ଭାରତକୁ 5 ଟ୍ରିଲିୟନ ଅର୍ଥନୀତି(5-trillion economy)ରେ ପରିଣତ କରିବା ପାଇଁ ସ୍ବପ୍ନ ଦେଖିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି(PM Modi) । ଆଉ ଏହି ସ୍ବପ୍ନକୁ ପୁରଣ କରିବା ପାଇଁ ଅନେକ ରାଜ୍ୟ ହାତରେ ହାତ ମିଳାଇ ଆଗକୁ ବଢୁଛନ୍ତି । ଏହି କ୍ରମରେ ଗୋଟିଏ ପାଦ ଆଗେଇ 550 ବିଲିୟନ ଡଲାର(USD 550 billion)ର ଯୋଗଦାନ ଦେବାକୁ ଘୋଷଣା କରିଛନ୍ତି ମଧ୍ୟପ୍ରଦେଶ ସରକାର ।
ସୂଚନା ଅନୁଯାୟୀ, ଅଗଷ୍ଟ 7ରେ ହୋଇଥିବା ନୀତିଆୟୋଗ ବୈଠକରେ ମଧ୍ୟପ୍ରଦେଶ ଭାରତକୁ 5 ଟ୍ରିଲିୟନ ଅର୍ଥନୀତିରେ ପରିଣତ କରିବା ପାଇଁ 550 ବିଲିୟନ ଡଲାରର ଯୋଗଦାନ ଦେବ ବୋଲି କହିଥିଲେ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ।
ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ରବିବାର କହିଛନ୍ତି ଯେ ଭାରତକୁ 5 ଟ୍ରିଲିୟନ ଡଲାର ଅର୍ଥନୀତିରେ ପରିଣତ କରିବା ପାଇଁ ମଧ୍ୟପ୍ରଦେଶ 550 ବିଲିୟନ ଡ଼ଲାର ଯୋଗାଇବ। ଏକବିଂଶ ଶତାବ୍ଦୀର 'ଆତ୍ମନିର୍ଭରଶୀଳ ଭାରତ' ସଂପର୍କରେ ମଧ୍ୟପ୍ରଦେଶ ପିଏମ ମୋଦୀଙ୍କ ଭିଜନକୁ ମନେ ରଖିଛି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ସପ୍ତମ NITI ଆୟୋଗ ପରିଚାଳନା ପରିଷଦ ବୈଠକରେ ଯୋଗଦେବା ପାଇଁ ନୂଆଦିଲ୍ଲୀରେ ପହଞ୍ଚିଥିବା ସିଏମ ଶିବରାଜ କହିଥିଲେ ଯେ 2019 ରେ ପ୍ରଧାନମନ୍ତ୍ରୀ ମୋଦୀ 2024-25 ସୁଦ୍ଧା ଭାରତକୁ 5 ଟ୍ରିଲିୟନ ଆମେରିକୀୟ ଡଲାରର ଅର୍ଥନୀତି ଏବଂ ବିଶ୍ବର ଶକ୍ତିକେନ୍ଦ୍ରରେ ପରିଣତ କରିବାକୁ କଳ୍ପନା କରିଥିଲେ । ଭାରତକୁ 5 ଟ୍ରିଲିୟନ ଡଲାର ଅର୍ଥନୀତିରେ ପରିଣତ କରିବାକୁ ମଧ୍ୟପ୍ରଦେଶ 550 ବିଲିୟନ ଡଲାର ଯୋଗଦାନ କରିବ ।
ମଧ୍ୟପ୍ରଦେଶ ମୁଖ୍ୟମନ୍ତ୍ରୀ କହିଛନ୍ତି ଯେ "ଏକ ଭାରତ ଶ୍ରେଷ୍ଠ ଭାରତ" ଅଭିଯାନରେ NITI ଆୟୋଗର ପ୍ରମୁଖ ଭୂମିକା ରହିଛି । ଏହାର ଉଦ୍ଦେଶ୍ୟ ହେଉଛି ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳର ଲୋକଙ୍କ ସହିତ ପାରସ୍ପରିକ ବୁଝାମଣା ବଢାଇବା । ଏହି ଆୟୋଗ ରାଜ୍ୟର ଶକ୍ତି ପାଲଟିଛି । 2020ରେ ରାଜ୍ୟ ସରକାର ଆତ୍ମନିର୍ଭରଶୀଳ ମଧ୍ୟପ୍ରଦେଶର ମାନଚିତ୍ର ପ୍ରସ୍ତୁତ କରିଥିବା କହିଛନ୍ତି ଚୌହାନ ।