ପାମ ତେଲର ରପ୍ତାନୀ ଅନୁମତି ଦେଲା ଇଣ୍ଡୋନେସିଆ

edible oil inflation will reduce very soon indonesia has issued export permit

ଖାଇବା ତେଲ(edible oil)ର ମହଙ୍ଗା ମାଡରୁ ଖାଉଟିଙ୍କୁ ମିଳିପାରେ ଆଶ୍ବସ୍ତି । ପାମ ତେଲର ରପ୍ତାନୀ(oil export) ଉପରେ ଲାଗିଥିବା କଟକଣା ଉଠାଇବା ପରେ ଜୁନ 3ରେ ମୋଟ 275,454 ଟନ ତେଲ ରପ୍ତାନୀ ପାଇଁ ଅନୁମତି ଦେଇଛି ଇଣ୍ଡୋନେସିଆ । ଏତେ ମାତ୍ରାରେ ତେଲ ଭାରତୀୟ ବଜାରରେ ପହଞ୍ଚିବା ପରେ ଦର କମିବା ନେଇ ଅନୁମାନ କରାଯାଉଛି ।

ପାମ ତେଲର ଯୋଗାଣ ପରେ ଦେଶରେ ଖାଇବା ତେଲର ଦର କମିବ । ଇଣ୍ଡୋନେସିଆରେ ଖାଇବା ତେଲର ଘରୋଇ ମୂଲ୍ୟ ନିୟନ୍ତ୍ରଣକୁ ଆଣିବା ପାଇଁ 28 ଏପ୍ରିଲରେ ପାମ ତେଲ ରପ୍ତାନୀ(oil export) ଉପରେ ରୋକ ଲଗାଇ ଦେଇଥିଲା । ଯାହା ଫଳରେ ଭାରତରେ ଖାଇବା ତେଲର ଦର ଆକା ଛୁଆଁ ହୋଇଥିଲା ।

ଅନ୍ତରାଷ୍ଟ୍ରୀୟ ଓ ଘରୋଇ ଚାପରେ ଆସି ଇଣ୍ଡୋନେସିଆକୁ ମେ 23ରେ ପାମ ତେଲ ରପ୍ତାନୀ ଉପରେ ଲାଗିଥିବା ପ୍ରତିବନ୍ଧକକୁ ହଟାଇବାକୁ ପଡିଥିଲା । ଏପଟେ କେନ୍ଦ୍ର ସରକାର ମଧ୍ୟ ତୈଳ ଦର ବୃଦ୍ଧି ଉପରେ ଲଗାମ ଲଗାଇବାକୁ ଅନେକ ପ୍ରୟାସ କରୁଛନ୍ତି ।

ଭାରତରେ ତେଲ ତାତି କମାଇବ ଗହମ ରପ୍ତାନି କଟକଣା, ଏହି ଦେଶ ଉପରେ ବଢିବ ଚାପ...

ଯୁଦ୍ଧ ପାଇଁ ମହଙ୍ଗା ହେଲା ଖାଇବା ତେଲ ; ଜାଣନ୍ତୁ କେତେ...

ଖାଇବା ତେଲର କ୍ରମାଗତ ଦରବୃଦ୍ଧିକୁ ରୋକିବା ପାଇଁ ଅଶୌଧିତ ପାମ ତେଲ, ସୋୟାବିନ ତେଲ ଓ ସୂର୍ଯ୍ୟମୁଖୀ ତେଲ ଉପରୁ ବସିକ ଡ୍ୟୁଟି 32.5 ପ୍ରତିଶତରୁ କମ କରି 17.5 ପ୍ରତିଶତ କରିଥିଲେ । ଅନ୍ୟପକ୍ଷେ ରିଫାଇନ ପାମ ତେଲ ଉପରୁ ବେସିକ ଡ୍ୟୁଟି 17.5 ପ୍ରତିଶତରୁ କମ କରି 12.5 ପ୍ରତିଶତ କରିଛନ୍ତି । ସରକାର ରିଫାଇନ ପାମ ତେଲର ମୁକ୍ତ ଆମଦାନୀକୁ 31 ଡିସେମ୍ର 2022 ପର୍ଯ୍ୟନ୍ତ ବଢାଇ ଦେଇଛନ୍ତି ।

ଖାଇବା ତେଲର ଦର ବୃଦ୍ଧି କମାଇବାକୁ ସରକାର 2022-23 ଓ 2023-34 ପାଇଁ ଶୂନ୍ୟ ଆମଦାନୀ ଶୁଳ୍କ ଉପରେ 20-20 ଲକ୍ଷ ଟନ ଅଶୌଧିତ ସୋୟାବିନ ଓ ସୂର୍ଯ୍ୟମୁଖୀ ତେଲର ଆମଦାନୀକୁ ଛାଡ କରିଥିଲେ । ଏହି ପଦକ୍ଷେପ କାରଣରୁ ଖାଇବା ତେଲର ବଢୁଥିବା ଦର ବୃଦ୍ଧି, ଘରୋଇ ଚାହିଦା ଓ ବିଶ୍ବ ପାମ ତେଲର ଯୋଗାଣରେ ଅନିଶ୍ଚିତତାକୁ ଦୃଷ୍ଟିରେ ରଖି ନିଆଯାଇଥିବା ସରକାର ଦାବି କରୁଛନ୍ତି ।