କଲମ୍ବୋରେ ପ୍ରତିଷ୍ଠା ହେବ ବିମ୍‌ଷ୍ଟେକ୍ ଟେକ୍‌ନୋଲୋଜି ଟ୍ରାନ୍ସଫର ସେଣ୍ଟର

Cabinet approves MoA by India for establishment of BIMSTEC Technology Transfer Centre at Colombo

ବଙ୍ଗୋପସାଗରୀୟ ରାଷ୍ଟ୍ର ସମୂହଙ୍କ ମିଳିତ ବହୁପାକ୍ଷିକ ବୈଷୟିକ ଓ ଅର୍ଥନୀତିକ ସହଯୋଗ(BIMSTEC)ପ୍ରୟାସ ମାଧ୍ୟମରେ ଟେକ୍‌ନୋଲୋଜିର ଟ୍ରାନ୍ସଫର(TTF) ପାଇଁ ଏକ ରାଜିନାମା ସ୍ୱାକ୍ଷରିତ ହୋଇଛି । ଭାରତ ଏହି ସଂଗଠନର ସଦସ୍ୟ । ୨୦୨୨ ମାର୍ଚ୍ଚ ୩୦ରେ ଶ୍ରୀଲଙ୍କାର କଲମ୍ବୋରେ ଅନୁଷ୍ଠିତ ବିମ୍‌ଷ୍ଟେକ(BIMSTEC) ରାଷ୍ଟ୍ରମାନଙ୍କର ଏକ ବୈଠକ ଅବସରରେ ଏହି ଚୁକ୍ତି ସ୍ୱାକ୍ଷରିତ ହୋଇଥିଲା ।

ସଭ୍ୟ ରାଷ୍ଟ୍ରମାନଙ୍କ ମଧ୍ୟରେ ଟେକ୍‌ନୋଲୋଜିର ଆଦାନପ୍ରଦାନ ଓ ସହଯୋଗ ରକ୍ଷା ଏହି ଚୁକ୍ତିର ମୁଖ୍ୟ ଉଦ୍ଦେଶ୍ୟ । ଟେକ୍‌ନୋଲୋଜି ସହାୟତାରେ ସଦସ୍ୟ ରାଷ୍ଟ୍ରଙ୍କର ଦକ୍ଷତା ବୃଦ୍ଧି ଉପରେ ଏହା ଗୁରୁତ୍ୱ ଦେଉଛି । ତଦନୁସାରେ କଲମ୍ବୋରେ ଏକ ବିମ୍‌ଷ୍ଟେକ(BIMSTEC) ଟେକ୍‌ନୋଲୋଜି ଟ୍ରାନ୍ସଫର କେନ୍ଦ୍ର ପ୍ରତିଷ୍ଠା କରାଯିବ ।

ଏହି ଟେକ୍‌ନୋଲୋଜି ଟ୍ରାନ୍ସଫରରେ ବାୟୋ ଟେକ୍‌ନୋଲୋଜି, ନାନୋ ଟେକ୍‌ନୋଲୋଜି, ଆଇସିଟି, ମହାକାଶ ଟେକ୍‌ନୋଲୋଜି, କୃଷି,ଖାଦ୍ୟ ପ୍ରକ୍ରିୟାକରଣ, ଔଷଧପତ୍ର, ଅଟୋମେସନ୍‌, ନୂଆ ଓ ଅକ୍ଷୟଶକ୍ତି, ମହାସାଗର ଓ ଆଣବିକ, ଇ-ୱେଷ୍ଟ, କଠିନ ବର୍ଜ୍ୟ, ସ୍ୱାସ୍ଥ୍ୟ, ବିପର୍ଯ୍ୟୟ ପରିଚାଳନା ଓ ଜଳବାୟୁ ପରିବର୍ତ୍ତନ ଟେକ୍‌ନୋଲୋଜି ଅଗ୍ରାଧିକାର ପାଇଛି ।

ଜାତିସଂଘ ସହଯୋଗରେ ପଥପ୍ରଦର୍ଶନକାରୀ ଆପ୍ ନିର୍ମାଣ କରିବ ଭାରତ

ଗୁରୁବାର ଧର୍ମଶାଳାରେ ମୁଖ୍ୟ ସଚିବମାନଙ୍କର ପ୍ରଥମ ଜାତୀୟ ସମ୍ମିଳନୀ

ଟେକ୍‌ନୋଲୋଜି ଟ୍ରାନ୍ସଫର ଫ୍ୟାସିଲିଟି ବା ଟିଟିଏଫ ପାଇଁ ଏକ ପରିଚାଳନା ମଣ୍ଡଳୀ କାର୍ଯ୍ୟ କରିବ ଏବଂ ଏ କ୍ଷେତ୍ରରେ ସମସ୍ତ କାର୍ଯ୍ୟ ଏହା ଦେଖିବ । ଏହି ପରିଚାଳନା ମଣ୍ଡଳୀରେ ସବୁ ବିମ୍‌ଷ୍ଟେକ ଦେଶର ପ୍ରତିନିଧିତ୍ୱ ରହିବ । ଏଥିରେ ଟେକ୍‌ନୋଲୋଜି ଡାଟା ବ୍ୟାଙ୍କ, ଟେକ୍‌ନୋଲୋଜି ସଂକ୍ରାନ୍ତ ସୂଚନାର ସଂରକ୍ଷଣ ଓ ସରବରାହ, ଦକ୍ଷତା ନିର୍ମାଣ ଆଦିକୁ ଅଗ୍ରାଧିକାର ପାଇଛି । ସବୁ ସଦସ୍ୟ ରାଷ୍ଟ୍ର ଜନ କଲ୍ୟାଣକାରୀ ଅତ୍ୟାଧୁନିକ ଟେକ୍‌ନୋଲୋଜିର ଲାଭ ଯେପରି ପାଇବେ ସେ ଦିଗରେ ଟେକ୍‌ନୋଲୋଜି ଟ୍ରାନ୍ସଫର ସେଣ୍ଟର ଓ ଏହାର ପରିଚାଳନା ମଣ୍ଡଳୀ କାର୍ଯ୍ୟ କରିବ ।