ଦିଲ୍ଲୀରେ ରଙ୍ଗାରଙ୍ଗ କାର୍ଯ୍ୟକ୍ରମ ସହ ଅନୁଷ୍ଠିତ ହେଲା କୃଷି ଜାଗରଣର 26 ତମ ପ୍ରତିଷ୍ଠା ଦିବସ

Krishi Jagran celebrates 26th anniversary with great zeal at Delhi's Silver Oak

ରାଜଧାନୀ ଦିଲ୍ଲୀରେ ରଙ୍ଗାରଙ୍ଗା କାର୍ଯ୍ୟକ୍ରମ ସହିତ ଅନୁଷ୍ଠିତ ହୋଇଯାଇଛି କୃଷି ଜାଗରଣ(Krishi Jagran)ର 26 ତମ ପ୍ରତିଷ୍ଠା ଦିବସ(26th anniversary ) । ଏହି ଅବସରରେ ଦିଲ୍ଲୀର ସିଲଭର ଓକ(Silver Oak)ରେ ଏକ ଭବ୍ୟ ସମାରୋହର ଆୟୋଜନ କରାଯାଇଥିଲା । ଏଥିରେ ପୂର୍ବତନ କେନ୍ଦ୍ରମନ୍ତ୍ରୀ ତଥା ବରିଷ୍ଠ ପ୍ରଶାସନିକ ଅଧିକାରୀ ଅଲଫୋନ୍ସ କନ୍ନନଥାନମଙ୍କ ସମେତ ଅନେକ ମାନ୍ୟଗଣ୍ୟ ଅତିଥି ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ ।

ନୃତ୍ୟ ଓ ସଙ୍ଗୀତ କାର୍ଯ୍ୟକ୍ରମକୁ ଆହୁରି ରଙ୍ଗାରଙ୍ଗ କରିଥିଲା । କାର୍ଯ୍ୟକ୍ରମରେ ବିଭିନ୍ନ ରାଜ୍ୟର ଅଂଶଗ୍ରହଣକାରୀ ନୃତ୍ୟ ପରିବେଷଣ କରିଥିଲେ । କୃଷିଜାଗରଣର ପ୍ରତିଷ୍ଠାତା ଏମସି ଡୋମିନିକ ସ୍ବାଗତ ଅଭିଭାଷଣ ରଖିବା ସହିତ ଚାଷୀଙ୍କ ହିତରେ ଏହି ମିଡିଆ ସଂସ୍ଥା କିଭଳି ଗତ 25 ବର୍ଷ ମଧ୍ୟରେ ବୈପ୍ଳବିକ ପରିବର୍ତ୍ତନ ଆଣିବାରେ କାର୍ଯ୍ୟ କରିଛି, ଏହାର ଯାତ୍ରା ସମ୍ପର୍କରେ ସମସ୍ତଙ୍କୁ ଅବଗତ କରାଇଥିଲେ । ଅନ୍ୟପକ୍ଷେ ଏହି ସମୟରେ ମଞ୍ଚ ଉପରେ ଉପସ୍ଥିତ ଥିଲେ କୃଷି ଜାଗରଣର ନିର୍ଦ୍ଦେଶକ ସାଇନି ଡୋମିନିକ ।

ଚାଷୀଙ୍କ ହିତରେ ସ୍ବର ଉଠାଇ ଆସୁଥିବା କୃଷି ଜଗତର ପ୍ରତିଷ୍ଠିତ ମିଡିଆ ଗ୍ରୁପ କୃଷି ଜାଗରଣକୁ ଗତ 5 ସେପ୍ଟେମ୍ବରରେ 25 ବର୍ଷ ପୁରିଥିଲା ।କୃଷି ଜାଗରଣ କୃଷି ଏବଂ କୃଷକମାନଙ୍କୁ ଆଗକୁ ନେବା ପାଇଁ ସର୍ବଦା ଉଦ୍ୟମ କରିଆସୁଛି । କୃଷି ସାମ୍ବାଦିକତାର ବିସ୍ତାର ପାଇଁ, ଅତ୍ୟାଧୁନିକ ଜ୍ଞାନକୌଶଳ ଏବଂ ଅଭିନବ ଚିନ୍ତାଧାରା ସହିତ ଆଗକୁ ବଢିବା ଦିଗରେ ନିରନ୍ତର ପ୍ରୟାସ ଜାରି ରହିଛି ।

ଗତ 25 ବର୍ଷ ଧରି କୃଷି ଜାଗରଣ କ୍ରମାଗତ ଭାବରେ କୃଷକମାନଙ୍କ ସହ ଯୋଡି ହୋଇ ସବିଶେଷ ତଥ୍ୟ, ଜ୍ଞାନ, ସୂଚନା ଆପଣଙ୍କ ନିକଟକୁ ପହଞ୍ଚାଉଛି । ପତ୍ରିକା, ନ୍ୟୁଜ୍ ପୋର୍ଟାଲ୍, ୟୁଟ୍ୟୁବ୍ ଚ୍ୟାନେଲ୍ ଏବଂ ସୋସିଆଲ୍ ମିଡିଆ ଭଳି ବହୁ ଯୋଗାଯୋଗର ମାଧ୍ୟମ ମାଧ୍ୟମରେ କୃଷି କ୍ଷେତ୍ର ସହିତ ସମ୍ପୃକ୍ତ ପାଠକ ଏବଂ ଦର୍ଶକଙ୍କ ମଧ୍ୟରେ ନିଜର ଉପସ୍ଥିତି ଜାହିର କରିଆସୁଛି ।

ଚାଷୀମାନଙ୍କ ସହିତ 26 ତମ ପ୍ରତିଷ୍ଠା ଦିବସ ପାଳନ କଲା କୃଷି ଜାଗରଣ