ମିଲେଟ ମିଶନରେ ଓଡିଶାକୁ ବଡ ସଫଳତା । ଜାତୀୟ ସ୍ତରରେ ସମ୍ମାନିତ ହୋଇଛି ଓଡିଶା । ଓଡ଼ିଶା ମିଲେଟ ମିଶନ(Odisha Millet Mission) କ୍ଷେତ୍ରରେ ମିଲେଟ(Millet)ର ବ୍ୟାପକ ପ୍ରଚାର ପ୍ରସାର ପାଇଁ ରାଜ୍ୟକୁ ଜାତୀୟ ପୁରସ୍କାର ମିଳିଛି ।
ହାଇଦ୍ରାବାଦରେ ଆଇସିଏଆର ଓ ନ୍ୟୁଟ୍ରି ହବ୍ ପକ୍ଷରୁ ଆୟୋଜିତ ନ୍ୟାସନାଲ ନ୍ୟୁଟ୍ରି ସିରଲ କନଭେନସନରେ ଓଡିଶାକୁ ସମ୍ମାନିତ କରାଯାଇଛି । ମିଲେଟର ପ୍ରଚାର ପ୍ସାର ଦିଗରେ ଉଲ୍ଲେଖନୀୟ ଯୋଗଦାନ ପାଇଁ ସର୍ବଶ୍ରେଷ୍ଠ ରାଜ୍ୟ ଭାବେ ଜାତୀୟସ୍ତରରେ ଏହି ସମ୍ମାନ ଲାଭ କରିଛି ଓଡିଶା ।
ଓଡିଶା ମିଲେଟ ମିଶନ ହେଉଛି କୃଷି ବିଭାଗର ଏକ ନିଆରା ପଦକ୍ଷେପ । ମିଲେଟକୁ ଦୈନଦିନ ଖାଦ୍ୟ ତାଲିକାରେ ସାମିଲ କରିବାକୁ ଓ ସେଥିରୁ ବିଭିନ୍ନ ପ୍ରକାର ସ୍ବାଦିଷ୍ଟ ଖାଦ୍ୟ ପ୍ରସ୍ତୁତ କରିବାକୁ କାମ କରୁଛି ଓଡିଶା ମିଲେଟ ମିଶନ ।
ନିକଟରେ ମିଲେଟ ମିଶନ(Millets Mission)ର ସଫଳ କାର୍ଯ୍ୟକାରୀତାକୁ ନେଇ ସୁନ୍ଦରଗଡ ଜିଲ୍ଲା ପ୍ରଶାସନକୁ ପ୍ରଶଂସା କରିଛି Niti Aayog । କୁପୋଷଣ ସମସ୍ୟାର ସମାଧାନ ଦିଗରେ ମଧ୍ୟ ମିଲେଟ ମିଶନ ସହାୟକ ହୋଇଛି ।
ଏପଟେ ମିଲେଟ ଭିତ୍ତିକ ସ୍ନାକ୍ସ(millet-based snacks)କୁ ସରକାରୀ ବୈଠକ ଏବଂ ସମ୍ମିଳନୀରେ ଅନ୍ତର୍ଭୁକ୍ତ କରିବାକୁ ବିଭାଗକୁ ନିର୍ଦ୍ଦେଶ ଦେଇଛନ୍ତି କୃଷି ଓ କୃଷକ କଲ୍ୟାଣ ସଚିବ ଅରବିନ୍ଦ ପାଢୀ । କୃଷି ସଚିବ(Agriculture Secy) ଅରବିନ୍ଦ ପାଢୀ ଅତିରିକ୍ତ ମୁଖ୍ୟ ଶାସନ ସଚିବ ଓ ସମସ୍ତ ବିଭାଗର ସଚିବଙ୍କୁ ଚିଠି ଲେଖି ସେମାନଙ୍କ ବିଭାଗର ସରକାରୀ ବୈଠକରେ ପୁଷ୍ଟିକର ସମୃଦ୍ଧ ମିଲେଟ(Millet) ସ୍ନାକ୍ସକୁ ଅନ୍ତର୍ଭୁକ୍ତ କରିବା ଦିଗରେ ବିଚାର କରିବାକୁ ଅନୁରୋଧ କରିଛନ୍ତି ।