ଚାକିରି କରୁଥିବା ଲୋକଙ୍କ ପାଇଁ ଆସିଲା ଖୁସି ଖବର ; ବୃଦ୍ଧି ପାଇବ ୧୦% ରୁ ଅଧିକ ଦରମା

କୋରୋନା (Corona)ଅବଧିରେ ବେତନ ହ୍ରାସ ଏବଂ ଚାକିରିକୁ ନେଇ ହତୋତ୍ସାହିତ ଥିବା ବେତନ ପ୍ରାପ୍ତ ବ୍ୟକ୍ତିମାନଙ୍କ ପାଇଁ ୨୦୨୨ ବର୍ଷ ଏକ ଖୁସି ଖବର (Good news)ଆଣିଛି । ଚଳିତ ବର୍ଷ କମ୍ପାନୀଗୁଡିକ ବେତନକୁ ୧୦ ପ୍ରତିଶତରୁ ଅଧିକ ବୃଦ୍ଧି କରିବାକୁ ପ୍ରସ୍ତୁତ ହେଉଛନ୍ତି । ଯଦି ଏହା ଘଟେ, ତେବେ ଦରମା ବୃଦ୍ଧି (Salaries will increase)କୋରୋନା (Corona) ଅବଧି ପୂର୍ବରୁ ଥିବା ଲେଭଲରେ ପହଞ୍ଚିବ ।

ସୂଚନା ଅନୁଯାୟୀ, କର୍ଣ୍ଣ ଫେରି ଇଣ୍ଡିଆ (Korn Ferry India) ଏହାର ବାର୍ଷିକ ସର୍ଭେ ରିପୋର୍ଟରେ କହିଛି ଯେ, ୨୦୨୨ ମସିହାରେ ହାରାହାରି ବେତନ ବୃଦ୍ଧି ୯.୪ ପ୍ରତିଶତ ହୋଇଥିବାବେଳେ ୨୦୨୧ ମସିହାରେ ହାରାହାରି ବୃଦ୍ଧି ୮.୪ ପ୍ରତିଶତ ରହିଛି । କେବଳ ଏତିକି ନୁହେଁ, ୨୦୧୯ ରେ, କୋରୋନା (Corona) ଅବଧି ପୂର୍ବରୁ, ଦରମା ହାରାହାରି ୯.୨୫ ପ୍ରତିଶତ ବୃଦ୍ଧି କରାଯାଇଥିଲା ।

ସର୍ବେକ୍ଷଣରେ ଅଧିକାଂଶ ବ୍ୟବସାୟୀ କହିଛନ୍ତି ଯେ, ଚଳିତ ବର୍ଷ ବ୍ୟବସାୟ ମହାମାରୀର ଅଧିକ ପ୍ରଭାବ ଦେଖାଇ ନାହିଁ । ଏହା କମ୍ପାନୀମାନଙ୍କୁ ସେମାନଙ୍କର ଲାଭ ବୃଦ୍ଧି କରିବାରେ ମଧ୍ୟ ସାହାଯ୍ୟ କରିବ ।

ଏଥିପାଇଁ ରହିଛି ଦରମା ବୃଦ୍ଧି ହେବାର ଆଶା,ଜାଣନ୍ତୁ...

ଗତ କିଛି କ୍ୱାର୍ଟର ଧରି କମ୍ପାନୀଗୁଡିକ ଦୃଢ଼ ଲାଭ ପାଉଥିବାର ଫଳାଫଳ ଘୋଷଣା କରିଆସୁଛନ୍ତି । ବେତନ ବୃଦ୍ଧି ମୁଖ୍ୟତଃ ବ୍ୟବସାୟର କାର୍ଯ୍ୟଦକ୍ଷତା, ଇଣ୍ଡଷ୍ଟ୍ରି ମେଟ୍ରିକ୍ସ ଏବଂ ବେଞ୍ଚମାର୍କିଂ ଟ୍ରେଣ୍ଡ ଉପରେ ହିଁ ନିର୍ଭର କରିବ । ଏହା ବ୍ୟତୀତ, ପ୍ରତିଭାମାନଙ୍କୁ ସେମାନଙ୍କ ସହିତ ଜଡିତ ରଖିବା ପାଇଁ କମ୍ପାନୀଗୁଡିକ ବେତନରେ ଏକ ବଡ ବୃଦ୍ଧି କରିବାକୁ ଚାହୁଁଛନ୍ତି । ସର୍ବେକ୍ଷଣରୁ ଜଣାପଡିଛି ଯେ, ୪୦ ପ୍ରତିଶତ କର୍ମଚାରୀ ସକ୍ରିୟ ଭାବରେ ଏକ ନୂଆ ଚାକିରି ଖୋଜୁଛନ୍ତି ।

IT ସେକ୍ଟର ବୃଦ୍ଧି କରିବ ସର୍ବାଧିକ ଦରମା,ଜାଣନ୍ତୁ...

ଟେକ୍ କମ୍ପାନୀଗୁଡିକର କର୍ମଚାରୀମାନଙ୍କ ଦରମା ଚଳିତ ବର୍ଷ ୧୦.୫ ପ୍ରତିଶତ ଏବଂ କଞ୍ଜୁମର ସେକ୍ଟରରେ ୧୦.୧ ପ୍ରତିଶତ ବୃଦ୍ଧି ପାଇବ ବୋଲି ଆଶା କରାଯାଉଛି । ଏହା ପରେ ଲାଇଫ ସାଇନ୍ସରେ ଦରମା ୯.୫ ପ୍ରତିଶତ, ସର୍ଭିସ, ଅଟୋ ଏବଂ କେମିକାଲ କମ୍ପାନୀରେ ୯ ପ୍ରତିଶତ ପର୍ଯ୍ୟନ୍ତ ବୃଦ୍ଧି ହୋଇପାରେ ।

ପ୍ରକାଶ ଥାଉ ଯେ, ସର୍ଭେରେ ସାମିଲ ହୋଇଥିବା ୭୮୬ ଟି କମ୍ପାନୀ ମଧ୍ୟରୁ ୬୦ ପ୍ରତିଶତ କହିଛନ୍ତି ଯେ, ସେମାନେ ନିଜ କର୍ମଚାରୀମାନଙ୍କୁ ୱାଇ-ଫାଇ କଭରେଜ୍ ଭତ୍ତା ପ୍ରଦାନ କରିବେ । କେବଳ ୧୦ ପ୍ରତିଶତ କମ୍ପାନୀ ଭ୍ରମଣ ଭତ୍ତା ହ୍ରାସ କିମ୍ବା ବାତିଲ କରିବାକୁ କହିଛନ୍ତି ।

ଖୁସି ଖବର ; ଏଣିକି ସପ୍ତାହରେ ୫ ଦିନ କାମ କରିବେ ସରକାରୀ କର୍ମଚାରୀ

7th Pay Commission: କେନ୍ଦ୍ରୀୟ କର୍ମଚାରୀଙ୍କ ପାଇଁ ଗୁଡ ନ୍ୟୁଜ, ଦ୍ବିଗୁଣିତ ହୋଇପାରେ ଦରମା