ତାମିଲନାଡୁର ଚାଷ ଜମିରେ ଆତଙ୍କ ଖେଳାଇଛି ବିଦେଶୀ କୀଟ । କସାୱା ମାଇଲବଗ(Cassava Mealybug) ନାମକ ଏହି କୀଟ ଅତ୍ୟନ୍ତ ବିପଦଜନକ ବୋଲି କୁହାଯାଉଛି । ଏହାର ମୁକାବିଲା ପାଇଁ ଅଭିଯାନ ଚଳାଇଛନ୍ତି ଭାରତୀୟ କୃଷି ଅନୁସନ୍ଧାନକାରୀ ।
କସାୱା ମାଇଲବଗର ମୁକାବିଲା ପାଇଁ ଆଫ୍ରିକୀୟ କୀଟ ତତୈୟା(Tataiya)କୁ ଆଫ୍ରିକାରୁ ଆମଦାନୀ କରିଛନ୍ତି କୃଷି ବୈଜ୍ଞାନିକ । ବିଦେଶୀ ତତୈୟା ହିଁ କସାୱା ମାଇଲବଗର ମୁକାବିଲା କରିପାରିବ ବୋଲି ବୈଜ୍ଞାନିକମାନେ ଅନୁମାନ କରୁଛନ୍ତି ।
କସାୱା ମାଇଲବଗ ଏଭଳି ଏକ କୀଟ, ଯାହା ସାଧାରଣତଃ ଭାରତରେ ଦେଖିବାକୁ ମିଳିନଥାଏ । ତେବେ ଏହା କୌଣସି ପ୍ରକାରରେ ଭାରତ ଚାଲିଆସିଥିବା ଅନୁମାନ କରାଯାଉଛି । ଦେଶରେ ପ୍ରଥମଥର 2020ରେ କେରଳର ତ୍ରିଶୁରରେ କସାୱାକୁ ଫସଲରେ ଦେଖିବାକୁ ମିଳିଥିଲା ।
କସାୱା ଏକ ଏଭଳି ଫଳର କନ୍ଦ, ଯାହାର ସ୍ବାଦ ଅଖରୋଟ ଭଳି ହୋଇଥାଏ । ଏହା ଦକ୍ଷିଣ ଆଫ୍ରିକାରେ ମିଳେ । ଭାରତ ବିଶ୍ବରେ କସାୱା କନ୍ଦର ପଞ୍ଚମ ବୃହତ ଉତ୍ପାଦକ । ଦେଶରେ ମୋଟ 1.73 ଲକ୍ଷ ହେକ୍ଟରରେ ଏହାର ଚାଷ କରାଯାଏ । ତାମିଲନାଡୁ ଓ କେରଳ ମୁଖ୍ୟତଃ ଏହାର ଉତ୍ପାଦକ ରାଜ୍ୟ । ତାମିଲନାଡୁରେ ଦେଶର ମୋଟ ଉତ୍ପାଦନର 50.6 ପ୍ରତିଶତ କସାୱା ଚାଷ ହେଉଥିବାବେଳେ କେରଳରେ ଏହା 42.8 ପ୍ରତିଶତ ଉତ୍ପାଦନ ହୋଇଥାଏ । ଏଭଳି ସ୍ଥିତିରେ ଏଠଆକାର ଚାଷ ଜମିରେ କାସାୱା କନ୍ଦ ପାଇଁ ସବୁଠୁ ବିପଦଜନକ କୁହାଯାଉଥିବା କସାୱା ମାଇଲବଗ ମିଳିବା ଅତ୍ୟନ୍ତ ଚିନ୍ତାଜନକ ଖବର ।
1970ରେ ଆଫ୍ରିକାର ଚାଷ ଜମିରେ ଆତଙ୍କ ଖେଳାଇଥିଲା ମାଇଲବଗ କୀଟ । ଏହି କାରଣରୁ ସେଠଆରେ 20 କୋଟି ଲୋକଙ୍କ ଜୀବନଜୀବିକା ସଙ୍କଟରେ ଥିଲା । କେରଳର ତ୍ରିଶୁରରେ ମାଇଲବଗ ଥିବା ନେଇ ଖବର ପାଇବା ପରେ କୃଷି ବିଶେଷଜ୍ଞମାନେ ଏହା ଜାଣିବାକୁ ପାଇଛନ୍ତି ଯେ ପୂର୍ବରୁ ଏହି କୀଟ ତାମିଲନାଡୁର ଚାଷଜମିରେ ବ୍ୟାପି ସାରିଛି ।