ଦଶମୂଳରୁ ପ୍ରସ୍ତୁତ ଜଗାର ଫୁଲୁରି ତେଲ, ମାଟି ତଳେ ପୋତାହୁଏ ଏକ ବର୍ଷ

know about how ayurvedik phuluri tela is prepared for sick holy trinity

ଜଗାକୁ ପ୍ରବଳ ଜ୍ବର । ତାତିରେ ଖଇ ଫୁଟୁଛି । ଅସହ୍ୟ ହେଉଛି ଜ୍ବର ପୀଡା । ପାଟିକୁ ନା ଛପନ ଭୋଗ ରୁଚୁଛି ନା ଫଳମୂଳ । ସ୍ନାନ ପୂର୍ଣ୍ଣିମାରେ 108 ଗରା ଜଳରେ ଗାଧୋଇବା ପରେ ଅସୁସ୍ଥ ହୋଇଡିଛନ୍ତି ମହାପ୍ରଭୁ । ପାଖରେ ଅଛନ୍ତି ବଇଦ । ଚାଲିଛି ଗୁପ୍ତ ଚିକିତ୍ସା । ଜଗତର ନାଥ ଜଗନ୍ନାଥଙ୍କ ଜ୍ବର ଭଲ ପାଇଁ ଚାଲିଛି ଫୁଲରି ତେଲ(phuluri tela)ର ପ୍ରସ୍ତୁତି ।

ଫୁଲରି ତେଲ ସେବା କଣ

ଅସୁସ୍ଥ ଶ୍ରୀଜିଉଙ୍କୁ ସୁସ୍ଥ କରିବା ପାଇଁ ଗୁପ୍ତ ଚିକିତ୍ସା କରାଯାଇଥାଏ । ଜ୍ବରରେ ପୀଡିତ ଚତୁର୍ଦ୍ଧାମୂର୍ତ୍ତିଙ୍କ ଶ୍ରୀଅଙ୍ଗରେ ମାଲିସ ହୁଏ ଫୁଲରି ତେଲ । ବିଭିନ୍ନ ଚେରମୂଳିରୁ ପ୍ରସ୍ତୁତ ଆୟୁର୍ବେଦଗୁଣ ସମ୍ପନ୍ନ ଏହି ତେଲ ଅଣସରର ପଞ୍ଚମ ଦିନରେ ଶୀଜିଉଙ୍କ ଶ୍ରୀଅଙ୍ଗରେ ଲାଗି ହୋଇଥାଏ । ମହାପ୍ରଭୁଙ୍କ ଚିକିତ୍ସାରେ ଲାଗୁଥିବା ଏହି ମହୌଷଧୀକୁ ଫୁଲରିତେଲ ତଥା ଶ୍ରୀତୈଳ ମଧ୍ୟ କୁହାଯାଏ । ଆଉ ଏହି ସେବାକୁ ଫୁଲରି ତେଲ ସେବା ।

କିଭଳି ପ୍ରସ୍ତୁତ ହୁଏ ଫୁଲରି ତେଲ

ଜଗନ୍ନାଥଙ୍କ ଗୁପ୍ତନୀତିରେ ଅନେକ ରହସ୍ୟ ଲୁଚି ରହିଛି । ସେହିଭଳି ଅଣସର ନୀତିରେ ଫୁଲରିତେ(phuluri tela)ଲ ସେବା ଅନ୍ୟତମ । ଏହି ଫୁଲରି ତେଲ କଣ ଓ କିଭଳି ପ୍ରସ୍ତୁତ ହୋଇଥାଏ, ପ୍ରାୟତଃ କାହାରିକୁ ଏ ବିଷୟରେ ଜଣାନଥିବ ।

କିଆ, କେତକୀ, ଜଟାମାଂସୀ, ଚନ୍ଦନ ଅଗୁରୁ ଓ ରାଶି ଆଦି ଚେରମୂଳରୁ ମିଶ୍ରଣ ପ୍ରସ୍ତୁତ ହୋଇଥାଏ । ପୁରୀର ବଡ ଓଡିଆ ମଠ ଯୋଗାଇ ଦେଇଥାଏ ଏହି ଆୟୁର୍ବେଦିକ ତେଲ । ବେଲ, ଗମ୍ଭାରୀ, ଗିଲ, ଘରପୋଡିଆ, ଫଣଫଣା, ଅଗିବଥୁ ସହିତ ଦଶମୂଳ ମିଶ୍ରଣରେ ଫୁଲରି ତେଲ ପ୍ରସ୍ତୁତ କରାଯାଏ ।

ବର୍ଷେ ଯାଏଁ ମାଟି ତଳେ ପୋତି ରଖାଯାଏ ଫୁଲରି ତେଲ

ଅନେକ ଦିନ ପୂର୍ବରୁ ଫୁଲରି ତେଲ ପ୍ରସ୍ତୁତ କରାଯାଇ ଏହାକୁ ମାଟି ତଳେ ପୋତି ଦିଆଯାଏ । ପାଖାପାଖି ଏକ ବର୍ଷ ମାଟି ତଳେ ରହିବା ପରେ ଏହାକୁ ବାହା କରାଯାଏ । ମହାପ୍ରଭୁଅକ ସେବାୟତମାନେ ଏହାକୁ ଶୀଜିଉଙ୍କ ଶ୍ରୀଅଙ୍ଗରେ ମାଲିସ କରନ୍ତି । ଏହାପରେ ଧିରେ ଧିରେ ସୁସ୍ଥ ହୁଅନ୍ତି ମହାପ୍ରଭୁ ।