ଭାରତ କଫି ଉତ୍ପାଦନ ଏବଂ ରପ୍ତାନିରେ ଅଭିବୃଦ୍ଧି

growing rapidly coffee production in india, image source - pexels

ଭାରତ କଫି ଉତ୍ପାଦନ ଏବଂ ରପ୍ତାନିରେ ଦ୍ରୁତ ଗତିରେ ଅଗ୍ରଗତି କରୁଛି । ଦୁଇ ବର୍ଷ ମଧ୍ୟରେ କଫି ରପ୍ତାନି ଦ୍ୱିଗୁଣିତ ହୋଇ ୧.୨୯ ବିଲିୟନରେ ପହଞ୍ଚିଛି। ଦେଶରେ ସର୍ବାଧିକ ଉତ୍ପାଦନ କର୍ଣ୍ଣାଟକ, କେରଳ ଏବଂ ତାମିଲନାଡୁରେ ହେଉଛି । ଭାରତ ବିଶ୍ୱ ସ୍ତରରେ କଫି ଉତ୍ପାଦନରେ ୭ମ ସ୍ଥାନରେ ପହଞ୍ଚିଛି । କଫି ଉତ୍ପାଦନ ବୃଦ୍ଧି କରିବା ଏବଂ ବର୍ଦ୍ଧିତ ଘରୋଇ ଏବଂ ଆନ୍ତର୍ଜାତୀୟ ଚାହିଦା ପୂରଣ କରିବା ପାଇଁ, ଭାରତୀୟ କଫି ବୋର୍ଡ ଅନେକ ଗୁରୁତ୍ୱପୂର୍ଣ୍ଣ ପଦକ୍ଷେପ ଆରମ୍ଭ କରିଛି । ଯାହା କଫି ଚାଷ ଉତ୍ପାଦନକୁ ବୃଦ୍ଧି କରିବାରେ ସହାୟକ ହୋଇଛି l

ବାଣିଜ୍ୟ ଏବଂ ଶିଳ୍ପ ମନ୍ତ୍ରଣାଳୟ ଅନୁଯାୟୀ, ଭାରତୀୟ କଫି ଏବେ ସାରା ବିଶ୍ୱରେ ବହୁତ ଲୋକପ୍ରିୟ। ଭାରତ ଏବେ ବିଶ୍ୱରେ ସପ୍ତମ ବୃହତ୍ କଫି ଉତ୍ପାଦନକାରୀ ଦେଶ, ଆର୍ଥିକ ବର୍ଷ ୨୦୨୩-୨୪ ରେ ରପ୍ତାନି ୧.୨୯  ବିଲିୟନରେ ପହଞ୍ଚିଛି । ଯାହାକି ୨୦୨୦-୨୧ ବର୍ଷର ୭୧୯.୪୨ ନିୟୁତ ଡଲାରର ପ୍ରାୟ ଦୁଇଗୁଣ। ଭାରତୀୟ କଫି ବୋର୍ଡ ଚାଷୀମାନଙ୍କୁ ଅଧିକ ଲାଭ ପ୍ରଦାନ କରିବା ସହିତ ରପ୍ତାନି ବୃଦ୍ଧି ଉପରେ ଧ୍ୟାନ ଦେଉଛି । ଭାରତୀୟ କଫିର ଅନନ୍ୟ ସ୍ୱାଦ ଏବଂ କ୍ରମାଗତ ଭାବରେ ବର୍ଦ୍ଧିତ ଚାହିଦା ଭାରତର କଫି ରପ୍ତାନିରେ ଉଲ୍ଲେଖନୀୟ ବୃଦ୍ଧି ପାଇଛି । ଜାନୁଆରୀ ୨୦୨୫ ର ପ୍ରଥମାର୍ଦ୍ଧରେ, ଭାରତ ୯୩୦୦ ଟନ୍ ରୁ ଅଧିକ କଫି ରପ୍ତାନି କରିଥିଲା l ଯେଉଁଥିରୁ ଇଟାଲୀ, ବେଲଜିୟମ ଏବଂ ରୁଷିଆ ପ୍ରମୁଖ କ୍ରେତା ଥିଲେ ।

ଭାରତର କଫି ଉତ୍ପାଦନର ପ୍ରାୟ ତିନି-ଚତୁର୍ଥାଂଶ ଆରବିକା ଏବଂ ରୋବଷ୍ଟା ପ୍ରକାରର କଫିରୁ ଆସିଥାଏ। ଏଗୁଡ଼ିକ ମୁଖ୍ୟତଃ ଅଣଭଜା ବିନ୍ସ ଆକାରରେ ରପ୍ତାନି କରାଯାଏ । ତଥାପି, ରୋଷ୍ଟେଡ୍ ଏବଂ ଇନଷ୍ଟାଣ୍ଟ କଫି ଭଳି ଉତ୍ପାଦର ଚାହିଦା ବୃଦ୍ଧି ପାଇବା ଯୋଗୁଁ ରପ୍ତାନି ବୃଦ୍ଧି ପାଇଛି । ଭାରତର କଫି ମୁଖ୍ୟତଃ ପଶ୍ଚିମ ଏବଂ ପୂର୍ବଘାଟ ପର୍ବତମାଳାରେ ଚାଷ କରାଯାଏ, ଏହି ଅଞ୍ଚଳଗୁଡ଼ିକ ସେମାନଙ୍କର ଜୈବ ବିବିଧତା ପାଇଁ ପ୍ରସିଦ୍ଧ।

କଫି ଉତ୍ପାଦନରେ କର୍ଣ୍ଣାଟକ ଆଗରେ ଅଛି, ୨୦୨୨-୨୩ ମସିହାରେ ୨୪୮,୦୨୦ ଟନ୍ କଫି ଉତ୍ପାଦନ ହୋଇଥିଲା। ଏହା ପରେ, କେରଳ ଉତ୍ପାଦନରେ ୭୩ ହଜାର ଟନ୍ ଏବଂ ତାମିଲନାଡୁ ୧୯ ହଜାର ଟନ୍ ରୁ ଅଧିକ ଅବଦାନ ରଖିଛି । ଏହି ଅଞ୍ଚଳଗୁଡ଼ିକ ଛାଇ ବଗିଚା ପାଇଁ ଉପଯୁକ୍ତ, ଯାହା କେବଳ କଫି ଶିଳ୍ପକୁ ସାହାଯ୍ୟ କରେ ନାହିଁ ବରଂ ପ୍ରାକୃତିକ ପରିବେଶ ସଂରକ୍ଷଣରେ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରେ।

Read more

1.72 ଲକ୍ଷ ଆୟୁଷ୍ମାନ ଆରୋଗ୍ୟ ମନ୍ଦିର ନିର୍ମାଣ

ଓଡ଼ିଆ ଭାଷାରେ ଇଗ୍ନୋର ଏମବିଏ ଅଧ୍ୟୟନ ପୁସ୍ତିକା ଉନ୍ମୋଚନ କଲେ କେନ୍ଦ୍ରମନ୍ତ୍ରୀ