ଭାରତର ନଡିଆ ତେଲ(coconut oil) କିଣିବାକୁ ରୁଚି ଦେଖାଇଛି ଚୀନ । ତେବେ ଭାରତରୁ ନଡିଆ ତେଲ ଆମଦାନୀ(coconut oil import) କରିବାରେ ଚୀନ ପ୍ରଥମ ଦେଶ ହେବାର ସମ୍ଭାବନା ରହିଛି । ଏନେଇ ସର୍ବଭାରତୀୟ ଖାଦ୍ୟ ତେଲ ବ୍ୟବସାୟୀ ସଂଘ ପକ୍ଷରୁ ସୂଚନା ମିଳିଛି ।
ସୂଚନା ଅନୁଯୟୀ, ନଡିଆ ତେଲ(coconut oil)ରେ ରହୁଥିବା ପୋଷକ ତତ୍ତ୍ବର ମହତ୍ବକୁ ଦୃଷ୍ଟିରେ ରଖି ଚୀନ ଏହାକୁ କିଣିବାରେ ରୁଚି ଦେଖାଉଛି । ହେଲେ ଦେଶୀ ତେଲ, ରାଶି ତେଲ ଉପର ରପ୍ତାନୀ ଉପରେ ପ୍ରତିବନ୍ଧକ ଲଗାଇବାକୁ ବ୍ୟବସାୟୀ ସଂଘ କେନ୍ଦ୍ର ସରକାରଙ୍କୁ ଅନୁରୋଧ କରିଥିବା ଜଣାପଡିଛି । କାରଣ ଆମ ଦେଶରେ ଉତ୍ପାଦନ ହେଉଥିବା ଦେଶୀ ତେଲରେ ଅନେକ ଗୁଣ ରହିଛି । ସ୍ବାସ୍ଥ୍ୟ ପାଇଁ ଏକା ଲାଭଦାୟକ । ବାହାରୁ ଆମଦାନୀ ହେଉଥିବା ତେଲ କ୍ଷତିକାର ।
ଦେଶ ହିତରେ ଖାଇବା ତେଲର ରପ୍ତାନୀ ଉପରେ ପ୍ରତିବନ୍ଧକ ଲଗାଇବା ଉଚିତ ବୋଲି ବ୍ୟବସାୟୀ ସଂଘ କହିଛି । ବ୍ୟବସାୟୀ ସଂଘର କହିବାନୁଯାୟୀ, ଗୋଟିଏ ପକ୍ଷେ ଆମେ ପ୍ରଚୁର ମାତ୍ରାରେ ବିଦେଶୀ ତେଲର ଆମଦାନୀ କରୁଛନ୍ତି, ଯାହାକୁ ରିଫାଇନ କରି ହିଁ ଖିଆଯାଇାରିବ । ଅନ୍ୟପକ୍ଷେ ଆମେ ଆମ ଦେଶରେ ଉତ୍ପାଦିତ ତେଲ ରପ୍ତାନୀ କରୁଛେ ।
ବର୍ତ୍ତମାନ ଭାରତ ଓ ଏହାର ପ୍ରତିଦ୍ବନ୍ଦୀ ଦେଶ ଫିଲିପାଇନ୍ସ, ଇଣ୍ଡୋନେସିଆରେ ନଡିଆ ତେଲର ମୂଲ୍ୟ ପାଖାପାଖି ସମାନ ରହିଛି । ଚୀନ କିନ୍ତୁ ଏହାକୁ ଭାରତରୁ ଆମଦାନୀ କରିବା ପାଇଁ ବିଚାର କରୁଛି । ତେବେ ଚୀନକୁ ନଡିଆ ତେଲ ଦେବା ଉଚିତ ନୁହେଁ ବୋଲି ବ୍ୟବସାୟୀ ସଂଘ ଯୁକ୍ତି ରଖିଛି ।
ପାମ ତେଲର ରପ୍ତାନୀ ଅନୁମତି ଦେଲା ଇଣ୍ଡୋନେସିଆ
Edible Oil:ଶସ୍ତା ହେଲା ଖାଇବା ତେଲ ଦର; ଲିଟର ପିଛା ୧୫-୨୦ ଟଙ୍କାକୁ ହ୍ରାସ
ଅନ୍ତରାଷ୍ଟ୍ରୀୟ ବଜାରରେ ନଡିଆ ତେଲର ମୂଲ୍ୟ ପ୍ରତି ଟନ ପିଛା 1758 ଟଙ୍କା ରହିଛି । ତେବେ ଭାରତରେଏହାର ମୂଲ୍ୟ 1947 ଟଙ୍କା ଅଛି । ଯଦି ଚୀନ ଗୁଣାତ୍ମକ ଆଧାରରେ ଏହାକୁ ଭାରତରୁ ଆମଦାନୀ କରିବା ପାଇଁ ନିଷ୍ପତ୍ତି ନେଇଛି ତେବେ ନଡିଆ ତେଲର ଅନେକ ଉତ୍ପାଦନକାରୀ ଏହାକୁ ରପ୍ତାନୀ କରିବାକୁ ପ୍ରସ୍ତୁତ ହେଉଛନ୍ତି । ହେଲେ ରପ୍ତାନୀ ସେବେ ସମ୍ଭବ ହେବ, ଯେବେ ଏହା ଚୀନ ଅଧିକାରୀଙ୍କ କଡା ମାପଦଣ୍ଡ ପୁରା କରିବ । ଏହି ମାମଲାରେ ସ୍ପଷ୍ଟ ସୂଚନା ପାଇଁ କିଛି ସମୟ ଲାଗିପାରେ ।