MFOI ପୁରସ୍କାର 2023: କୋଟିପତି କୃଷକ ପୁରସ୍କାର ଲୋଗୋ ଏବଂ ଟ୍ରଫି ଉନ୍ମୋଚନ

MFOI 2023 union minister parshottama rupala unveiled the logo and trophy

କେନ୍ଦ୍ର ମନ୍ତ୍ରୀ ପୁରୁଷୋତ୍ତମ ରୁପାଲା କୃଷି ଜାଗରଣ ମିଡିଆ ସଂସ୍ଥା ଦ୍ୱାରା ଆୟୋଜିତ ହୋଇଥିବା କାର୍ଯ୍ୟକ୍ରମରେ ଗତକାଲି ବହୁ ପ୍ରତୀକ୍ଷିତ ପୁରସ୍କାର ବିତରଣ ଉତ୍ସବ “ମିଲେନେୟାର କୃଷକ ପୁରସ୍କାର ଲୋଗୋ ଏବଂ ଟ୍ରଫି” କୁ ଉନ୍ମୋଚନ କରିଛନ୍ତି । ମୁଖ୍ୟ ଅତିଥି ଭାବେ କେନ୍ଦ୍ର ମତ୍ସ୍ୟ ଓ ପଶୁପାଳନ ଏବଂ ଦୁଗ୍ଧ ମନ୍ତ୍ରୀ ପୁରୁଷୋତ୍ତମ ରୂପାଲା ଅଧ୍ୟକ୍ଷତା ମଧ୍ୟ କରିଥିଲେ | ଏହି କାର୍ଯ୍ୟକ୍ରମ ପାଇଁ କୃଷି ଜାଗରଣର ପରିଚାଳନା ନିର୍ଦ୍ଦେଶକ ସ୍ୱାଗତ ଭାଷଣ ଦେଇ କାର୍ଯ୍ୟକ୍ରମକୁ ଆରମ୍ଭ କରିଥିଲେ ।

ଦର୍ଶକଙ୍କ ସାମ୍ନାରେ କୃଷି ଜାଗରଣର ଚମତ୍କାର ଯାତ୍ରା ପ୍ରଦର୍ଶନ କରୁଥିବା ଏକ ଆକର୍ଷଣୀୟ କର୍ପୋରେଟ୍ ଭିଡିଓ ପ୍ରଦର୍ଶିତ ହୋଇଥିଲା ଯାହା ସେଠାରେ ଥିବା ସମସ୍ତଙ୍କୁ ଖୁବ ଆକର୍ଷିତ କରିଥିଲା l ଏହି ସଂସ୍ଥା କୃଷକମାନଙ୍କୁ ସଶକ୍ତିକରଣ ପାଇଁ ଦେଇଥିବା ପ୍ରତିବଦ୍ଧତାକୁ ଆଲୋକିତ କରେ l ସମସ୍ତ ଅତିଥି ଉପସ୍ଥିତ ହେବା ପରେ ପରେ ମୁଖ୍ୟ ଅତିଥିମାନଙ୍କ ଦ୍ୱାରା MFOI ଲୋଗୋ ଏବଂ ଟ୍ରଫି ଉନ୍ମୋଚନ କରାଯାଇଥିଲା l “ଭାରତର କୋଟିପତି କୃଷକ” ଶୀର୍ଷକକୁ ନେଇ ଏକ ମଜାଦାର ଭିଡିଓ ଉପସ୍ଥାପନା ଦର୍ଶକଙ୍କୁ ଆକର୍ଷିତ କରି ସଫଳ କୃଷକଙ୍କ ଅସାଧାରଣ ସଫଳତାକୁ ଦର୍ଶାଇଥିଲା ଯେଉଁମାନେ କେବଳ କୃଷି କ୍ଷେତ୍ରରେ ବିଶେଷ ଅବଦାନ ଦେଇନାହାଁନ୍ତି ବରଂ ଆର୍ଥିକ ସଫଳତା ମଧ୍ୟ ହାସଲ କରିଛନ୍ତି ।

ବିଭିନ୍ନ ବର୍ଗର କୃଷକଙ୍କ ଉଲ୍ଲେଖନୀୟ ସଫଳତାକୁ ସ୍ୱୀକୃତି ଦେଉଥିବା MFOI ପୁରସ୍କାରର ବିଭିନ୍ନ ବର୍ଗର ପ୍ରଦର୍ଶନ କରୁଥିବା ଭିଡିଓଗୁଡିକର ସ୍କ୍ରିନିଂ ସହିତ ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା l ପ୍ରତ୍ୟେକ ଅସାଧାରଣ ବ୍ୟକ୍ତିବିଶେଷଙ୍କ ଉଲ୍ଲେଖନୀୟ କାହାଣୀ ଏବଂ ସଫଳତା ଉପରେ ଅଧିକ ଗୁରୁତ୍ୱ ଦେଇ ପ୍ରତ୍ୟେକ ଭିଡିଓକୁ ଦର୍ଶକଙ୍କ ପାଖରେ ଆଲୋକପାତ କରାଯାଇଥିଲା  | କୃଷି ଜାଗରଣର ପ୍ରତିଷ୍ଠାତା ଶ୍ରୀ  ଏମସି ଡୋମିନିକ୍ ଏହି କୋଟିପତି ଚାଷୀଙ୍କ ପ୍ରେରଣାଦାୟକ ଯାତ୍ରାକୁ ଲୋକଙ୍କ ନିକଟରେ ପହଞ୍ଚାଇବା ଏବଂ ଦେଶରେ କୃଷିର ଗୁରୁତ୍ୱକୁ ଦର୍ଶାଇ MFOI ପୁରସ୍କାର ପଛରେ ଥିବା ଦୃଷ୍ଟିକୋଣକୁ ମଞ୍ଚରେ ନିଜ ବକ୍ତବ୍ୟ ମାଧ୍ୟମରେ ପ୍ରଦର୍ଶିତ କରିଥିଲେ l ପରେ ଅନ୍ୟାନ୍ୟ ମୁଖ୍ୟ ଅତିଥିମାନେ ନିଜ ବକ୍ତବ୍ୟ ରଖିଥିଲେ ମଞ୍ଚରେ l ଯାହା ଦେଶର କୃଷିକୁ ଆଲୋକପାତ କରିଥିଲା l

 

କେନ୍ଦ୍ରକୃଷି ମନ୍ତ୍ରୀ ନରେନ୍ଦ୍ର ସିଂ ତୋମାରଙ୍କ କାର୍ଯ୍ୟକ୍ରମରେ ତାଙ୍କର ଆଶୀର୍ବାଦ ଏବଂ ଏହି ପଦକ୍ଷେପ ପାଇଁ ପୁରସ୍କାରର ଗୁରୁତ୍ୱ ତଥା କୃଷି ସମ୍ପ୍ରଦାୟର ଉଲ୍ଲେଖନୀୟ ସଫଳତା ଉପରେ ଗୁରୁତ୍ୱ ଦେଇଥିବା ଏକ ଭିଡିଓ ପ୍ରଦର୍ଶନ କରାଯାଇଥିଲା । ଜାତୀୟ ବର୍ଷାଜଳ କ୍ଷେତ୍ର ଆୟୋଗର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଏବଂ କୃଷକଙ୍କ ଆୟକୁ ଦ୍ୱିଗୁଣିତ କରିବା ପାଇଁ ୱାର୍କିଂ ଗ୍ରୁପ୍ ର ଚେୟାରମ୍ୟାନ୍ ଡଃ. ଅଶୋକ ଥାଲାଭାଇ ଏବଂ ପଶୁପାଳନ ବିଭାଗର ପୂର୍ବତନ ସଚିବ ବିଶିଷ୍ଟ ବକ୍ତାମାନଙ୍କ ଭାଷଣରେ ଏହି କାର୍ଯ୍ୟକ୍ରମ ଗତିଶୀଳ ହୋଇଥିଲା ଏବଂ ସେମାନେ ଦୁଗ୍ଧ, କୃଷି କାର୍ଯ୍ୟ ଉପରେ ସେମାନଙ୍କର ମୂଲ୍ୟବାନ ଦୃଷ୍ଟିକୋଣ ବାଣ୍ଟିଥିଲେ ଯାହା ସମସ୍ତଙ୍କୁ ଆକର୍ଷିତ କରିଥିଲା l ତେବେ କୃଷି ଜାଗରଣ ସଂସ୍ଥା ଦ୍ୱାରା ଆୟୋଜିତ କାର୍ଯ୍ୟକ୍ରମ ମାଧ୍ୟମରେ କୃଷକଙ୍କ ପାଇଁ କିଛି ନୂଆ କରିବାର ଆଶା ରଖାଯାଇ ଆୟୋଜନ କରାଯାଇଥିଲା ଯାହା ସଫଳ ମଧ୍ୟ ହୋଇଛି ଗତକାଲି l

କୃଷି ଜାଗରଣ ଦ୍ୱାରା ଆୟୋଜନ ହେଲା MILLIONAIRE FARMERS 2023