କାମାକ୍ଷାନଗର ହାତୀ ମୃତ୍ୟୁ(elephant deth) ଘଟଣାରେ ନିଲମ୍ବିତ ହୋଇଛନ୍ତି 2 ବନ କର୍ମଚାରୀ(Forest Officials) । ଦଦରାଘାଟି ଫରେଷ୍ଟର ସରୋଜ କୁମାର ବେହେରା ଓ ଫରେଷ୍ଟ ଗାର୍ଡ ସ୍ୱର୍ଣ୍ଣପ୍ରଭା ସେଠ୍ଙ୍କୁ ନିଲମ୍ବନ କରିଛନ୍ତି ଢେଙ୍କାନାଳ DFO । ଖେସୋରା ଜଙ୍ଗଲରେ ବିଦ୍ୟୁତ୍ ଆଘାତରେ ହାତୀର ମୃତ୍ୟୁ ହୋଇଥିଲା(elephant deth) ।
ଏହାପୂର୍ବରୁ କେନ୍ଦୁଝରରେ ବିଦ୍ୟୁତ ସଂସ୍ପର୍ଶରେ ଆସି ହୋଇଥିବା ହାତୀ ମୃତ୍ୟୁ ଘଟଣାରେ କାର୍ଯ୍ୟାନୁଷ୍ଠାନ ହୋଇଥିଲା । ଘଟଣାରେ ନିଲମ୍ବିତ ହୋଇଥିଲେ ଫରେଷ୍ଟର ଓ ଫରେଷ୍ଟ ଗାର୍ଡ । ଏହି ମାମଲାରେ ବିଦ୍ୟୁତ ବିଭାଗକୁ ମଧ୍ୟ କାରଣ ଦର୍ଶାଅ ନୋଟିସ ଜାରି କରାଯାଇଛି । ୨୫ ଅଗଷ୍ଟରେ ବିଦ୍ୟୁତ ତାର ସଂସ୍ପର୍ଶରେ ଆସି 2 ମାଇ ହାତୀଙ୍କ ମୃତ୍ୟୁ ହୋଇଥିଲା ।
ଏପଟେ ବାରମ୍ବାର ହାତୀ ମୃତ୍ୟୁକୁ ନେଇ କ୍ଷୁବ୍ଧ ଅଛନ୍ତି ହାଇକୋର୍ଟ । ଅନେକ ହାତୀ ମୃତ୍ୟୁ ମାମଲାରେ ଏଯାଏଁ କୌଣସି ଚାର୍ଜସିଟ ଦାଖଲ କରାଯାଇନାହିଁ । ବନ୍ୟଜନ୍ତୁ ଶିକାରକୁ ନେଇ ରୁଜୁ ଅଧିକାଂଶ ମାମଲାରେ ଏ ପର୍ଯ୍ୟନ୍ତ ଚାର୍ଜସିଟ୍ ଦାଖଲ ହୋଇପାରି ନଥିବା ଶୁଣାଣି ସମୟରେ ସ୍ପଷ୍ଟ ହୋଇଥିଲା ।
ଚାର୍ଜସିଟ ହୋଇ ନଥିବା ମାମଲାଗୁଡିକରେ ଚାର୍ଜସିଟ ଦାଖଲ କରିବାକୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି । ଏଥିରେ ଏକ ଆକ୍ସନ ପ୍ଲାନ ପ୍ରସ୍ତୁତ କରାଯିବାକୁ କୁହାଯାଇଛି । ପ୍ରତି ୧୫ ଦିନରେ ଥରେ ଟାସ୍କଫୋର୍ସ ବୈଠକ ଆୟୋଜନ କରାଯିବ ବୋଲି ଶୁଣାଣି ସମୟରେ କୁହାଯାଇଥିଲା ।
ମୁଖ୍ୟ ବିଚାରପତି ଜଷ୍ଟିସ ଏସ.ମୁରଲୀଧର ଓ ଜଷ୍ଟିସ ଚିତ୍ତରଞ୍ଜନ ଦାଶଙ୍କୁ ନେଇ ଗଠିତ ଖଣ୍ଡପୀଠ ଜନସ୍ବାର୍ଥ ଯାଚିକାର ଶୁଣାଣି କରି ଏହି ନିର୍ଦ୍ଦେଶ ଦେଇଥିଲେ । ତେବେ ଆସନ୍ତା ସେପ୍ଟେମ୍ବର ୨୬ରେ ମାମଲାର ପରବର୍ତ୍ତୀ ଶୁଣାଣି ହେବ ।