ଅସୁସ୍ଥ ଅଛନ୍ତି ପଦ୍ମଶ୍ରୀ କମଳା ପୂଜାରୀ(Padma Shri Kamala Pujari) । ସ୍ବାସ୍ଥ୍ୟବସ୍ଥା ବିଗିଡିବା ଯୋଗୁଁ କମଳା ପୂଜାରୀ(Padma Shri Kamala Pujari)ଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ହସ୍ପିଟାଲରେ ଡାକ୍ତରୀ ଟିମ ତାଙ୍କର ଚିକିତ୍ସା ଜାରି ରଖିଛନ୍ତି । ତେବେ କମଳା ପୂଜାରୀ(Padma Shri Kamala Pujari)ଙ୍କ ସ୍ବାସ୍ଥ୍ୟାବସ୍ଥା ଏବେ ସ୍ଥିର ଥିବା ଜଣାପଡିଛି ।
ପରିବାର ଲୋକେ କମଳା ପୂଜାରୀଙ୍କ ନିକଟରେ ଉପସ୍ଥିତ ରହିଛନ୍ତି । ଦେହ ଖରାପ ହେବା ପରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ଗତ ମାସକ ତଳେ ମଧ୍ୟ କୋରାପୁଟ ଜିଲ୍ଲା ମୁଖ୍ୟ ଚିକିତ୍ସାଳୟରୁ ସୁସ୍ଥ ହୋଇ ଘରକୁ ଫେରିଥିଲେ କମଳା ।
କୃଷି କ୍ଷେତ୍ରରେ ମହତ୍ବପୂର୍ଣ୍ଣ ଅବଦାନ ନେଇ କମଳା ପୂଜାରୀଙ୍କୁ ପଦ୍ମଶ୍ରୀ ସମ୍ମାନରେ ସମ୍ମାନୀତ କରିଥିଲେ ସରକାର । କୋରାପୁଟ ଜିଲ୍ଲାର ଆଦିବାସୀ ମହିଳା ଅଟନ୍ତି କମଳା ପୂଜାରୀ । ପଦ୍ମଶ୍ରୀ କମଳା ପୁଝାରୀ ଲୁପ୍ତପ୍ରାୟ ଧାନ ବିହନକୁ ସଂରକ୍ଷିତ କରିବା ସହିତ ତାକୁ ଜୈବିକ ପ୍ରଣାଳୀରେ ଚାଷ କରି ଚର୍ଚ୍ଚାକୁ ଆସିଥିଲେ ।
ଶିକ୍ଷାରୁ ବଞ୍ଚିତ ସତ୍ତ୍ବେ କମଳା ପୂଜାରୀ ୧୦୦ରୁ ଅଧିକ କିସମର ଧାନକୁ ସଂରକ୍ଷିତ ରଖି ଜୈବିକ ଉପାୟରେ ଏହାକୁ ଚାଷ କରୁଥିଲେ। ରାସାୟନିକ ସାର ବଦଳରେ ଜୈବିକ ପ୍ରକ୍ରିୟାରେ ଚାଷ କରିବାକୁ ସ୍ଥାନୀୟ ଅଞ୍ଚଳର ଲୋକମାନଙ୍କୁ ସଚେତନ କରାଇଆସୁଛନ୍ତି କମଳା ।
କୋରାପୁଟ ଜିଲ୍ଲାର ବୈପାରୀଗୁଡ଼ା ବ୍ଳକ ଅନ୍ତର୍ଗତ କାଣ୍ଡକିଗୁଡ଼ା ଗ୍ରାମରେ କମଳା ପୂଜାରୀଙ୍କ ଜନ୍ମ । ନାରୀ ସଶକ୍ତିକରଣ ସହିତ ଜଙ୍ଗଲ ସୁରକ୍ଷା କ୍ଷେତ୍ରରେ ଅନେକ କାର୍ଯ୍ୟ କରିଛନ୍ତି କମଳା । ଭାରତ ସରକାର ୨୦୦୩ ମସିହାରେ ତାଙ୍କୁ କୃଷି ବିଶାରଦ ସମ୍ମାନରେ ମଧ୍ୟ ସମ୍ମାନିତ କରିଛନ୍ତି ।
ବନ୍ୟା ଉଜାଡିଲା ଫସଲ, କ୍ଷୟକ୍ଷତିର ଆକଳନ ପାଇଁ ନିର୍ଦ୍ଦେଶ ଦେଲେ ସରକାର