ଭାରତୀୟ ମହାକାଶ ଅନୁସନ୍ଧାନ ସଂଗଠନ(ISRO)ଆସନ୍ତା ଅଗଷ୍ଟ 7ରେ ଲଞ୍ଚ କରିବାକୁଯାଉଛି ଏକ ନୂଆ ରକେଟ । ଆନ୍ଧ୍ରପ୍ରଦେଶ ଶୀହରିକୋଟା ସ୍ଥିତ ସତୀଶ ଧଓ୍ବନ ସ୍ପେସ ସେଣ୍ଟରରୁ SSLV ରକେଟକୁ ଉତକ୍ଷେପଣ କରାଯିବ ।
ଇସ୍ରୋରର ସବୁଠୁ ଭରସାଯୋଗ୍ୟ ରକେଟ ହେଉଛି, ପିଏସଏଲଭି(PSLV)। ଏହାପରେ ଦ୍ବିତୀୟରେ ରହିଛି GSLV ।
ତଥାପି କଣ ପାଇଁ ଆବଶ୍ୟକପଡିଲା SSLV ? କଣ ଏହି ରକେଟ ଜରିଆରେ କିଛି ନୂଆ ପ୍ରସ୍ତୁତି କରୁଛି ଇସ୍ରୋ ? ଆସନ୍ତୁ ଜାଣିବା ଏହି ରକେଟ ବିଷୟରେ...
SSLV ରକେଟର ସମ୍ପୂର୍ଣ୍ଣ ନାଁ ହେଉଛି ସ୍ମଲ ସାଟେଲାଇଟ୍ ଲଞ୍ଚ ଭେଇକିଲ (SSLV) । ଅର୍ଥାତ୍ ବର୍ତ୍ତମାନ ଏହି ରକେଟ୍ ଛୋଟ ଉପଗ୍ରହ ଉତକ୍ଷେପଣ ପାଇଁ ବ୍ୟବହୃତ ହେବ । ଏହା ଏକ ଛୋଟ ଲିଫ୍ଟ ଲଞ୍ଚ ମହାକାଶଯାନ । ଏହା ମାଧ୍ୟମରେ 500 କିଲୋଗ୍ରାମ ପର୍ଯ୍ୟନ୍ତ ଉପଗ୍ରହ ନିମ୍ନ କକ୍ଷପଥକୁ ପଠାଯିବ ଯଥା 500 କିଲୋମିଟର ତଳେ କିମ୍ବା 300 କିଲୋଗ୍ରାମ ଉପଗ୍ରହ ଲୋୟର ଆର୍ଥ କକ୍ଷପଥରେ ସୌର ସିଙ୍କ୍ରୋନସ୍ କକ୍ଷପଥକୁ ପଠାଯିବ । ସବ୍-ସିଙ୍କ୍ରୋନସ୍ କକ୍ଷପଥର ଉଚ୍ଚତା 500 କିଲୋମିଟରରୁ ଅଧିକ ।
ବର୍ତ୍ତମାନ ଶ୍ରୀହାରିକୋଟାସ୍ଥିତ ସତୀଶ ଧୱନ ସ୍ପେସ୍ ସେଣ୍ଟରର ଲଞ୍ଚ ପ୍ୟାଡ୍ 1ରୁ SSLV ଲଞ୍ଚ କରାଯିବ । ହେଲେ କିଛି ସମୟ ପରେ, ଏହି ରକେଟର ଉତକ୍ଷେପଣ ପାଇଁ ଏଠାରେ ଏକ ପୃଥକ ଛୋଟ ସାଟେଲାଇଟ୍ ଲଞ୍ଚ କମ୍ପ୍ଲେକ୍ସ (SSLC) ପ୍ରସ୍ତୁତ କରାଯିବ । ଏହା ପରେ ତାମିଲନାଡୁର କଲାଶେଖରାପଟନମ୍ ଠାରେ ଏକ ନୂତନ ସ୍ପେସ୍ ବନ୍ଦର ନିର୍ମାଣ କରାଯାଉଛି । ତା’ପରେ ସେଠାରୁ SSLV ଲଞ୍ଚ କରାଯିବ ।
କ୍ଷୁଦ୍ର ସାଟେଲାଇଟ୍ ଲଞ୍ଚ ଯାନ (SSLV)ର ଲମ୍ବ 34 ମିଟର ଯଥା 112 ଫୁଟ । ଏହାର ବ୍ୟାସ 6.7 ଫୁଟ । ମୋଟ ଓଜନ ହେଉଛି 120 ଟନ୍ । ଏହା PSLV ରକେଟ୍ ଅପେକ୍ଷା ଆକାରରେ ବହୁତ ଛୋଟ । ଏହାର ଚାରୋଟି ଅଂଶ ଅଛି । ଏହାର ତିନୋଟି ଅଂଶ କଠିନ ଇନ୍ଧନରେ ଚାଲିବ । ହେଲେ ଚତୁର୍ଥ ଅଂଶ ତରଳ ଇନ୍ଧନ ଦ୍ୱାରା ଗତି କରିବ । ପ୍ରଥମ ଅଂଶ 94.3 ସେକେଣ୍ଡ, ଦ୍ୱିତୀୟ ଅଂଶ 113.1 ସେକେଣ୍ଡ ଏବଂ ତୃତୀୟ ଅଂଶ 106.9 ସେକେଣ୍ଡ ପାଇଁ ଜଳିବ। ଚତୁର୍ଥ ଅଂଶ ବିଷୟରେ ISRO ସୂଚନା ଦେଇନାହିଁ ।
କ୍ଷୁଦ୍ର ଉପଗ୍ରହ ଉତକ୍ଷେପଣ ଯାନ (SSLV) ଆବଶ୍ୟକ ଏଥିପାଇଁପଡିଲା କାରଣ ଛୋଟ ଉପଗ୍ରହ ଉତକ୍ଷେପଣ ପାଇଁ ଅପେକ୍ଷା କରିବାକୁ ପଡୁଥିଲା । ସେମାନଙ୍କୁ ବଡ଼ ଉପଗ୍ରହ ସହିତ ଏକ ସ୍ପେସ୍ ବସ୍ ପଠାଇବାକୁ ପଡୁଥିଲା । ଆନ୍ତର୍ଜାତୀୟ ସ୍ତରରେ ଛୋଟ ଉପଗ୍ରହ ବହୁ ସଂଖ୍ୟାରେ ଆସୁଛି । ସେଗୁଡିକର ଲଞ୍ଚ ପାଇଁ ଚାହିଦା ମଧ୍ୟ ବୃଦ୍ଧି ପାଉଛି । ସେଥିପାଇଁ ISRO ଏହି ରକେଟ୍ ତିଆରି ପାଇଁ ପ୍ରସ୍ତୁତି କରିଥିଲା ।