Chicken price in Bhubaneswar goes upto Rs 280
ଗୋଟିଏ ପକ୍ଷେ ପରିବା ବଜାରରେ ନିଆଁ ଲାଗିଥିବା ବେଳେ ଅନ୍ୟପକ୍ଷେ ଆମିଷ ଦର ମଧ୍ୟ ଆକାଶ ଛୁଆଁ ହୋଇଛି । 300 ଟଙ୍କା ମୁହାଁ ଏବେ ଚିକେନ ଦାମ । ଏହାକୁ ନେଇ ଖାଉଟିଙ୍କ ମଧ୍ୟରେ ଦେଖିବାକୁ ମିଳିଛି ତୀବ୍ର ଅସନ୍ତୋଷ ।
ଏବେ କିଲୋ ପିଛା ଚିକେନ ୨୬୦ରୁ ୨୮୦ ଟଙ୍କାରେ ବିକ୍ରି ହେଉଛି । ଗତ କିଛି ଦିନ ହେବ ଏହି ଦର ବୃଦ୍ଧି ଦେଖିବାକୁ ମିଳିଛି । ଚଳିତ ବର୍ଷ ଗରମ ପ୍ରବଳ ହେବା ଯୋଗୁ କୁକୁଡ଼ା ଉତ୍ପାଦନ ଉପରେ ପ୍ରଭାବ ପଡିଛି ।
ଫାର୍ମଗୁଡିକରେ କୁକୁଡା ଗରମ ସହି ନପାରି ମରି ଯାଉଛନ୍ତି । ଏହା ଯୋଗାଣକୁ ପ୍ରଭାବିତ କରୁଛି । ସପ୍ତାହ ପୂର୍ବେ ବ୍ରଏଲର କୁକୁଡ଼ା ମାଂସ ୧୮୦ରୁ ୨୦୦ ଟଙ୍କାରେ ବିକ୍ରି ହେଉଥିବା ବେଳେ ଏବେ ଏହା ୨୮୦ ଟଙ୍କାରେ ପହଞ୍ଚିଲାଣି ।
ଆମିଷ ବାରରେ ସର୍ବାଧିକ ବିକ୍ରି ହେଉଥିବା ଚିକେନ୍ର ହଠାତ୍ ଏଭଳି ଦରବୃଦ୍ଧି ଖାଉଟିଙ୍କୁ ଚିନ୍ତାରେ ପକାଇଛି । ହୋଟେଲ,ରେସ୍ତୋରାଁ ରେ ମଧ୍ୟ ଚିକେନ୍ ମାଂସରେ ପ୍ରସ୍ତୁତ ଆଇଟମର ମୁଲ୍ୟ ବୃଦ୍ଧି ପାଇଛି ।
Share your comments