ସିଫା ଠାରେ ବିକଶିତ କୃଷି ସଂକଳ୍ପ ଅଭିଯାନର ଶୁଭାରମ୍ଭ

Launch of Agriculture Concept Campaign developed at CIFA

ଭାରତୀୟ କୃଷିରେ ପରିବର୍ତ୍ତନ ଆଣିବା ଉଦ୍ଦେଶ୍ୟରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ସ୍ୱରୂପ କେନ୍ଦ୍ର କୃଷି ଓ କୃଷକ କଲ୍ୟାଣ ମନ୍ତ୍ରୀ ଶ୍ରୀ ଶିବରାଜ ସିଂହ ଚୌହାନ ଆଜି ଭୁବନେଶ୍ୱର ଉପକଣ୍ଠ କୌଶଲ୍ୟାଗଙ୍ଗଠାରେ ଥିବା ଆଇସିଏଆର-କେନ୍ଦ୍ରୀୟ ମଧୁର ଜଳ ଜୀବ ପାଳନ ପ୍ରତିଷ୍ଠାନ (ଆଇସିଏଆର-ସିଫା), ଠାରେ ‘ବିକଶିତ କୃଷି ସଂକଳ୍ପ ଅଭିଯାନ’ର ଶୁଭାରମ୍ଭ କରିଛନ୍ତି।

ଏହି ଅଭିଯାନ ଏକ ଆତ୍ମନିର୍ଭରଶୀଳ ଏବଂ ଦୀର୍ଘସ୍ଥାୟୀ ଭାରତ ପାଇଁ ମାନ୍ୟବର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଦୃଷ୍ଟିକୋଣ ଅନୁରୂପ ହୋଇଥିବା ବେଳେ ଏହା ସାରା ଦେଶରେ ଉନ୍ନତ କୃଷି ଏବଂ ମତ୍ସ୍ୟଚାଷ ଜ୍ଞାନକୌଶଳର ବ୍ୟାପକ ଗ୍ରହଣୀୟତାକୁ ପ୍ରୋତ୍ସାହିତ କରିବ।

ସମାବେଶକୁ ସମ୍ବୋଧିତ କରି ଶ୍ରୀ ଶିବରାଜ ସିଂ ଚୌହାନ ପ୍ରଯୁକ୍ତିବିଦ୍ୟା ପ୍ରସାର, କ୍ଷମତା ନିର୍ମାଣ ଏବଂ ତୃଣମୂଳ ଯୋଗଦାନ ମାଧ୍ୟମରେ ସମଗ୍ର ଭାରତରେ ଦେଢ଼ କୋଟିରୁ ଅଧିକ କୃଷକଙ୍କ ନିକଟରେ ପହଞ୍ଚିବା ଲାଗି ଏହି ଅଭିଯାନର ଉଚ୍ଚାଭିଳାଷୀ ଲକ୍ଷ୍ୟ ଉପରେ ଆଲୋକପାତ କରିଥିଲେ। ମତ୍ସ୍ୟଚାଷ ଭାରତର ଖାଦ୍ୟ ସୁରକ୍ଷାର ଏକ ଅବିଚ୍ଛେଦ୍ୟ ଅଙ୍ଗ ଏବଂ ଜୀବିକା ବିକାଶ ପାଇଁ ଏକ କାର୍ଯ୍ୟକ୍ଷମ ମାର୍ଗ ବୋଲି ସେ ଗୁରୁତ୍ୱାରୋପ କରି କହିଥିଲେ ସେ କହିଥିଲେ ଯେ ଆଇସିଏଆର-ସିଫା ଦ୍ୱାରା ବିକଶିତ ସମସ୍ତ ଜ୍ଞାନକୌଶଳ କୃଷକମାନଙ୍କ ଆୟ ବୃଦ୍ଧି ଏବଂ ଏକ ବିକଶିତ ତଥା ଦୀର୍ଘସ୍ଥାୟୀ ମତ୍ସ୍ୟଚାଷ କ୍ଷେତ୍ର ନିର୍ମାଣ ପାଇଁ ପ୍ରଭାବଶାଳୀ ଢଙ୍ଗରେ ପହଞ୍ଚିବା ଆବଶ୍ୟକ।

ଉଦଘାଟନୀ ଉତ୍ସବରେ ଉପମୁଖ୍ୟମନ୍ତ୍ରୀ ତଥା ଓଡ଼ିଶା ସରକାରଙ୍କ କୃଷି ଓ କୃଷକ ସଶକ୍ତିକରଣ ଓ ଶକ୍ତି ମନ୍ତ୍ରୀ ଶ୍ରୀ କନକ ବର୍ଦ୍ଧନ ସିଂହ ଦେଓ, ତ୍ସ୍ୟ ଓ ପ୍ରାଣୀ ସମ୍ପଦ ବିକାଶ ମନ୍ତ୍ରୀ ଶ୍ରୀ ଗୋକୁଳାନନ୍ଦ ମଲ୍ଲିକଙ୍କ ସମେତ ଅନେକ ବିଶିଷ୍ଟ ବ୍ୟକ୍ତି ଯୋଗ ଦେଇଥିଲେ।

ଆଇସିଏଆର ମହାନିର୍ଦ୍ଦେଶକ ତଥା ସଚିବ (ଡିଏଆରଇ) ଡକ୍ଟର ଏମ.ଏଲ ଜାଟ୍‌, ମତ୍ସ୍ୟ ବିଜ୍ଞାନ ଉପମହାନିର୍ଦ୍ଦେଶକ ଡକ୍ଟର ଜେ.କେ. ଜେନା, କୃଷି ସମ୍ପ୍ରସାରଣ ଉପମହାନିର୍ଦ୍ଦେଶକ ଡକ୍ଟର ରାଜବୀର ସିଂ, କୋଲକାତା ଆଇସିଏଆର-ଏଟିଏଆରଆଇ ନିର୍ଦ୍ଦେଶକ ଡକ୍ଟର ପ୍ରଦୀପ ଦେ ପ୍ରମୁଖ ଯୋଗ ଦେଇଥିଲେ ।

ଶ୍ରୀ କନକ ବର୍ଦ୍ଧନ ସିଂ ଦେଓ ତାଙ୍କ ବକ୍ତବ୍ୟରେ କହିଥିଲେ, ବିକଶିତ କୃଷି ସଂକଳ୍ପ ଅଭିଯାନ ଅଭିଯାନ ଏକ ସମୟୋଚିତ ହସ୍ତକ୍ଷେପ ଯାହା ଓଡ଼ିଶାର କୃଷି ରୂପାନ୍ତରଣକୁ ତ୍ୱରାନ୍ୱିତ କରିବ ଏବଂ ନବସୃଜନ, ଭିତ୍ତିଭୂମି ଏବଂ ସଂସ୍ଥାଗତ ସହାୟତା ମାଧ୍ୟମରେ କୃଷକମାନଙ୍କୁ ସଶକ୍ତ କରିବ।

ଏହି ଅବସରରେ ଶ୍ରୀ ଗୋକୁଳାନନ୍ଦ ମଲ୍ଲିକ ବକ୍ତବ୍ୟ ରଖି, ଗ୍ରାମାଞ୍ଚଳର ଆର୍ଥିକ ବିକାଶ ଉଦ୍ଦେଶ୍ୟରେ ମାଗଣା ପ୍ରାଣୀ ଚିକିତ୍ସା ସ୍ୱାସ୍ଥ୍ୟ ସେବା ଏବଂ ସକ୍ରିୟ ପ୍ରାଣୀପାଳନ କାର୍ଯ୍ୟକ୍ରମ ମାଧ୍ୟମରେ କୃଷକ ଏବଂ ପ୍ରାଣୀପାଳକ ଚାଷୀମାନଙ୍କୁ ସଶକ୍ତ କରିବା ପାଇଁ ଓଡ଼ିଶା ସରକାରଙ୍କ ପ୍ରତିବଦ୍ଧତାକୁ ଦୋହରାଇଥିଲେ।

ଆଇସିଏଆର ଡିଜି ଡକ୍ଟର ଏମ.ଏଲ ଜାଟ୍‌, ବିକଶିତ କୃଷି ସଂକଳ୍ପ ଅଭିଯାନକୁ ଏକ ଯୁଗାନ୍ତକାରୀ ଖରିଫ୍‌ ପୂର୍ବ ଅଭିଯାନ ଭାବେ ବର୍ଣ୍ଣନା କରିଥିଲେ ଏବଂ କହିଥିଲେ ଯେ, ଏହା କୃଷକମାନଙ୍କ ଆବଶ୍ୟକତା ସହିତ ଅତ୍ୟାଧୁନିକ ବୈଜ୍ଞାନିକ ଗବେଷଣାକୁ ଯୋଡ଼ିଥାଏ। ସେ ସମସ୍ତ ଅଂଶୀଦାରମାନଙ୍କୁ ଭାରତୀୟ କୃଷିରେ ସମୃଦ୍ଧି ଏବଂ ଦୃଢ଼ତା ସୁନିଶ୍ଚିତ କରି ଏକ ବିକଶିତ ଭାରତ ପାଇଁ ବିକଶିତ କୃଷିର ଦୃଷ୍ଟିକୋଣକୁ ସାକାର କରିବା ପାଇଁ ଏକଜୁଟ ହେବାକୁ ଆହ୍ୱାନ କରିଥିଲେ।

୬୦୦ ରୁ ଅଧିକ କୃଷକ ଏବଂ ସ୍ୱୟଂ ସହାୟକ ଗୋଷ୍ଠୀର ମହିଳା ଚାଷୀ ଏହି ବୈଜ୍ଞାନିକ-କୃଷକ ବାର୍ତ୍ତାଳାପ ଅଧିବେଶନରେ ଅଂଶଗ୍ରହଣ କରିଥିଲେ। ସେମାନେ ଦୀର୍ଘସ୍ଥାୟୀ ପଦ୍ଧତି, ଉନ୍ନତ ପ୍ରଯୁକ୍ତିବିଦ୍ୟା ଏବଂ କୃଷି ଓ ଜଳ ଜୀବ ଚାଷ ପାଇଁ ସମନ୍ୱିତ ଆଭିମୁଖ୍ୟ ବିଷୟରେ ଅନ୍ତର୍ଦୃଷ୍ଟି ହାସଲ କରିଥିଲେ।

ଏହି ଦିନର ଏକ ପ୍ରମୁଖ ଆକର୍ଷଣ ଥିଲା ମାନ୍ୟବର କୃଷି ମନ୍ତ୍ରୀଙ୍କ ଦ୍ୱାରା ଏକ ଅଭିନବ ମାଛ ଟିକା-"ସିଫା ଆର୍ଗୁ ଭାକ୍ସ-1" ର ଉନ୍ମୋଚନ। ଆଇସିଏଆର୍- ସିଫା ଦ୍ୱାରା ବିକଶିତ, ଏହି ଟିକା ମାଛରେ ପରଜୀବୀ ସଂକ୍ରମଣକୁ ମାରିଥାଏ ଯାହା ମାଛ ସ୍ୱାସ୍ଥ୍ୟ ପରିଚାଳନାରେ ଏକ ଗୁରୁତ୍ୱପୂର୍ଣ୍ଣ ସଫଳତା ପ୍ରଦାନ କରିଥାଏ ଏବଂ ଜଳଜୀବ ଚାଷରେ ଆର୍ଥିକ କ୍ଷତି ହ୍ରାସ କରିଥାଏ।

Read more 

OUATରେ ବିକଶିତ କୃଷି ସଂକଳ୍ପ ଅଭିଯାନର ଶୁଭାରମ୍ଭ

ଲ୍ୟାବ୍ ଟୁ ଲ୍ୟାଣ୍ଡ: ପରୀକ୍ଷାଗାର ଓ ଚାଷ ଜମିକୁ ଯୋଡ଼ିବାକୁ ନୂତନ ପ୍ରୟାସ