'ଓଡିଆ' ଭାରତୀୟ ଲିପିର ରାଣୀ: ପ୍ରତାପ ଷଡଙ୍ଗୀ

Odia Is The queen Of Indian Scripts, says Pratap Sarangi at krishi jagran

ରାଜଧାନୀ ଦିଲ୍ଲୀରେ ସର୍ବ ସମ୍ମୁଖରେ ପ୍ରତିଟି ଓଡିଆଙ୍କୁ ଗୌରବାନ୍ବିତ କରିଛନ୍ତି ପୂର୍ବତନ କେନ୍ଦ୍ରମନ୍ତ୍ରୀ ତଥା ଓଡିଆ ସାଂସଦ ପ୍ରତାପ ଚନ୍ଦ୍ର ଷଡଙ୍ଗୀ(Pratap Sarangi) । ଓଡିଆ(Odia) ହେଉଛି ସମଗ୍ର ଭାରତୀୟ ଲିପି(Indian Scripts)ର ରାଣୀ ବୋଲି କହିଛନ୍ତି ପ୍ରତାପ । ଦିଲ୍ଲୀ ସ୍ଥିତ କୃଷି ଜାଗରଣ ପରିଦର୍ଶନ କରି ଏଭଳି କହିଥିଲେ ସାଂସଦ ଷଡଙ୍ଗୀ ।

କୃଷି ଜାଗରଣରେ ପୂର୍ବତନ କେନ୍ଦ୍ରମନ୍ତ୍ରୀଙ୍କୁ ଭବ୍ୟ ସ୍ବାଗତ କରାଯାଇଥିଲା । ଅଫିସ ପରିଦର୍ଶନ କରି ବିଭିନ୍ନ ଭାଷାଭାଷୀ କୃଷି ସାମ୍ବାଦିକଙ୍କ ସହ କଥା ହୋଇଥିଲେ ପ୍ରତାପ ଷଡଙ୍ଗୀ । ଏହି ଅବସରରେ ସେ ସର୍ବ ସମ୍ମୁଖରେ କହିଛନ୍ତି ଯେ ଓଡିଆ ହେଉଛି ସମସ୍ତ ଭାରତୀୟ ଲିପିର ରାଣୀ ।

ସେହିପରି ଜଣେ ଭାରତୀୟ ତଥା ଓଡିଆ ହୋଇ ଗର୍ବ ଅନୁଭବ କରୁଥିବା ପ୍ରତାପ ଷଡଙ୍ଗୀ ନିଜ ଅଭିଭାଷଣରେ କହିଛନ୍ତି । ସାଂସଦ କହିଛନ୍ତି, ଜଣେ ଭାରତୀୟ, ଜଣେ ଓଡିଆ ଏବଂ ବାଲେଶ୍ବର ଜିଲ୍ଲା ନୀଳଗିରିରେ ଜନ୍ମ ନେଇ ଗର୍ବ ଅନୁଭବ କରେ । ଅନ୍ୟପକ୍ଷେ ସ୍ବାଧୀନତା ଆନ୍ଦୋଳନରେ ଗଡଜାତ ରାଜ୍ୟର ମିଶ୍ରଣ ସମୟରେ ନୀଳଗିରିର ଅବଦାନ ସମ୍ପର୍କରେ ସେ ଇତିହାସର ବର୍ଣ୍ଣାନା କରିଥିଲେ ।

ପ୍ରତାପ ଏହା ମଧ୍ୟ କହିଛନ୍ତି ଯେ ଆମ ମଧ୍ୟରେ ଏକତା ନଥିବାରୁ ଆମକୁ ବିଦେଶୀମାନେ ଶାସନ କରିଥିଲେ । ଏକ ସୂତ୍ରରେ ବାନ୍ଧି ହୋଇ ଆଗକୁ ବଢିବାକୁ ପରାମର୍ଶ ଦେଇଛନ୍ତି ଷଡଙ୍ଗୀ । ବିଶ୍ବର ସର୍ବପୂରାତନ ଭାଷା ସଂସ୍କୃତ ରୁ ନିଜ ଅଭିଭାଷଣ ଆରମ୍ଭ କରିଥିବା ପ୍ରତାପ ଷଡଙ୍ଗୀ ଏଥିରେ ବେଦ ଓ ମନ୍ତ୍ରକୁ ମଧ୍ୟ ସ୍ଥାନ ଦେଇଥିଲେ ।

କୃଷି ଜାଗରଣରେ ପୂର୍ବତନ କେନ୍ଦ୍ରମନ୍ତ୍ରୀ ପ୍ରତାପ ଚନ୍ଦ୍ର ଷଡଙ୍ଗୀ, ହରଘର ତ୍ରିରଙ୍ଗା ଅଭିଯାନରେ ହେଲେ ସାମିଲ

ଯଜ୍ଞରୁ ଜୈବିକ ଚାଷ, କୃଷିକୁ ନେଇ କଣ ମନ୍ତ୍ର ଦେଲେ ପ୍ରତାପ ?