କୃଷି ଜାଗରଣ ଚୌପାଲରେ ଯୋଗଦେଇଛନ୍ତି ଦିଲ୍ଲୀରେ ଆୟୋଜିତ India GI Fair ମେଳାର ଅଂଶଗ୍ରହଣକାରୀ । ଭୌଗଳିକ ମାନ୍ୟତାପ୍ରାପ୍ତ ଉତ୍ପାଦ ଗୁଡିକର ଗୁରୁତ୍ବ ସମ୍ପର୍କରେ ଏହି ଅଂଶଗ୍ରହଣକାରୀମାନେ ଆଲୋଚନା କରିଛନ୍ତି ।
ରସଗୋଲାର ଜିଆଇ ଟ୍ୟାଗର ବିଷୟ ଏହି କାର୍ଯ୍ୟକ୍ରମରେ ଉଠିଥିଲା । କିଭଳି ବହୁ ଆଲୋଚନା ଓ ପ୍ରତ୍ୟାଲୋଚନା ପରେ ରସଗୋଲାର ଜିଆଇ ଟ୍ୟାଗ ସମ୍ଭନ୍ଧୀୟ ବିବାଦ ଏକ ସମାଧାନର ମୂଳ ବିନ୍ଦୁକୁ ଆସିଥିଲା, ଏନେଇ ମଧ୍ୟ ଅଂଶଗ୍ରହଣକାରୀ ମତ ରଖିଥିଲେ । ସେହିଭଳି ଅନେକ ଉତ୍ପାଦର ଜିଆଇ ଟ୍ୟାଗ ମାନ୍ୟତା ମିଳିବାକୁ ହେଉଥିବା ବିଳମ୍ବକୁ ନେଇ ମଧ୍ୟ ଏହି କାର୍ଯ୍ୟକ୍ରମରେ ଆଲୋଚନା କରାଯାଇଛି ।
ରାଜଧାନୀ ଦିଲ୍ଲୀ ଏନସିଆର ସ୍ଥିତ ଗ୍ରେଟର ନୋଏଡାରେ ଆୟୋଜିତ ହୋଇଯାଇଛି Indias Geografically Indicated Products Fair । ଏହି ମେଳାରେ କୃଷି ଜାଗରଣ ଟିମର ଉପସ୍ଥିତି ଓ ଖବର କଭରେଜକୁ ଅଂଶଗ୍ରହଣକାରୀମାନେ ପ୍ରଶଂସା କରିଛନ୍ତି ।
ଭାରତର ସର୍ବୋତ୍ତମ ଜିଆଇ ଟ୍ୟାଗଡ୍ ଉତ୍ପାଦଗୁଡିକ India GI Fair ରେ ପ୍ରଦର୍ଶିତ ହୋଇଥିଲା । ନିର୍ଦ୍ଦିଷ୍ଟ ଭୌଗୋଳିକ ଉତ୍ପତ୍ତି ଥିବା ଉତ୍ପାଦନଗୁଡିକ ସେହି ଅଞ୍ଚଳର ଗୌରବର ପ୍ରତୀକ । ଦିଲ୍ଲୀ-ଏନସିଆର ଇଣ୍ଡିଆ ଏକ୍ସପୋ ସେଣ୍ଟର ଆଣ୍ଡ ମାର୍ଟ ଗ୍ରେଟର ନୋଏଡାଠାରେ ଆୟୋଜିତ ହୋଇଥିବା India GI Fair 2022 ରେ ଅନେକ ରାଜ୍ୟ ଅଂଶଗ୍ରହଣ କରିଥିଲେ । ଏଥିରେ ବିଭିନ୍ନ ଫଳ, ଶସ୍ୟ, ହସ୍ତତନ୍ତ ଆଦି ଉତ୍ପାଦ ପ୍ରଦର୍ଶିତ ହୋଇଥିଲା ।
India GI Fair 2022: ପ୍ରଶଂସା ସାଉଁଟୁଛି ଦେଶର କୋଣ ଅନୁକୋଣର ଭୌଗଳିକ ମାନ୍ୟତା ପ୍ରାପ୍ତ ଉତ୍ପାଦ