କେନ୍ଦ୍ରୀୟ ଅପ୍ରତ୍ୟେକ୍ଷ କର ଏବଂ ଶୁଳ୍କ ବୋର୍ଡ (CBIC) ନିର୍ଦ୍ଦିଷ୍ଟ ଖାଇବା ତେଲ ଉପରେ ବିଦ୍ୟମାନ ରିହାତି ଆମଦାନୀ ଶୁଳ୍କ(import duties)କୁ 31 ମାର୍ଚ୍ଚ 2023 ପର୍ଯ୍ୟନ୍ତ ବୃଦ୍ଧି କରିଛି । 31 ଅଗଷ୍ଟ 2022 ଏକ ବିଜ୍ଞପ୍ତି ଅନୁଯାୟୀ, ଘରୋଇ ଯୋଗାଣ ବୃଦ୍ଧି ଏବଂ ମୂଲ୍ୟକୁ ନିୟନ୍ତ୍ରଣରେ ରଖିବାକୁ ଏହି ନିଷ୍ପତ୍ତି ନିଆଯାଇଛି।
ଖାଇବା ତେଲ ଆମଦାନୀ କ୍ଷେତ୍ରରେ ପ୍ରଦାନ କରାଯାଇଥିବା ରିହାତି ଆଉ ଛଅ ମାସ ପାଇଁ ବୃଦ୍ଧି କରାଯିବା ଫଳରେ ବର୍ତ୍ତମାନ ବଳବତ୍ତର ଥିବା ଏହି ରିହାତିର ମିଆଦ ମାର୍ଚ୍ଚ ୨୦୨୩ରେ ଶେଷ ହେବ । ବୈଶ୍ୱିକ ବଜାରରେ ଦର କମ ଯୋଗୁଁ ଖାଇବା ତେଲ ଦର ମଧ୍ୟ ହ୍ରାସ ପାଇବାରେ ଲାଗିଛି । ବୈଶ୍ୱିକ ବଜାର ଦର ଆମଦାନୀ ଶୁଳ୍କ ହ୍ରାସ ଯୋଗୁଁ ଭାରତରେ ଖାଇବା ତେଲ ଦର ଆଶାତୀତ ହ୍ରାସ ପାଇଛି ।
ବର୍ତ୍ତମାନ ଅଶୋଧିତ ତାଳ ତେଲ, ଆରବିଡି ପାମୋଲିନ, ଆରବିଡି ତାଳ ତେଲ, ଅଶୋଧିତ ସୋୟାବିନ ତେଲ, ପ୍ରକ୍ରିୟାକୃତ ସୋୟାବିନ ତେଲ, ଅଶୋଧିତ ଓ ପ୍ରକ୍ରିୟାକୃତ ସୂର୍ଯ୍ୟମୁଖୀ ତେଲରୁ ବର୍ତ୍ତମାନର ଶୁଳ୍କ ମାର୍ଚ୍ଚ ୩୧, ୨୦୨୩ ପର୍ଯ୍ୟନ୍ତ ଅପରିବର୍ତ୍ତିତ ରହିବ । ଅଶୋଧିତ ତାଳ, ସୋୟାବିନ ଓ ସୂର୍ଯ୍ୟମୁଖୀ ତେଲରେ ବର୍ତ୍ତମାନ କୌଣସି ଆମଦାନୀ ଶୁଳ୍କ ଦେବାକୁ ପଡୁନାହିଁ । ତେବେ ଶତକଡା ୫ ଭାଗ କୃଷି ସେସ ଓ ଶତକଡା ୧୦ ଭାଗ ସମାଜ କଲ୍ୟାଣ ସେସକୁ ହିସାବକୁ ନେଲେ ଏହି ତିନି ପ୍ରକାର ଅଶୋଧିତ ଖାଇବା ତେଲ ଉପରେ ଶତକଡା ୫.୫ ଭାଗ ଲାଗୁ ହେଉଛି ।
ରିଫାଇନ ଜାତୀୟ ପାମୋଲିନ ଓ ତାଳ ତେଲ ଉପରେ ମୌଳିକ ସୀମା ଶୁଳ୍କ ଶତକଡା ୧୨.୫ ଭାଗ ଥିବାବେଳେ, ସମାଜ କଲ୍ୟାଣ ସେସ ଶତକଡା ୧୦ ଭାଗ ରହିଛି । ସେ ଦୃଷ୍ଟିରୁ ପ୍ରକୃତ ଶୁଳ୍କ ହେଉଛି ଶତକଡା ୧୩.୭୫ ଭାଗ । ରିଫାଇନ ସୋୟାବିନ ଓ ସୂର୍ଯ୍ୟମୁଖୀ ତେଲ ମୌଳିକ ସୀମା ଶୁଳ୍କ ଶତକଡା ୧୭.୫ ଭାଗ ହୋଇଥିବା ବେଳେ ଶତକଡା ୧୦ ଭାଗ ସମାଜ କଲ୍ୟାଣ ସେସ ବାବଦ ବିଚାରକୁ ଦେଲେ ପ୍ରକୃତ ଶୁଳ୍କ ଶତକଡା ୧୯.୨୫ ଭାଗ ହେବ ।
ଭାରତରେ ତେଲ ତାତି କମାଇବ ଗହମ ରପ୍ତାନି କଟକଣା, ଏହି ଦେଶ ଉପରେ ବଢିବ ଚାପ...