govt will give 2000 bonus per acre
ଦେଶରେ ଜୁନ ମାସରୁ ମୌସୁମୀ ବର୍ଷା ଆରମ୍ଭ ହୋଇଛି l ବିଭିନ୍ନ ରାଜ୍ୟରେ ବର୍ଷା ହେଉଥିବାବେଳେ ଅନ୍ୟ କିଛି ବଳକା ରାଜ୍ୟରେ ଆଦୌ ବର୍ଷା ହୋଇନାହିଁ ଅଥବା ବର୍ଷା ପରିମାଣ ଅଳ୍ପ ରହିଚି l
ଯାହାଦ୍ୱାରା ଚାଷୀ ଅନେକ ସମସ୍ୟାର ସମ୍ମୁଖୀନ ହେଉଛନ୍ତି l ଚାଷ ନଷ୍ଟ ହୋଇଛି ତ ଆଉ କେଉଁଠି ଅଧିକ ଜଳ ପାଇଁ ସଭାସ ପଚି ସଢ଼ି ଯାଇଛି l ତେବେ ଚଳିତ ବର୍ଷ କିଛି ରାଜ୍ୟରେ ପ୍ରବଳ ବର୍ଷା ହୋଇଥିବା ବେଳେ ଆଉ କିଛି କିଛି ରାଜ୍ୟରେ ଆଦୌ ବର୍ଷା ହୋଇନଥିଲା । ବର୍ଷା କମ୍ ହେବା ଫଳରେ ବିଭିନ୍ନ ରାଜ୍ୟର ଚାଷୀମାନେ ବହୁଳ ଭାବେ କ୍ଷତି ସହିଛନ୍ତି ।
ତେବେ ଏହାରୀ ମଧ୍ୟରେ ଚାଷୀଙ୍କ ପାଇଁ ବଡ ଖୁସି ଖବର l ଏକ ବଡ଼ ଘୋଷଣା କରାଯାଇଛି ସରକାରଙ୍କ ତରଫରୁ । ଚାଷୀଙ୍କୁ ଖରିଫ ଫସଲ ପାଇଁ ପ୍ରତି ଏକର ପିଛା ମୋଟ ୨ ହଜାର ଟଙ୍କାର ବୋନସ୍ ପ୍ରଦାନ କରିବା ପ୍ରସ୍ତାବକୁ ହରିୟାଣା ସରକାର ମଞ୍ଜୁରୀ ପ୍ରଦାନ କରିଛନ୍ତି । ମୁଖ୍ୟମନ୍ତ୍ରୀ ନାୟବ ସିଂହ ସୈନୀଙ୍କ ଅଧ୍ୟକ୍ଷତାରେ ହୋଇଥିବା ରାଜ୍ୟ ମନ୍ତ୍ରିମଣ୍ଡଳର ବୈଠକରେ ଏହା ନିଷ୍ପତ୍ତି ନିଆଯାଇଛି । ତେବେ ଚାଷୀଙ୍କ ଚିନ୍ତା ହେବ ଦୂର l କାରଣ ଫସଲ ନଷ୍ଟ ହୋଇଥିବା ଚାଷୀଙ୍କୁ ଏହି ଟଙ୍କା ଆର୍ଥିକ ସହାୟତା ଭାବେ ପ୍ରଦାନ କରାଯିବ l
ଅନ୍ୟପଟେ ଗତ ବର୍ଷ ମେ, ଜୁନ ଓ ଜୁଲାଇ ମାସ ତୁଳନାରେ ଚଳିତ ବର୍ଷ କମ୍ ବର୍ଷା ହୋଇଛି । କମ୍ ବର୍ଷା ହେବା ଯୋଗୁଁ କୃଷକମାନେ ଅଧିକ ଖର୍ଚ୍ଚାନ୍ତ ମଧ୍ୟ ହୋଇଛନ୍ତି । ତେଣୁ କୃଷକଙ୍କୁ ବୋନସ ଆକାରରେ ପ୍ରତି ଏକର ପିଛା ୨ ହଜାର ଟଙ୍କା ପ୍ରଦାନ ପାଇଁ ନିଷ୍ପତ୍ତି ନେଇଛନ୍ତି ହରିୟାଣା ସରକାର। ବଡ ଆଲୋଚ୍ୟ ବିଷୟ ହେଉଛି ଯେଉଁ କୃଷକଙ୍କର ୧ ଏକରରୁ କମ୍ ଜମି ଥିବ, ସେହିଭଳି ଚାଷୀଙ୍କୁ ମଧ୍ୟ ୨ ହଜାର ଟଙ୍କା ପ୍ରଦାନ କରାଯିବ । ଫଳ, ଫୁଲ ସହିତ ବିଭିନ୍ନ ପନିପରିବା ଏବଂ ସମସ୍ତ ଖରିଫ ଫସଲ ଉପରେ ଏହି ବୋନସ୍ ଦିଆଯିବ ଚାଷୀଙ୍କୁ । ଏଥିପାଇଁ ଅଗଷ୍ଟ ମାସ ୧୫ରୁ ‘ମେରୀ ଫସଲ, ମେରା ବ୍ୟୋରା’ ପୋର୍ଟାଲ ମାଧ୍ୟମରେ କୃଷକମାନେ ନିଜେ ରେଜିଷ୍ଟ୍ରେସନ କରିବେ ।
ଅଧିକ ପଢ଼ନ୍ତୁ
Share your comments