1. କୃଷି ଖବର

Coconut Farming in Odisha : ଓଡିଶାରେ ବ୍ୟବସାୟିକ ଭିତ୍ତିରେ ନଡ଼ିଆ ଚାଷ କରି ଉଠାନ୍ତୁ ଲାଭ

Sudesna Nayak
Sudesna Nayak
Commercial Hybrid Coconut Farming in Odisha

Commercial Hybrid Coconut Farming in Odisha

ହିନ୍ଦୁ ଧର୍ମରେ ଯେତେ ମଙ୍ଗଳ କାର୍ଯ୍ୟ ହୁଏ, ପ୍ରାରମ୍ଭରେ ନଡ଼ିଆ ଭଙ୍ଗାଯାଇଥାଏ । ଜଗନ୍ନାଥଙ୍କ ରଥକାର୍ଯ୍ୟ ଆରମ୍ଭ ହେଉ, କି ଗୃହ ପ୍ରବେଶ, ନୂଆ ଗାଡ଼ି, କୌଣସି ପ୍ରକଳ୍ପର ଭିତ୍ତି ପ୍ରସ୍ତର ସ୍ଥାପନ, ଇତ୍ୟାଦି ଶୁଭ କାର୍ଯ୍ୟ ନଡ଼ିଆ ଭାଙ୍ଗି ଆରମ୍ଭ କରାଯାଏ । ହିନ୍ଦୁ ଧର୍ମରେ ନଡ଼ିଆକୁ ମଙ୍ଗଳର ପ୍ରତୀକ ମନେକରାଯାଇଥାଏ । ପୂଜାପାଠ, ହୋମ ଯଜ୍ଞରେ ନଡ଼ିଆ ଦରକାର ହୋଇଥାଏ । ମାଆ ତାରିଣୀଙ୍କର ନଡ଼ିଆ ହେଉଛି ଅତି ପ୍ରିୟ । ଅଗ୍ରପୂଜ୍ୟ ଗଣେଶଙ୍କର ମଧ୍ୟ ନଡ଼ିଆ ପ୍ରିୟ ଫଳ । ନଡ଼ିଆ ହେଉଛି ସମୃଦ୍ଧି ଓ ସୌଭାଗ୍ୟର ଚିହ୍ନ ।

ପଇଡ଼ ପାଣି ଓ ନଡ଼ିଆ ସଶ ଆମେ ଖାଦ୍ୟରୂପେ ବ୍ୟବହାର କରିଥାଉ । ପଇଡ଼ ପାଣିରୁ ପ୍ରତି ୧୦୦ ମି.ଲି.ରେ ୧୭.୪ କ୍ୟାଲୋରୀ ମିଳେ । ତା'ଛଡ଼ା ଏଥିରୁ ଶ୍ବେତସାର, ପୁଷ୍ଟିସାର, ଧାତବ ଲବଣ, ସୋଡିୟମ ପାଇଥାଉ । ନଡ଼ିଆ ସବୁ ଫଳଠାରୁ ଭିନ୍ନ ଅଟେ, କାରଣ କଷି ଥିବା ବେଳେ ଏଥିରେ କେବଳ ପାଣି ଥାଏ ଏବଂ ଯେତେବେଳେ ଏହା ଧିରେ ଧିରେ ପାକଳ ହୁଏ, ସେତେବେଳେ ତାହା ମଧ୍ୟରେ ସେହି ପାଣି ଥାଏ ଓ ଧଳା ରଙ୍ଗର ଏକ ସ୍ତର ତିଆରି ହୋଇଥାଏ । ନଡ଼ିଆ ପାଣି ଆମ ଶରୀର ପାଇଁ ହିତକାରକ । ନଡ଼ିଆ ପାଣିରେ ଖଣିଜ ଲବଣ ଭରପୂର ହୋଇଥାଏ । ନଡ଼ିଆ ପାଣି ପିଇଲେ ଆମ ଶରୀରକୁ ଶକ୍ତି ମିଳିଥାଏ । ଏହା ଆମ ଶରୀରରେ ରୋଗ ପ୍ରତିରୋଧ ଶକ୍ତିକୁ ବଢ଼ାଇଥାଏ । ଫଳରେ ଶରୀରରେ କୌଣସି ରୋଗ ହେବାର ଆଶଙ୍କା କମ ହୋଇଥାଏ ।

ନଡ଼ିଆ ଗଛଟି ମୁଖ୍ୟତଃ ଲମ୍ବା ହୋଇଥାଏ, ଏହା ପାଖାପାଖି ୩୦ ମିଟର ଯାଏ ଲମ୍ବା ହୋଇଥାଏ ।

ଜଳବାୟୁ,ମୃତ୍ତିକା

ନଡ଼ିଆ ଗଛ ଗ୍ରୀଷ୍ମ ମଣ୍ଡଳୀୟ ବୃକ୍ଷ । ନିଗିଡ଼ା, ଦୋରସା ବାଲି ଦୋରସା, ଅମ୍ଳତା ୪.୫ ରୁ ୬.୮, ମାଟିର ଗଭୀରତା ଅତି କମରେ ୧.୫ମି. ଓ ଭୂତଳ ଜଳସ୍ତର ୩.୫ମିଟର ମଧ୍ୟରେ ରହିଲେ ଏହି ଚାଷ ଭଲ ହୁଏ । କେବଳ ଗୋଟିଏ ଧାଡିରେ ନଡ଼ିଆ ଗଛ ଲଗାଉଥିଲେ ୬ମି.ଦୂରତାରେ ଲଗାଯାଏ ।

 

ଜଳସେଚନ

ଗଛ ପୋତିଲା ପରେ ଜଳସେଚନର ବ୍ୟବସ୍ଥା କରିବା ଉଚିତ । ବର୍ଷା ହେବା ପର୍ଯ୍ୟନ୍ତ ଅବଶ୍ୟକତା ଅନୁଯାୟୀ ଜଳସେଚନ କରନ୍ତୁ ଓ ବର୍ଷା ଛାଡ଼ିଗଲା ପରେ ପ୍ରତି ୧୦-୧୫ ଦିନରେ ଆବଶ୍ୟକତା ଅନୁଯାୟୀ ଜଳସେଚନ କରନ୍ତୁ । ବୁନ୍ଦା ଜଳସେଚନ ପଦ୍ଧତିରେ ମଧ୍ୟ ଜଳସେଚନ କରିଲେ ସୁଫଳମିଳିଥାଏ । ଗଛପ୍ରତି ବର୍ଷକୁ ପ୍ରାୟ ୨୦୦ନଡ଼ିଆ ଫଳେ ।

ନଡ଼ିଆ ଚାଷ ପାଇଁ ଖତ ଓ ରାସାୟନିକ ଉର୍ବରକ

ନଡ଼ିଆ ଚାଷରେ ଫସଲକୁ ଅଧିକ ଦିନ ପର୍ଯ୍ୟନ୍ତ ବଞ୍ଚାଇ ରଖିବା ପାଇଁ ତଥା ଅଧିକ ପରିମାଣରେ ଉତ୍ପାଦନ ପାଇଁ ସନ୍ତୁଳିତ ମାତ୍ରାରେ ଖତ ଓ ଉର୍ବରକର ପ୍ରୟୋଗ କରାଯିବl ଆବଶ୍ୟକ । ବଡ ନଡ଼ିଆ ଗଛରେ ପ୍ରତି ବର୍ଷ ପ୍ରଥମ ବର୍ଷାର ପରେ ପରେ ୩୦ ରୁ ୪୦ କିଲୋ ସଢ଼ିଯାଇଥିବା ଗୋବର ଖତ ଅଥବା କମ୍ପୋଷ୍ଟ ପ୍ରୟୋଗ କରାଯିବା ଆବଶ୍ୟକ ।

Like this article?

Hey! I am Sudesna Nayak . Did you liked this article and have suggestions to improve this article? Mail me your suggestions and feedback.

Share your comments

#Top on Krishi Jagran

Latest feeds

More News