ଚାଷୀଙ୍କ ଆୟ ବୃଦ୍ଧିର ରୋଡମ୍ୟାପ ପ୍ରସ୍ତୁତ ଉପରେ MSP କମିଟିର ଆଲୋଚନା

MSP panel discusses agri reforms, to prepare road map to boost farmers’ earnings

ପ୍ରଥମ ବୈଠକରେ ବିଭିନ୍ନ ଫସଲ ପାଇଁ ସର୍ବନିମ୍ନ ସହାୟତା ମୂଲ୍ୟ (MSP) ବ୍ୟବସ୍ଥାର କାର୍ଯ୍ୟକାରିତା, କୃଷି ଋଣ ଛାଡ ଏବଂ କୃଷି ତଥା ସହଯୋଗୀ କ୍ଷେତ୍ରରେ ଅଧିକ ସଂସ୍କାରର ଆବଶ୍ୟକତା ଉପରେ ଏମଏସପି କମିଟି(MSP panel) ବିଚାର ବିମର୍ଶ କରିଛି ।

ତିନୋଟି କୃଷି ଆଇନ ପ୍ରତ୍ୟାହାର ହେବା ପରେ ଜୁଲାଇ 2022ରେ ସରକାର ପୂର୍ବତନ କୃଷି ସଚିବ ସଞ୍ଜୟ ଅଗ୍ରୱାଲଙ୍କ ଅଧ୍ୟକ୍ଷତାରେ ଏକ କମିଟି ଗଠନ କରିଥିଲେ । ଏହା ବ୍ୟତୀତ ନୀତି ଆୟୋଗ (କୃଷି) ସଦସ୍ୟ ପ୍ରଫେସର ରମେଶ ଚାନ୍ଦ, କୃଷି ଅର୍ଥନୀତିଜ୍ଞ ସିଏସସି ଶେଖର, ଆଇଆଇଏମ ଅହମ୍ମଦାବାଦର ସୁଖପାଲ ସିଂ ଏହି କମିଟିରେ ଅନ୍ତର୍ଭୁକ୍ତ ହୋଇଥିଲେ। ଏହି କମିଟିକୁ ଏମଏସପି, ଫସଲର ବିବିଧକରଣ ଏବଂ ପ୍ରାକୃତିକ ଚାଷର ପ୍ରୋତ୍ସାହନ ସହିତ ଜଡିତ ସମସ୍ୟାଗୁଡିକୁ ତଦାରଖ କରିବାର ଦାୟିତ୍ବ ଦିଆଯାଇଥିଲା ।

ସୋମବାର କମିଟି ରୋଡମ୍ୟାପ ପ୍ରସ୍ତୁତ କରିବା ପୂର୍ବରୁ ବେଞ୍ଚମାର୍କ ମୂଲ୍ୟ ଉପରେ ଅଧିକ ତଥ୍ୟ ସଂଗ୍ରହ କରିବାକୁ ନିଷ୍ପତ୍ତି ନେଇଛି। କୃଷି, ଖାଉଟି ଏବଂ ଅନ୍ୟାନ୍ୟ ମନ୍ତ୍ରଣାଳୟର ଅଧିକାରୀମାନେ କମିଟି ସମ୍ମୁଖରେ ସେମାନଙ୍କର ମତାମତ ଉପସ୍ଥାପନ କରିଥିଲେ।

ଆଲୋଚନାର ଏକ ପ୍ରମୁଖ ଅଂଶ ଭାବରେ ଏମଏସପି ବ୍ୟବସ୍ଥାର କାର୍ଯ୍ୟକାରୀତା ଏବଂ ଚାଷୀଙ୍କ ଉପରେ ଏହାର ପ୍ରଭାବକୁ ନେଇ ଚର୍ଚ୍ଚା ହୋଇଥିଲା । ସେହିପରି କୃଷି ଋଣ ଛାଡ ଏବଂ କୃଷି କ୍ଷେତ୍ରରେ ସଂସ୍କାରର ଆବଶ୍ୟକତା ଉପରେ ବ୍ୟାପକ ଆଲୋଚନା କରାଯାଇଛି।

ବର୍ତ୍ତମାନ, ଫୁଡ୍ କର୍ପୋରେସନ୍ ଅଫ୍ ଇଣ୍ଡିଆ, ରାଜ୍ୟ ଏଜେନ୍ସିଗୁଡିକ ସହିତ ମିଳିତ ଭାବେ ଚାଷୀଙ୍କୁ ଏମଏସପି ଦେୟ ମାଧ୍ୟମରେ ପଞ୍ଜାବ, ହରିୟାଣା, ମଧ୍ୟପ୍ରଦେଶ, ରାଜସ୍ଥାନ, ଛତିଶଗଡ, ଓଡିଶା, ତେଲେଙ୍ଗାନା ଏବଂ ଆନ୍ଧ୍ରପ୍ରଦେଶରେ ଚାଉଳ ଏବଂ ଗହମ କ୍ରୟ କରୁଛି । କ୍ରୟ ହୋଇଥିବା ଶସ୍ୟ ଜାତୀୟ ଖାଦ୍ୟ ସୁରକ୍ଷା ଆଇନ ଏବଂ ଅନ୍ୟାନ୍ୟ କଲ୍ୟାଣକାରୀ ଯୋଜନା କାର୍ଯ୍ୟକାରୀ କରିବା ଏବଂ ବଫର୍ ଷ୍ଟକ୍ ବଜାୟ ରଖିବା ପାଇଁ ବ୍ୟବହୃତ ହୁଏ ।

ଦିଲ୍ଲୀରେ ଚାଷୀଙ୍କ ମହାପଞ୍ଚାୟତ, ସୁରକ୍ଷା କଡାକଡି

ଚାଷୀଙ୍କ ପାଇଁ ବଡ ଖବର, MSP ଉପରେ କମିଟି ଗଠନକଲେ ସରକାର