ଦେଶର ଜନସଂଖ୍ୟାର ଏକ ବଡ ଅଂଶକୁ ସବସିଡିଯୁକ୍ତ ରାସନ(ration) ପ୍ରଦାନ କରୁଛନ୍ତି କେନ୍ଦ୍ର ସରକାର । ଖାଦ୍ୟ ସୁରକ୍ଷା(food security)ର ଲକ୍ଷ୍ୟ ହାସଲ କରିବାକୁ ସରକାର କମ୍ ମୂଲ୍ୟରେ ଲୋକଙ୍କୁ ଖାଦ୍ୟ ଶସ୍ୟ ପ୍ରଦାନ କରନ୍ତି। ଏହି ସହାୟତା ରାସନ ଦୋକାନ ମାଧ୍ୟମରେ ଗରିବ ଲୋକଙ୍କୁ ଦିଆଯାଏ ।
ବେଳେବେଳେ ଲୋକଙ୍କୁ ରାସନ ଯୋଗାଣରେ ଅନିୟମିତତା ମାମଲା ସାମ୍ନାକୁ ଆସେ । ରାସନ ପାଇନଥିବା କିମ୍ବା ଓଜନ କମ ଥିବା ଲୋକେ ଅନେକ ସମୟରେ ଅଭିଯୋଗ କରନ୍ତି । ସରକାର ଏହି ଅଭିଯୋଗକୁ ଗମ୍ଭୀରତାର ସହ ନେଇଛନ୍ତି । ରାସନ ଦୋକାନ ଚଳାଉଥିବା ଲୋକଙ୍କ ଏପରି ଅନିୟମିତତା ବିଷୟରେ ଆପଣ ସହଜରେ ଅଭିଯୋଗ କରିପାରିବେ । ଏଥିପାଇଁ ସରକାର ହେଲ୍ପଲାଇନ ନମ୍ବର ଜାରି କରିଛନ୍ତି।
ମହାମାରୀ କୋରୋନା ପରେ ସରକାର 'ପ୍ରଧାନ ମନ୍ତ୍ରୀ ଗରିବ କଲ୍ୟାଣ ଆନ୍ନ ଯୋଜନା' ଆରମ୍ଭ କରିଥିଲେ । ଏହି ଯୋଜନା ଅନ୍ତର୍ଗତ ଗରିବ ଲୋକଙ୍କୁ ମାଗଣା ଖାଦ୍ୟ ଶସ୍ୟ ଯୋଗାଇବା ବ୍ୟବସ୍ଥା କରାଯାଇଥିଲା । ଏହି ଯୋଜନା ଅଧୀନରେ ଦେଶର ପ୍ରାୟ ଅଧାରୁ ଅଧିକ ଲୋକ ମାଗଣାରେ ରାସନ ପାଇପାରୁଛନ୍ତି ।
ଏହି ଯୋଜନାରେ ସରକାର ହିତାଧିକାରୀଙ୍କୁ ଚାଉଳ, ଗହମ, ଡାଲି ଏବଂ ଚିନି ଦେଉଛନ୍ତି। ଏହି ଯୋଜନା ଆରମ୍ଭ ହେବା ପରେ, ଏପରି ଅନେକ ଅଭିଯୋଗ ଆସିଥିଲା ଯେ ରାସନ ଦୋକାନୀମାନେ ହିତାଧିକାରୀଙ୍କୁ ଖାଦ୍ୟ ରାସନ ଦେବାକୁ ମନା କରୁଛନ୍ତି ଏବଂ ଏହାକୁ ଚଢା ଦରରେ ଅନ୍ୟମାନଙ୍କୁ ବିକ୍ରି କରୁଛନ୍ତି । ଏଭଳି ମାମଲା ସାମ୍ନାକୁ ଆସିବା ପରେ ସରକାର ରାଜ୍ୟ ଅନୁଯାୟୀ ହେଲ୍ପଲାଇନ ନମ୍ବର ଜାରି କରିଛନ୍ତି ।
ଅଫିସିଆଲ୍ ୱେବସାଇଟ୍ https://nfsa.gov.in/ ରେ ରାଜ୍ୟ ଅନୁଯାୟୀ ହେଲ୍ପଲାଇନ ନମ୍ବରଗୁଡିକର ଏକ ତାଲିକା ଦିଆଯାଇଛି । ଏହି ୱେବସାଇଟରେ ଲଗଇନ କରି, ଆପଣ ନିଜ ରାଜ୍ୟ ଅନୁଯାୟୀ ହେଲ୍ପଲାଇନ ନମ୍ବର ପାଇପାରିବେ ।ଏହି ନମ୍ବରଗୁଡ଼ିକୁ କଲ କରି ଆପଣ ଡିଲରଙ୍କ ବିଷୟରେ ଅଭିଯୋଗ କରିପାରିବେ । ଓଡିଶା ପାଇଁ ହେଲ୍ପଲାଇନ ନମ୍ବର 1800-345-6724 / 6760 ରହିଛି ।
ଅଭିଯୋଗ ପଞ୍ଜୀକୃତ ହେବା ପରେ ସରକାର ଡିଲରଙ୍କ ବିରୋଧରେ ମାମଲା ରୁଜୁ କରିବେ ଏବଂ ଯଦି ତାଙ୍କୁ ସେ ସାବ୍ୟସ୍ତ ହୁଅନ୍ତି, ତେବେ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଅଭିଯୁକ୍ତ ଡିଲରଙ୍କଠାରୁ କେବଳ ଡିଲରସିପ୍ ଛଡାଇନିଆଯିବ ନାହିଁ, ବରଂ ଜୋରିମାନା ଓ ଜେଲ୍ ଦଣ୍ଡର ମଧ୍ୟ ପ୍ରାବଧାନ ରହିଛି ।
Ration card: ରାସନ କାର୍ଡଧାରୀଙ୍କ ପାଇଁ ବଡ ଖବର; ଜାଣନ୍ତୁ...
ବାତିଲ ହୋଇଯିବ ରାସନ କାର୍ଡ, ତୁରନ୍ତ ଚେକ୍ କରନ୍ତୁ ଲିଷ୍ଟରେ ଆପଣଙ୍କ ନାଁ...