ଗତକାଲି ସନ୍ଧ୍ୟା ରେ ବଡ ଜାକଜମକ ରେ ଉତଘାଟିତ ହୋଇଥିଲା ମେକ ଇନ ଓଡିଶା ( make in odisha ) କାର୍ଯ୍ୟକ୍ରମ l ଏନେକ ଦେଶ ତଥା ଅନେକ ରାଜ୍ୟ ରୁ ଶିଳ୍ପପତି ମାନେ ଏଥିରେ ଯୋଗ ଦେଇଛନ୍ତି l ତେବେ ମେକ ଇନ୍ ଓଡ଼ିଶା କନକ୍ଲେଭର ଦ୍ବିତୀୟ ଦିନ । ଆୟୋଜିତ କାର୍ଯ୍ୟକ୍ରମ ପରିଦର୍ଶନ କରି ମିଶନ ଶକ୍ତି ଷ୍ଟଲରେ ଏସଏଚଜିଙ୍କ ଦ୍ଵାରା ପ୍ରଦର୍ଶିତ ସାମଗ୍ରୀ ବୁଲି ଦେଖିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ( odisha cm ) ।
ଉଦ୍ୟୋଗୀତା କ୍ଷେତ୍ରରେ ମା’ ମାନଙ୍କ ଦକ୍ଷତା ଏବଂ ଆଗକୁ ବଢ଼ିବା ପାଇଁ ଉଦ୍ୟୋଗୀ ମନୋଭାବ ସର୍ବଦା ପ୍ରେରଣାଦାୟୀ ବୋଲି କହିଛନ୍ତି ମୁଖ୍ୟମନ୍ତ୍ରୀ । ନିକଟରେ ମୁଖ୍ୟମନ୍ତ୍ରୀ ତାଙ୍କ ଋଣ ହାର ମଧ୍ୟ ବଢ଼ାଇଛନ୍ତି ଯାହା ତାଙ୍କୁ ନିକଟ ଭବିଷ୍ୟତରେ ସାହାଯ୍ୟ କରିବ l
ଆଜି ମେଗା ଶିଳ୍ପପତି ସମ୍ମିଳନୀର ପ୍ଲେନାରି ସେସନରେ ଯୋଗଦେବେ ମୁଖ୍ୟମନ୍ତ୍ରୀ । ମିତ୍ତଲ୍ ଗ୍ରୁପର ଏଲଏନ ମିତ୍ତଲ, ବେଦାନ୍ତ ଗ୍ରୁପର ମୁଖ୍ୟ ଅନିଲ ଅଗ୍ରଓ୍ବାଲ, ଟାଟା ଗ୍ରୁପର ଟିଭି ନରେନ୍ଦ୍ରନ, ସଜନ ଜିନ୍ଦଲ, ନବୀନ ଜିନ୍ଦଲ ପ୍ରମୁଖ ଏହି ବ୍ୟବସାୟୀ ସମ୍ମିଳନୀରେ ଯୋଗ ଦେବେ । ଅପରାହ୍ନ ୪ଟା ୩୦ରେ ଆନ୍ତର୍ଜାତୀୟ ମିଲେଟ ବର୍ଷ ୨୦୨୩ର କଟନ ରେଜର । ଏଥିରେ ମିଲେଟ୍ ର ଭୂମିକା, ଆଦିବାସୀ ଓ ମିଲ୍ଲେଟ ପ୍ରଭୃତି ବିଷୟରେ ଆଲୋଚନା ହେବ ।
ମୁଖ୍ୟମନ୍ତ୍ରୀ ୨୦୨୨ ବର୍ଷର ଶିଳ୍ପ ନୀତି ଘୋଷଣା କରିବେ । କିଛିଦିନ ତଳେ ଏହା କ୍ୟାବିନେଟରେ ଘୋଷଣା ହୋଇଥିଲା । ୧୦ଟା ୩୦ ରେ ମେଗା ସମ୍ମିଳନୀ ଆୟୋଜିତ ହେବ । ଏଥିରେ ୨୦ରୁ ଅଧିକ ଏମଓୟୁ ସ୍ବାକ୍ଷରିତ ହେବାର ଅଛି । ଦୁଇ ହଜାରରୁ ଅଧିକ ବିଜନେସ ଡେଲିଗେଟ୍ସ ଯୋଗ ଦେବେ । ଶିଳ୍ପ ଓ ନିର୍ମାଣକୁ ଆର୍ଥିକ ପ୍ରୋତ୍ସାହନ ଶୀର୍ଷକ ଆଲୋଚନା ଚକ୍ର ୪ଟା ୩୦ରେ ଅନୁଷ୍ଠିତ ହେବ । ଏଥିରେ ବମ୍ବେ ଷ୍ଟକ୍ ଏକ୍ସଚେଞ୍ଜ ଅଧ୍ୟକ୍ଷ ଏସଏସ ମୁନ୍ଦ୍ରା, ଏସବିଆଇର ଗୁଲସନ ମଲ୍ଲିଲ, ଏସଆଇଡିବିଆଇର ଅଧ୍ୟକ୍ଷ ଏସ ରମନ ପ୍ରମୁଖ ବକ୍ତା ଭାବେ ଯୋଗ ଦେବେ ।
ଏକ ନୂଆ ଓଡ଼ିଶା ଗଠନରେ ସମସ୍ତ ଶିଳ୍ପ ସମୁଦାୟର ଭୂମିକା ଗୁରୁତ୍ବପୂର୍ଣ୍ଣ । ମେକ ଇନ ଓଡିଶା କାର୍ଯ୍ୟକ୍ରମରେ ଅଧିକରୁ ଅଧିକ ପୁଞ୍ଜିନିବେଶ କରିବାକୁ ଲକ୍ଷ୍ୟ ରଖାଯାଇଛି ବୋଲି କହିଛନ୍ତି ମୁଖ୍ୟଶାସନ ସଚିବ ସୁରେଶ ଚନ୍ଦ୍ର ମହାପାତ୍ର । ମେକ ଇନ ଓଡ଼ିଶା କନକ୍ଲେଭରେ ସେ କହିଛନ୍ତି ଶିଳ୍ପର ବିକାଶ କ୍ଷେତ୍ରରେ ରୋଡମ୍ୟାପ ପ୍ରସ୍ତୁତ କରିବା ଲାଗି ମେକ ଇନ ଓଡିଶାର ଭୂମିକା ଗୁରୁତ୍ବପୂର୍ଣ୍ଣ ।
୨୦୧୬ରେ ମେକ ଇନ ଓଡିଶାର ପ୍ରଥମ କନକ୍ଲେଭ ପରେ ୨ ଲକ୍ଷ କୋଟି ଟଙ୍କାର ନିବେଶ ହୋଇଛି । ୨୦୧୮ରେ ମେକ ଇନ ଓଡିଶାର ଦ୍ବିତୀୟ କାର୍ଯ୍ୟକ୍ରମ ହୋଇଥିଲା । ଏହା ପରେ ପ୍ରାୟ ୪ ଲକ୍ଷ କୋଟି ଟଙ୍କାର ନିବେଶ ସୁଯୋଗ ସୃଷ୍ଟି ହୋଇଥିଲା । ଚଳିତ ମେକ ଇନ ଓଡ଼ିଶା କାର୍ଯ୍ୟକ୍ରମରେ ମଧ୍ୟ ରାଜ୍ୟରେ ବିପୁଳ ପୁଞ୍ଜିନିବେଶର ସୁଯୋଗ ଆଶା କରାଯାଉଛି ।