ଦେଶରେ ପୁଣି ବଢିଲା ରନ୍ଧନ ଗ୍ୟାସ (LPG price hiked) ଦର । ଆଜି ଗୁରୁବାର (Thursday) ଉଭୟ ଘରୋଇ LPG ସିଲିଣ୍ଡର ଏବଂ କମର୍ସିଆଲ LPG ସିଲିଣ୍ଡର ଦାମ୍ ବଢିଛି ।
ସୂଚନା ଅନୁଯାୟୀ, ମହଙ୍ଗା ମାଡରେ ହନ୍ତସନ୍ତ ହେଉଥିବା ଖାଉଟିଙ୍କୁ ଆଜି ସକାଳ ଗୁରୁବାର (Thursday) ଆଉ ଏକ ଝଟକା ଲାଗିଛି । ଚଳିତ ମାସରେ ଦ୍ୱିତୀୟ ଥର ଲାଗି LPG ସିଲିଣ୍ଡର ଦରରେ ବୃଦ୍ଧି ଘଟିଛି । 14 କେଜିର ଅଣ-ସବସିଡିଯୁକ୍ତ ଘରୋଇ LPG ସିଲିଣ୍ଡର ଦାମ୍ 3 ଟଙ୍କା 50 ପଇସା (Domestic LPG Price hiked by Rs 3.50) ଏବଂ କମର୍ସିଆଲ LPG ସିଲିଣ୍ଡର ଦାମ 8 ଟଙ୍କା ମହଙ୍ଗା ହୋଇଛି । ଆଜି ଠାରୁ ଏହି ନୂଆ ଦର ଲାଗୁ ହୋଇଛି ।
ଚଳିତ ମାସରେ ଦ୍ବିତୀୟ ଥର ଗ୍ୟାସ ଦର ବୃଦ୍ଧି ପାଇଛି । ଫଳରେ ବର୍ତ୍ତମାନ ଘରୋଇ ଗ୍ୟାସ ସିଲିଣ୍ଡର ଦାମ୍ 1000 ଟଙ୍କା ପାର୍ କରିଛି । ଏହି ବୃଦ୍ଧି ପରେ ଘରୋଇ ସିଲିଣ୍ଡରର ଦର ଭୁବନେଶ୍ୱର (Bhubaneswar)ରେ ୧୦୨୬ ଟଙ୍କାରୁ ବଢି ୧୦୨୯ ଟଙ୍କା ହୋଇଛି । କଟକ (Cuttack)ରେ ଏହି ଦର ୧୦୨୬ ଟଙ୍କା ୫୦ ପଇସାରୁ ବଢି ୧୦୨୯ ଟଙ୍କା ୫୦ ପଇସା ହୋଇଛି ।
ନୂଆ ଦର ଲାଗୁ ପରେ ଦିଲ୍ଲୀ (Delhi) ଓ ମୁମ୍ବାଇ (Mumbai)ରେ ଘରୋଇ LPG ସିଲିଣ୍ଡର 1,003 ଟଙ୍କାକୁ ବୃଦ୍ଧି ପାଇଛି । କୋଲକାତା (Kolkata)ରେ ଏହି ଦର 1,029 ଟଙ୍କାରେ ପହଞ୍ଚିଥିବା ବେଳେ ଚେନ୍ନାଇ (Chennai)ରେ ଦାମ 1,018 ଟଙ୍କା 50 ପଇସା ରହିଛି ।
ସେହିପରି ଏଣିକି କମର୍ସିଆଲ LPG ସିଲିଣ୍ଡର ପାଇଁ ଦିଲ୍ଲୀରେ 2,354 ଟଙ୍କା, କୋଲକାତାରେ 2,454 ଟଙ୍କା ଏବଂ ମୁମ୍ବାଇରେ 2,306 ଟଙ୍କା ଦେବାକୁ ପଡିବ । କହିରଖୁଛି କି, ଏହାପୂର୍ବରୁ ଗତ 7 ତାରିଖରେ ଘରୋଇ ଗ୍ୟାସ ସିଲିଣ୍ଡର ଦର 50 ଟଙ୍କା ବଢିଥିଲା ।
ପ୍ରକାଶ ଥାଉ ଯେ, ରନ୍ଧନ ଗ୍ୟାସ ମୂଲ୍ୟ ବଢୁଥିଲେ ହେଁ ଦେଶରେ ଦୀର୍ଘ ଦିନ ହେଲାଣି ପେଟ୍ରୋଲ ଓ ଡିଜେଲ (Petrol and Diesel price) ଦର ସ୍ଥିର ରହିଛି ।
ବର୍ତ୍ତମାନ କାହାକୁ ମିଳିବ LPG ସବସିଡିର ଲାଭ ? ସ୍ପଷ୍ଟ କଲା ସରକାର,ନିହାତି ଜାଣନ୍ତୁ...