ପାଖେଇ ଆସୁଛି ଶାରଦୀୟ ଦୁର୍ଗାପୂଜା (Durga puja)। ଏଥର କଟକ ଦୁର୍ଗା ମେଢ଼ ଭସାଣି ବେଳେ ସବୁ ମେଢ଼ରେ ଲାଗିବ GPS ।
ସୂଚନା ଅନୁଯାୟୀ, ଆରମ୍ଭ ହେଲାଣି ପାର୍ବଣ ଋତୁ । ଆଉ କେଇଟା ଦିନର ଅପେକ୍ଷା । ଧରାପୃଷ୍ଟକୁ ଅବତରଣ କରିବେ ମା' । ଗତ 2 ବର୍ଷ ହେବ କୋରୋନା ମହାମାରୀ ପାଇଁ ଫିକା ପଡିଥିବା ପାର୍ବଣ ଋତୁ ଏଥର ବହୁ ଜାକଯମକରେ ପାଳନ କରାଯିବ । ଏହି ଧାରାରେ ଓଡିଶା ପ୍ରସିଦ୍ଧ କଟକ ଦୁର୍ଗାପୂଜା (Durga puja 2022) ମଧ୍ୟ ଖୁବ ଧୂମଧାମରେ ପାଳନ କରାଯିବ । ବିଶୃଙ୍ଖଳାକୁ ଦୃଷ୍ଟିରେ ରଖି କଟକଣା କଡାକଡି କରାଯିବ । ଏଥିସହିତ ନିଶା, ଡିଜେ ଓ ବାଣ ମୁକ୍ତ ଭସାଣ ଦିଗରେ ପୂଜା କମିଟିଗୁଡିକ ହିଁ ଯତ୍ନବାନ ହେବାରୁ ପରାମର୍ଶ ଦେଇଛନ୍ତି ପୋଲିସ କମିଶନର ।
ଏଥର କଟକ ଦୁର୍ଗା ମେଢ଼ ଭସାଣି ବେଳେ ସବୁ ମେଢ଼ରେ ଲାଗିବ GPS । ଭସାଣି ବେଳେ କେଉଁ ମେଢ କେଉଁଠି ଅଟକିଛି ଜାଣିବାକୁ ଲଗାଯିବ GPS । ଏହାସହ ଶୃଙ୍ଖଳିତ ପୂଜା କମିଟିକୁ କମିଶନରେଟ୍ ପୋଲିସ ପକ୍ଷରୁ ପୁରସ୍କୃତ କରାଯିବ ବୋଲି କୁହାଯାଇଛି । ଚଳିତ ବର୍ଷ କଟକ ଦୁର୍ଗାପୂଜା (Durga puja 2022) ଶୃଙ୍ଖଳାରେ ସମାପ୍ତ କରିବା ନେଇ କଟକବାସୀମାନଙ୍କୁ ଅନୁରୋଧ କରିଛନ୍ତି ପୋଲିସ କମିଶନର ।
ପ୍ରକାଶ ଥାଉ ଯେ, ଚଳିତ ବର୍ଷ ଭସାଣିରେ ସମସ୍ତ ମେଢ଼ରେ ଲାଗିବ GPS। ଭସାଣି ବେଳେ କେଉଁ ମେଢ କେଉଁଠି ଅଟକିଛି ଜାଣିବାକୁ ଲଗାଯିବ GPS ।