ଭାରତରେ ବୃଦ୍ଧି ପାଉଛି କୃଷିଜାତ ଉତ୍ପାଦ ଓ ପ୍ରକ୍ରିୟାକରଣ ଖାଦ୍ୟର ରପ୍ତାନି(exports) । ଫଳ ରପ୍ତାନିରେ ମଧ୍ୟ ବ୍ୟାପକ ଅଭିବୃଦ୍ଧି ପରିଲକ୍ଷିତ ହେଉଛି । ଚଳିତ ଆର୍ଥିକ ବର୍ଷର ପ୍ରଥମ ତିନି ମାସରେ ୩୧ ପ୍ରତିଶତ ବୃଦ୍ଧି ପାଇଛି କୃଷିଜାତ ଉତ୍ପାଦ ରପ୍ତାନି(agricultural exports) ।
ବିଭିନ୍ନ ଦେଶମାନଙ୍କରେ ଭାରତୀୟ ଡ୍ରାଏ ଫ୍ରୁଟ୍ସ(dry fruits)ର ଚାହିଦା ବୃଦ୍ଧି ପାଉଛି । ଦିନେ ଡ୍ରାଏ ଫ୍ରୁଟ୍ସର ଆମଦାନୀ କରୁଥିବା ଭାରତ ଆଜି ରପ୍ତାନି ରାସ୍ତାରେ ଆଗକୁ ବଢୁଛି। ଏହି କ୍ରମରେ ବିଦେଶରେ ପହଞ୍ଚିଛି ଲଦାଖର ଆପ୍ରିକୋଟ(apricots) । ଏନେଇ ସୂଚନା ଦେଇଛନ୍ତି କେନ୍ଦ୍ରମନ୍ତ୍ରୀ ପିୟୁଷ ଗୋଏଲ ।
ପିୟୁଷ ଗୋଏଲ ନିଜ ଫେସବୁକ ଆକାଉଣ୍ଟରେ ଏକ ପୋଷ୍ଟରେ ଲେଖିଛନ୍ତି ଯେ ଏବେ ଲଦାଖ ଚାଷୀଙ୍କ କାହାଣୀ ବଦଳୁଛି । ଏହାସହିତ ସେଠାକାର ଆପ୍ରିକୋଟ ମଧ୍ୟ ରପ୍ତାନି ହେଉଛି । ଲଦାଖର ଆପ୍ରିକୋଟ ମିଡିଲ ଇଷ୍ଟ, ଭିଏତନାମ ଓ ମୋରିସସରେ ପହଞ୍ଚିଥିବା କହିଛନ୍ତି ପିୟୁଷ ଗୋଏଲ ।
ଶୁଖିଲା ଏବଂ ତାଜା ଆପ୍ରିକୋଟ ଅମଳ ପାଇଁ ଲଦାଖ ବହୁତ ଧ୍ୟାନ ଦେଇଥାଏ । ଆପ୍ରିକୋଟର ସତେଜତା, ସ୍ବାଦ ଏବଂ ସୁଗନ୍ଧ ଏହାକୁ ଲୋକପ୍ରିୟ କରିପାରିଛି । ଏହାକୁ ବିଶ୍ବରର ବିଭିନ୍ନ ସ୍ଥାନରୁ ଆସୁଥିବା ପର୍ଯ୍ୟଟକମାନେ ଲଦାଖ ଆସିଲେ ଆପ୍ରିକୋଟ ଘରକୁ ନେଇଯାଆନ୍ତି ।
ଲଦାଖର ପ୍ରତ୍ୟେକ କୋଣ ଅନୁକୋଣରେ ଉପଲବ୍ଧ ଥିବାରୁ ଯଏ କେହି ବି ଏହାର ଆପ୍ରିକୋଟ ପ୍ୟାକେଟ କିଣି ପାରିବେ । ଏହା ସହିତ କେତେକ ଦୋକାନରେ ତାଜା ଆପ୍ରିକୋଟ ଜାମ ଏବଂ ତେଲ ମଧ୍ୟ ମିଳିଥାଏ ।