ଚଳିତ ଆର୍ଥିକ ବର୍ଷରେ ଜିରା ଉତ୍ପାଦନ ଅଧିକ ହୋଇଛି l ଯେଉଁଥି ପାଇଁ ଆଶା କରାଯାଉଛି ଜିରା ଦରରେ ଲାଗିପାରେ ବ୍ରେକ l ଗୁଜୁରାଟରେ ଜିରା ବମ୍ପର ମାତ୍ରାରେ ଉତ୍ପାଦନ ହୋଇଛି l ଚଳିତ ବର୍ଷ ଏପ୍ରିଲ୍ ୯ ପର୍ଯ୍ୟନ୍ତ ଗୁଜୁରାଟର ବଜାର ୫୪,୪୮୭.୭୪ ମେଟ୍ରିକ୍ ଟନ୍ ଜିରା ଉତ୍ପାଦନ ପହଞ୍ଚିଛି l
ବିଶେଷ କଥା ହେଉଛି ଗତ ବର୍ଷ ସମାନ ଅବଧିରେ ଏହି ସଂଖ୍ୟା ୪୪ ,୬୮୯ .୭୩୪ ମେଟ୍ରିକ୍ ଟନ୍ ଠାରୁ ପ୍ରାୟ ୨୨ ପ୍ରତିଶତ ଅଧିକ l ଫେଡେରେସନ୍ ଅଫ୍ ଇଣ୍ଡିଆନ୍ ସ୍ପାଇସ୍ ହିତାଧିକାରୀଙ୍କ ଦ୍ୱାରା ପ୍ରାରମ୍ଭିକ ଫସଲ ଆକଳନ ଅନୁଯାୟୀ ଗୁଜୁରାଟ ଏବଂ ରାଜସ୍ଥାନରୁ ଜିରା ଉତ୍ପାଦନ ପ୍ରାୟ ୭୦% ବୃଦ୍ଧି ପାଇ ଗତ ବର୍ଷର ୩.୩ ଲକ୍ଷ ମେଟ୍ରିକ୍ ଟନ୍ ଠାରୁ ୫ .୬ ଲକ୍ଷ ମେଟ୍ରିକ୍ ଟନ ପହଞ୍ଚିଛି । ଏଭଳି ପରିସ୍ଥିତିରେ ଆସନ୍ତା ଦିନରେ ଜିରା ମୂଲ୍ୟ ଆହୁରି ହ୍ରାସ ପାଇପାରେ ବୋଲି କୁହାଯାଉଛି ।
ତେବେ ଟାଇମ୍ସ ଅଫ୍ ଇଣ୍ଡିଆ ରିପୋର୍ଟ ଅନୁଯାୟୀ ବ୍ୟବସାୟୀମାନେ କହିଛନ୍ତି ଯେ ଚଳିତ ବର୍ଷ ଜିରା ଉତ୍ପାଦନ କ୍ଷେତ୍ର ଅଧିକ ତେଣୁ ଏକ ବଡ଼ ଅମଳ ମାତ୍ରା ଆଶା କରାଯାଏ । ତାଙ୍କ କହିବାନୁସାରେ, ଜିରା ମୂଲ୍ୟ ଗତ ବର୍ଷ ବହୁତ ବୃଦ୍ଧି ପାଇଥିଲା । ଏହି କାରଣରୁ, କୃଷକମାନେ ଅଧିକ ଲାଭ ପାଇବା ପାଇଁ ଚଳିତ ବର୍ଷ ବହୁ ପରିମାଣରେ ଜିରା ଚାଷ କରିଥିଲେ l ଏହି କାରଣ ହେଉଛି ଚଳିତ ବର୍ଷ ଏକ ବମ୍ପର ଅମଳ ଆଶା କରାଯାଉଛି l ତେବେ ବିଶେଷଜ୍ଞମାନେ କହିଛନ୍ତି ଯେ ପାଗରେ ସାମାନ୍ୟ ପରିବର୍ତ୍ତନ ଆସିବା ସତ୍ତ୍ୱେ ମୂଲ୍ୟ ନିୟନ୍ତ୍ରଣରେ ରହିବ।
ଜିରା ଷ୍ଟକ୍ ସଂଗ୍ରହ :-
ଜଣେ FISS ଅଧିକାରୀ କହିଛନ୍ତି ଯେ ଉତ୍ପାଦନ ଋତୁ ତୁଳନାରେ ସାମାନ୍ୟ ହ୍ରାସ ପାଇଛି l ଯେତେବେଳେ ଦୈନିକ ହାରାହାରି ଜିରା ୧,୫୦୦ -୨ ,୦୦୦ ମେଟ୍ରିକ୍ ଟନ୍ ଥିଲା l ଏହାର ଅର୍ଥ ହେଉଛି ଉତ୍ତମ ମୂଲ୍ୟ ଆଶାରେ କୃଷକମାନେ ଜିରା ଷ୍ଟକ୍ ସଂଗ୍ରହ କରୁଛନ୍ତି l ଏହି ବର୍ଷ ଫସଲର ଆକଳନ ଅଧିକ ଏବଂ ଅଦ୍ୟାବଧି ଅମଳ ବର୍ଷା ଦ୍ୱାରା ଫସଲ ପ୍ରଭାବିତ ହୋଇନାହିଁ l
୫ .୬୦ ଲକ୍ଷ ହେକ୍ଟରରେ ଜିରା ଚାଷ :-
ଆପଣଙ୍କୁ କହିରଖୁଛୁ ଯେ ଗତ ମାସରେ ଖବର ଆସିଥିଲା ଯେ ଜାନୁୟାରୀ ୮ ପର୍ଯ୍ୟନ୍ତ ଗୁଜୁରାଟର ଜିରା ୫ .୬୦ ଲକ୍ଷ ହେକ୍ଟର ଥିଲା, ଯାହା ଗତ ବର୍ଷର ୨ .୭୫ ଲକ୍ଷ ହେକ୍ଟର ତୁଳନାରେ ୧୬୦ ପ୍ରତିଶତ ଅଧିକ। ଅବଶ୍ୟ, ଏହି ବୃହତ ଉତ୍ପାଦନକାରୀ ରାଜ୍ୟରେ ଜିରା ର ସାଧାରଣ କ୍ଷେତ୍ର ହେଉଛି ୩ .୫ ଲକ୍ଷ ହେକ୍ଟର l ଏହି ସମୟରେ, ରାଜସ୍ଥାନରେ ସରକାରୀ ତଥ୍ୟ ଦର୍ଶାଉଛି ଯେ ଜାନୁୟାରୀ ୮ ପର୍ଯ୍ୟନ୍ତ ରାଜ୍ୟରେ ୬ .୯୦ ଲକ୍ଷ ହେକ୍ଟରରେ ଜିରା ବୁଣାଯାଇଛି l ଯାହାକି ଏକ ବର୍ଷ ପୂର୍ବେ ୫ .୫୦ ଲକ୍ଷ ହେକ୍ଟରରୁ ୨୫ ପ୍ରତିଶତ ଅଧିକ। ଚଳିତ ବର୍ଷ ଜିରା ଅନ୍ତର୍ଗତ ମୋଟ କ୍ଷେତ୍ର ୧୨ .୫୦ ଲକ୍ଷ ହେକ୍ଟରରୁ ଅଧିକ l ଯାହାକି ଏକ ବର୍ଷ ପୂର୍ବେ ୯ ଲକ୍ଷ ହେକ୍ଟର ତୁଳନାରେ ୩୮ ପ୍ରତିଶତ ଅଧିକ l
ଅଧିକ ପଢ଼ନ୍ତୁ