heat wave alert in odisha ,image source - pexels
ଗତକାଲି ଟ୍ୱିନ ସିଟିରେ ରାତିରେ ପ୍ରବଳ ବର୍ଷିଲା ବର୍ଷା ହୋଇଛି l ଅନ୍ୟପଟେ ୩ ଦିନ ପାଇଁ ହିଟୱେଭ ଆର୍ଲଟ ଜାରି କରିଛି ପାଣିପାଗ ବିଭାଗ । ଗରମ ସାଙ୍ଗକୁ କଲବଲ କରୁଛି ଗୁଳୁଗୁଳି ସମସ୍ୟା । ତେଣୁ ରାଜ୍ୟରେ ଆହୁରି ୩ ଦିନ ପର୍ଯ୍ୟନ୍ତ ରହିବ ହିଟୱେଭ୍ ଆଲର୍ଟ ।
ଏ ନେଇ ସତର୍କ କରିଛି ପାଣିପାଗ ବିଭାଗ, ତେଣୁ ରାଜ୍ୟରେ ବଢ଼ିଛି ଅଂଶୁଘାତ ଡର । ସୂଚନା ଅନୁଯାୟୀ, ମେ ଶେଷ ସପ୍ତାହରେ ପଶ୍ଚିମ ଓଡ଼ିଶାର ଏକାଧିକ ସହରରେ ପାରଦ ୪୬ ଡିଗ୍ରୀ ଟପିଥିଲା l ଲୋକଙ୍କୁ ଘରୁ ନ ବାହାରିବାକୁ ଏ ନେଇ ପ୍ରଶାସନ ସତର୍କ କରାଇଥିଲା ।
ଆଗକୁ ଆହୁରି ୩ ଦିନ ପର୍ଯ୍ୟନ୍ତ ରହିବ ହିଟ୍ୱେଭ୍ ସ୍ଥିତି ଜାରି । ସେହିପରି ଉପକୂଳ ଓଡ଼ିଶା ସହିତ କଲବଲ କରିବ ଗୁଳୁଗୁଳି ସମସ୍ୟା । ଆହୁରି ୫ ଦିନ ପର୍ଯ୍ୟନ୍ତ ଗୁଳୁଗୁଳି ଓଡ଼ିଶାବାସୀଙ୍କୁ କରିବ କଲବଲ। ଭୁବନେଶ୍ବର ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ଏ ନେଇ ସୂଚନା ଦେଇଛି, ବିଗତ କିଛି ଦିନ ହୋଇଯିବ ୩ଟି ସହରରେ ତାପମାତ୍ରା ଲଗାତର ୪୫ ଡିଗ୍ରୀ ଠାରୁ ଅଧିକ ରହୁଥିବାର ଦେଖିବାକୁ ମିଳିଛି ।
ତେବେ ରାଜ୍ୟର ୧୨ଟି ସହରରେ ୪୧ ଡିଗ୍ରୀ ଅତିକ୍ରମ କରିଛି ପାରଦ । ତେବେ ଆଗମୀ ୩ ଦିନ ପର୍ଯ୍ୟନ୍ତ ହିଟ୍ ୱେଭ ସ୍ଥିତି ଲାଗି ରହିବ। ବଲାଙ୍ଗିର, କଳାହାଣ୍ଡି, ନୂଆପଡ଼ା,ବରଗଡ଼, ସୋନପୁରରେ ହିଟ୍ୱେଭ୍ ଜାରି ରହିବ ବୋଲି କୁହାଯାଇଛି । ସେପଟେ ବଲାଙ୍ଗିର ଓ ବରଗଡ଼କୁ ଅରେଞ୍ଜ ୱାର୍ଣ୍ଣିଂ ଜାରି କରାଯାଇଛି l
l କଳାହାଣ୍ଡି, ନୂଆପଡ଼ା ଓ ସୋନପୁର ଜିଲ୍ଲା ପାଇଁ ୟେଲୋ ୱାର୍ଣ୍ଣିଂ ଜାରି ହୋଇଛି । ସେହିପରି ଗତକାଲି କଟକ ସହିତ ଭୁବନେଶ୍ବରରେ ପ୍ରବଳ ବର୍ଷା ହୋଇଛି । ବର୍ଷା ସହ ଘଡ଼ଘଡ଼ି ଓ ଜୋରରେ ବୋହିଥିଲା ପବନ । ଯାହା ବିଭିନ୍ନ ସ୍ଥାନରେ ପାଣି ଜମିଲା ଭଳି ସମସ୍ୟା ସୃଷ୍ଟି କରିଥିଲା । ବର୍ଷା ପବନ ଯୋଗୁଁ ଘରୁ ବାହାରିବା ଏକ ପ୍ରକାର ମୁସ୍କିଲ ହୋଇଯାଇଥିଲା ଲୋକଙ୍କ ପାଇଁ । ପ୍ରାୟ ଏକ ଘଣ୍ଟା ଧରି ଏହି ବର୍ଷା ହୋଇଥିଲା l ବର୍ଷା ହେବା ପରେ ପରେ ରାଜ୍ୟର ପାଣିପାଗରେ ଆସିଥିଲା ସୁଧାର l
ଅଧିକ ପଢ଼ନ୍ତୁ
Share your comments