![heavy rainfall update of odisha, image source -pexels](https://ocdn.krishijagran.com/media/10078/portal_thumbnail_14-may-2024-1.jpg)
heavy rainfall update of odisha, image source -pexels
ବଙ୍ଗୋପ ସାଗରରେ ଦାନା ବାନ୍ଧୁଛି ଆଉ ଏକ ଲଘୁଚାପ। ମେ ୧୭ ତାରିଖରୁ ୨୩ ତାରିଖ ମଧ୍ୟରେ ଗଭୀର ଆବପାତ ହେବାର ସମ୍ଭାବନା ରହିଥିବା ପାଣିପାଗ ବିଭାଗ ଅନୁମାନ କରି ସୂଚନା ପ୍ରଦାନ କରିଛି । ପାଣିପାଗ ବିଶେଷଜ୍ଞଙ୍କ ସୂଚନା ଅନୁଯାୟୀ ମେ ୨୧ ତାରିଖରେ ସୃଷ୍ଟି ହେବ ଏକ ଘୂର୍ଣ୍ଣିବଳୟ । ଯାହା ୨୨ ତାରିଖରେ ଲଘୁଚାପ ଏବଂ ପରେ ଏହା ଗଭୀର ଅବପାତରେ ପରିଣତ ହେବ ।
ପ୍ରାୟ ୩ ଦିନ ପୂର୍ବରୁ ଦକ୍ଷିଣ ପଶ୍ଚିମ ମୌସୁମି ବାୟୁ ଆଣ୍ଡାମାନ ଆସିବ ଏ ନେଇ ଅନୁମାନ କରିଛି ଭାରତୀୟ ପାଣିପାଗ ବିଭାଗ । ଅନ୍ୟପଟେ ଆଣ୍ଡାମାନକୁ ପୂର୍ବ ଦିଗରୁ ଆସୁଥିବା ବାୟୁ ଦୁର୍ବଳ ହେବାରେ ଲାଗିଛି ।
ପଶ୍ଚିମା ବାୟୁ ପ୍ରବାହ ମଧ୍ୟ ଧୀରେ ଧୀରେ ବଢୁଛି । ଯାହା ଶୀଘ୍ର ମୌସୁମି ଆଗମନରେ ସହାୟକ ହେବ ବୋଲି କୁହାଯାଉଛି । ତେବେ ଆଣ୍ଡାମାନ ପରେ ଏହା ଆସିବା ପରେ କେରଳକୁ ଜୁନ ପହିଲାରେ ପହଞ୍ଚିଥାଏ । ପରେ ପ୍ରତିବର୍ଷ ଭଳି ଜୁନ ୧୦ ସୁଦ୍ଧା ଓଡ଼ିଶାରେ ପହଞ୍ଚେ ମୌସୁମି ବାୟୁ ।
ଗତବର୍ଷ ଠିକ ଏହି ସମୟରେ ମୌସୁମୀ ବାୟୁ ଆଣ୍ଡାମାନ ନିକୋବର ଅଗ୍ରସର ହୋଇଥିଲା । କିନ୍ତୁ ଏହା କେରଳ ଉପକୂଳରେ ପହଞ୍ଚିବା ବିଳମ୍ବ ହୋଇଥିଲା । ସେହିପରି ମୌସୁମୀ ବାୟୁ ଓଡିଶାକୁ ପାଖାପାଖି ୧୦ ଦିନ ବିଳମ୍ବରେ ପହଞ୍ଚିଥିଲା । ପାଣିପାଗ କେନ୍ଦ୍ରର ନିର୍ଦ୍ଦେଶିକା ଏ ନେଇ କହିଛନ୍ତି ଯେ, ୪ ଦିନ ପରେ ବର୍ଷାର ପରିମାଣ କମିବା ସହ ପାଗ ଶୁଖିଲା ରହିବ ରାଜ୍ୟରେ । ଏହି ସମୟରେ ତାତିର ପ୍ରକୋପ ମଧ୍ୟ ବୃଦ୍ଧି ପାଇବ ବୋଲି ଆକଳନ କରାଯାଉଛି ।
ଅଧିକ ପଢ଼ନ୍ତୁ
Share your comments