କେରଳ ଓ ତାମିଲନାଡୁ ରାଜ୍ୟ ପରେ ଏବେ ଓଡ଼ିଶାରେ ମାରାତ୍ମକ କୀଟ; ସମ୍ପୂର୍ଣ୍ଣ ନଷ୍ଟ କରିଦେଉଛନ୍ତି ନଡ଼ିଆ ଗଛ, କାମ ଦେଉନି କୀଟନାଶକ

ତମାଣ୍ଡୋ: ଭୁବନେଶ୍ବର ବ୍ଲକର ପ୍ରାୟ ସମସ୍ତ ଅଞ୍ଚଳରେ ଥିବା ନଡ଼ିଆ ଗଛରେ ଏକ ଧଳା ରଙ୍ଗର ଉଡ଼ନ୍ତା ପୋକ ଲାଗି ଗଛକୁ ସମ୍ପୂର୍ଣ୍ଣ ଭାବେ ମାରି ଦେଉଛି। ଏହି କୀଟ ଆକ୍ରମଣରେ ନଡ଼ିଆ ଚାଷ ଗୁରୁତର ସଙ୍କଟର ସମ୍ମୁଖୀନ ହେବାକୁ ଯାଉଛି। ସୂଚନା ଅନୁଯାୟୀ ରଗସ୍‌ ସ୍ପିରିଲିଙ୍ଗ ହ୍ବାଇଟ ଫ୍ଲାଇ ନାମକ ଏକ ମାରାତ୍ମକ କୀଟ କିଛିବର୍ଷ ପୂର୍ବରୁ ପ୍ରଥମେ କେରଳ ଓ ତାମିଲନାଡୁ ରାଜ୍ୟରେ ଦେଖାଦେଇଥିଲା। ସେଠାରେ ପର୍ଯ୍ୟାପ୍ତ ପରିମାଣ​‌େ​‌ର ନଡ଼ିଆ ଚାଷ କ୍ଷୟକ୍ଷତି ଘଟାଇବା ପରେ ଏବେ ଏହା ଓଡ଼ିଶା ଉପକୂଳ ଜିଲାରେ ବହୁଳ ଭାବେ ଦେଖାଦେଇଛି। ଏହି କୀଟଗୁଡ଼ିକ ପ୍ରଥମେ ନଡ଼ିଆ ଗଛପତ୍ରର ତଳଭାଗରେ ବହୁ ସଂଖ୍ୟାରେ ଜମାହୋଇ ମଳତ୍ୟାଗ କରିବାର କିଛିଦିନ ପରେ ପତ୍ରର ଉପରିଭାଗକୁ ବ୍ୟାପିଥାଏ। ପରବର୍ତ୍ତୀ ଅବସ୍ଥାରେ ପତ୍ରଗୁଡ଼ିକ ହଳଦିଆ ପଡ଼ିଯାଏ। କିଛିଦିନ ପରେ ପତ୍ରଗୁଡ଼ିକ କ୍ରମଶଃ କଳାରଙ୍ଗରେ ରୂପାନ୍ତରିତ ହୋଇଥାଏ। ଯାହାଫଳରେ ଗଛ ସୂର୍ଯ୍ୟକିରଣରୁ ଖାଦ୍ୟସଂଗ୍ରହ କରିବା କ୍ଷମତା ହରାଇଥାଏ।