହି ବଜେଟ (Budget)ରେ ୬୦ ହଜାର କୋଟି ଟଙ୍କା ଆବଣ୍ଟନ କରାଯାଇଛି ।
ସୂଚନା ଅନୁଯାୟୀ, ସରକାର କମ୍ ଆୟ କରୁଥିବା ଲୋକମାନଙ୍କୁ ଗୃହ ଯୋଗାଇବା ପାଇଁ ପ୍ରଧାନମନ୍ତ୍ରୀ ଆୱାସ ଯୋଜନା (PM Awas Yojana) ଆରମ୍ଭ କରିଥିଲେ । ଏଥିପାଇଁ ମାର୍ଚ୍ଚ ୨୦୨୨ ସୁଦ୍ଧା ୨ କୋଟି ଘର ନିର୍ମାଣ ପାଇଁ ଏକ ଲକ୍ଷ୍ୟ ଧାର୍ଯ୍ୟ କରାଯାଇଥିଲା । ତେବେ ମାର୍ଚ୍ଚ ୨୦୨୪ ପର୍ଯ୍ୟନ୍ତ PM Awas Yojana-Gramin ର ଲାଭ ଉପଲବ୍ଧ ହେବ । ଏହା ଅଧୀନରେ ଘର କିଣିବା ପାଇଁ ସରକାର ସବସିଡି (Subsidy) ପ୍ରଦାନ କରୁଛନ୍ତି । ବିଭିନ୍ନ ଆୟ ଗୋଷ୍ଠୀ ପାଇଁ ସବସିଡି (Subsidy) ପରିମାଣ ଭିନ୍ନ ଅଟେ ।
ପ୍ରକାଶ ଥାଉ ଯେ, ୨୦୨୨-୨୦୨୩ ରେ ୩ କୋଟି ୮୦ ଲକ୍ଷ ଘରକୁ ପାନୀୟ ଜଳ ଯୋଗାଣ ହେବ । ନର୍ଥଇଷ୍ଟ ପାଇଁ ନୂଆ ଯୋଜନା ପିଏମ ଡେଭଲପମେଣ୍ଟ ସ୍କିମ୍ ଆରମ୍ଭ ହେବ । ୧୧୨ ଆକାଂକ୍ଷୀ ଜିଲ୍ଲା ଲକ୍ଷ୍ୟରେ ୯୫% ସଫଳ ହୋଇଛନ୍ତି । କିଛି ଆକାଂକ୍ଷୀ ଜିଲ୍ଲା ଅନ୍ୟ ବିକଶିତ ଜିଲ୍ଲାକୁ ବି ପଛରେ ପକାଇ ଦେଇଛନ୍ତି । ତେବେ କିଛି ଜିଲ୍ଲାର କିଛି ବ୍ଲକ ଏବେ ବି ପଛୁଆ ରହିଛନ୍ତି । ସେହି ପଛୁଆ ବ୍ଲକର ବିକାଶ ପାଇଁ ବିଶେଷ କାର୍ଯ୍ୟକ୍ରମ ହାତକୁ ନିଆଯିବ ।
Union Budget:ଚାଷୀଙ୍କ ପାଇଁ ଖୁସି ଖବର ; ସ୍ମାର୍ଟ କୃଷି ପାଇଁ ବ୍ୟବହାର ହେବ କିଶାନ ଡ୍ରୋନ
Budget 2022: ନିବେଶକଙ୍କ ପାଇଁ ଆଲର୍ଟ ; କ୍ରିପ୍ଟୋ ଉପରେ ଲାଗିବ ୩୦% ଟ୍ୟାକ୍ସ