ଟଙ୍କା ଥାଇ ବି ମିଳିବନି ଖାଦ୍ୟ ! କାହିଁକି ଏମିତି କହିଲେ କୃଷି ମନ୍ତ୍ରୀ ?

despite having money you will not get food big statement of union agriculture minister

ଯୁଦ୍ଧ, ଜଳବାୟୁ ପରିବର୍ତ୍ତନ ଯୋଗୁଁ ବର୍ଷାରେ ଅନିଶ୍ଚିତତା, କମ ଉତ୍ପାଦନ ଆଦି କାରଣରୁ କିଛି ଦେଶରେ ଖାଦ୍ୟ ସଙ୍କଟ(Food crisis) ଦେଖିବାକୁ ମିଳୁଛି । ଏହାରି ମଧ୍ୟରେ ଶୁକ୍ରବାର ଏକ କାର୍ଯ୍ୟକ୍ରମରେ ଚାଷ କାମର ମହତ୍ତ୍ବ ସମ୍ପର୍କରେ ଆଲୋକପାତ କରିଛନ୍ତି କେନ୍ଦ୍ର କୃଷିମନ୍ତ୍ରୀ ନରେନ୍ଦ୍ର ସିଂହ ତୋମାର(agriculture minister) । ବିଶ୍ବରେ ଅନେକ ଦେଶରେ ଦେଖାଦେଇଥିବା ଖାଦ୍ୟସଙ୍କଟ ବିଷୟକୁ ସଙ୍କେତ କରି କୃଷିମନ୍ତ୍ରୀ କହିଛନ୍ତି, ଯଦି ଆମେ କୃଷି କ୍ଷେତ୍ର ପ୍ରତି ବିମୁଖ ହେବା, ତେବେ ଟଙ୍କା ଥାଇ ମଧ୍ୟ ଖାଦ୍ୟ ସାମଗ୍ରୀ ଉପଲବ୍ଧ ହେବନାହିଁ ।

ଦେଶ ସ୍ବାଧିନ ହେବା ସମୟରେ ଜିଡିପି(GDP)ରେ କୃଷିକ୍ଷେତ୍ରର ଯୋଗଦାନ ଥିଲା 50 ପ୍ରତିଶତ । ଏହା ଧିରେ ଧିରେ ହ୍ରାସ ପାଇବାକୁଲାଗିଲା । ପ୍ରତିବଦଳରେ ଅନ୍ୟ କ୍ଷେତ୍ରର ଅଭିବୃଦ୍ଧି ହେଲା । ଏହା ସେତେବେଳର ପରିସ୍ଥିତି ପାଇଁ ଜରୁରୀ ଥିଲା । ହେଲେ ଆଜି ଦେଶରେ କୃଷି କ୍ଷେତ୍ର ବ୍ୟାପକ ଓ ପାଖାପାଖି 60 ପ୍ରତିଶତ ଜନସଂଖ୍ୟା ଏହି କ୍ଷେତ୍ର ସହ ଜଡିତ ବୋଲି ଆମକୁ ଦେଖିବାକୁପଡିବ । ଅଧିକାଂଶ ଲୋକ ଜୀବନଜୀବିକା ପାଇଁ କୃଷି ଉପରେ ନିର୍ଭରଶୀଳ । ଏଥିପାଇଁ ସବୁବେଳେ ଏହା ଉପରେ ମହତ୍ବ ଦେବା ଆବଶ୍ୟକ ବୋଲି କହିଛନ୍ତି କୃଷିମମନ୍ତ୍ରୀ(agriculture minister) ।

୭୧% ଭାରତୀୟ ଖାଉନାହାନ୍ତି ପୁଷ୍ଟିକର ଖାଦ୍ୟ !

ବଢୁଛି ଚାଷୀଙ୍କ ଆୟ: କୃଷିମନ୍ତ୍ରୀ

କାର୍ଯ୍ୟକ୍ରମରେ ତୋମାର କହିଛନ୍ତି, ଦେଶରେ 86 ପ୍ରତିଶତ କ୍ଷୂଦ୍ର ଚାଷୀ । ସେମାନଙ୍କ ପାଇଁ କୃଷିକୁ ଲାଭବାନ କରିବା ଦିଗରେ ନିରନ୍ତର ପ୍ରୟାସ କରିବା ଦରକାର । କୃଷି କ୍ଷେତ୍ରରେ ଟେକ୍ନୋଲୋଜୀ ପରିବର୍ତ୍ତନ ଆଣିବା ସହିତ ବୈଶ୍ବିକ ମାନକଗୁଡିକର ଅନୁରୂପ ଗୁଣବତ୍ତାପୂର୍ଣ୍ଣ ଉତ୍ପାଦନ ବୃଦ୍ଧି କରିବା ଜରୁରୀ । ପୂର୍ବ ସରକାରରେ କୃଷିକୁ ଗୁରୁତ୍ବ ଦିଆଯାଉନଥିଲା । କୃଷି ବିକାଶ ପ୍ରତି ସେମାନଙ୍କ ଦୃଷ୍ଟିକୋଣ ଦୁର୍ବଳ ଥିଲା । ଏଥିପାଇଁ ଚାଷୀଙ୍କ ଆୟ ବୃଦ୍ଧି ହେଉନଥିଲା ବୋଲି କହିଛନ୍ତି କୃଷିମନ୍ତ୍ରୀ ।

ତୋମାର କହିଛନ୍ତି, ଏବେ ପ୍ରଧାନମନ୍ତ୍ରୀ ନରେନ୍ଦ୍ର ମେଦିଙ୍କ ନେତତ୍ବରେ ଚାଷୀଙ୍କୁ ସଶକ୍ତ କରାଯାଉଛି । ବର୍ତ୍ତମାନର ସରକାର ଆରମ୍ଭରୁ ହିଁ କୃଷି ଓ ଚାଷୀଙ୍କ ବିକାଶ ଉପରେ ଫୋକସ ରହିଛି । କୃଷି କ୍ଷେତ୍ରରେ କ୍ରମାଗତ ବଜେଟରେ ବୃଦ୍ଧି ହେଉଛି । ଚାଷୀଙ୍କୁ ପିଏମ କିସାନ ଯୋଜନା ଜରିଆରେ ସିଧାସଳଖ ଆର୍ଥିକ ସହଯୋଗ ଦିଆଯାଉଛି । ଡ୍ରୋନ ଭଳି ଟେକ୍ନୋଲୋଜୀ, ଡିଜିଟାଲ ଏଗ୍ରିମିଶନ ତଥା ଘରୋଇ ନିବେଶ ବୃଦ୍ଧି ଆଦି ଜରିଆରେ କୃଷି କ୍ଷେତ୍ରକୁ ମଜବୁତ କରାଯାଉଛି । ଆଜି ବଦଳୁଥଇବା ଭାରତରେ ପ୍ରଧାନମନ୍ତ୍ରୀ କିସାନ ସମାନ ନିଧିରୁ ସାଢେ 11 କୋଟି ଚାଷୀଙ୍କ ବ୍ୟାଙ୍କ ଆକାଉଣ୍ଟକୁ ପ୍ରତି ବର୍ଷ 6000 ଟଙ୍କା ପଠାଯାଉଛି । ଏହା ବିଶ୍ବର ସବୁଠୁ ବଡ ଯୋଜନା ବୋଲି କହିଛନ୍ତି କୃଷିମନ୍ତ୍ରୀ ।

କିଛି ଦିନ ତଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ବରେ ସରକାର କୃଷିକୁ ଆଗକୁ ବଢାଇବାକୁ ବିଭିନ୍ନ ଯୋଜନା ମାଧ୍ୟମରେ କାର୍ଯ୍ୟ କରୁଥିବା କହିଥଇଲେ ତୋମାର । ଏଥିରେ କୃଷି କ୍ଷେତ୍ରରେ ଅନେକ ସୁଧାର ଆସିଛି । ଏହାସହିତ ଚାଷୀଙ୍କ ଆୟ ବୃଦ୍ଧି ହେଉଛି । ଗତ 8 ବର୍ଷ ମଧ୍ୟରେ ଦେଶରେ କୃଷି କ୍ଷେତ୍ରରେ ଅନେକ କାର୍ଯ୍ୟ ହୋଇଥିବା କହିଥିଲେ କେନ୍ଦ୍ର କୃଷିମନ୍ତ୍ରୀ ନରେନ୍ଦ୍ର ସିଂହ ତୋମାର(Narendra Singh Tomar ) ।

ତୋମାର କହିଥିଲେ, ସରକାର ଚାଷୀ ହିତରେ କରିଥିବା ନିୟମ ତଥା ଚାଷୀ ଓ ବୈଜ୍ଞାନିକଙ୍କ ପରିଶ୍ରମର ପରିଣାମ ଆଜି କୃଷି ଉତ୍ପାଦନକୁ ପ୍ରତିକୂଳ ପରିସ୍ଥିତିରେ ଅନ୍ୟ ଦେଶକୁ ପହଞ୍ଚାଉଛି ଭାରତ । ଅଧିଂକାଶ କୃଷି ଉତ୍ପାଦର ଉତ୍ପାଦନ ଦୃଷ୍ଟିରୁ ଆଜି ବିଶ୍ବରରେ ପ୍ରଥମ କିମ୍ବା ଦ୍ବିତୀୟ ସ୍ଥାନରେ ଅଛି ଭାରତ ।ସେହିପରି ଦେଶରୁ ସାଢେ 4 ଲକ୍ଷ କୋଟି କୃଷି ଉତ୍ପାଦର ରପ୍ତାନି ହୋଇଛି ।