କାହିଁକି ମାର୍ଚ୍ଚ ୫ରେ ପାଳନ ହୁଏ ପଞ୍ଚାୟତିରାଜ ଦିବସ ? ଜାଣନ୍ତୁ...

panchayatraj day march 5

ପ୍ରତିବର୍ଷ ମାର୍ଚ୍ଚ ୫ ତାରିଖ କୁ ରାଜ୍ୟରେ ପଞ୍ଚାୟତ ଦିବସ ପାଳନ କରାଯାଇଥାଏ l ଏହି ଦିନ ଓଡ଼ିଶାର ପୂର୍ବତନ ମୁଖ୍ୟମନ୍ତ୍ରୀ ତଥା ବୀରପୁତ୍ର ବିଜୁ ପଟ୍ଟନାୟକଙ୍କ ଜନ୍ମଦିନ ମଧ୍ୟ ଏହି ଅବସରରେ ପାଳିତ ହୁଏ ପଞ୍ଚାୟତିରାଜ ଦିବସ। ଏହିଦିନ ରାଜ୍ୟର ସମସ୍ତ ପଞ୍ଚାୟତରେ ଏହାକୁ ପାଳନ କରାଯାଏ । କିନ୍ତୁ, ଆପଣ ଜାଣନ୍ତି କି ସାରା ଦେଶରେ ଏପ୍ରିଲ ୨୪କୁ ପଞ୍ଚାୟତରାଜ ଦିବସ ଭାବେ ପାଳନ କରାଯାଇଥିବା ସମୟରେ କାହିଁକି ଓଡ଼ିଶାରେ ମାର୍ଚ୍ଚ ୫ ତାରିଖ କୁ ପାଳନ କରାଯାଇଥାଏ ଏହି ଦିନ…

ତେବେ ୨୦୧୨ରୁ ଓଡ଼ିଶାରେ ମାର୍ଚ୍ଚ ୫ ତାରିଖକୁ ପଞ୍ଚାୟତିରାଜ ଦିବସ ଭାବେ ପାଳିତ କରାଯାଏ । ବିଜୁବାବୁଙ୍କ ଜନ୍ମ ଦିନରେ ଏହି ଦିବସଟିକୁ ପାଳନ କରିବାକୁ ରାଜ୍ୟ ସରକାର ଘୋଷଣା କରିଥିଲେ।

କାହିଁକି ପାଳନ ହୁଏ ?

ଆପଣ ଜାଣନ୍ତି କି ଭାରତୀୟ ସମ୍ବିଧାନର ୭୩ତମ ସଂଶୋଧନ ଅଧିନିୟମ ୧୯୯୨ ମସିହାରେ ଏହାକୁ ପାରିତ କରାଯାଇଥିଲା। ଯାହାକି ୧୯୯୩ ମସିହା , ଏପ୍ରିଲ ୨୪ ତାରିଖରେ ଏହା ଲାଗୁ କରାଯାଇଥିଲା। ଏହି ଦିନକୁ ମନେ ରଖିବା ପାଇଁ ୨୦୧୦ ମସିହାରୁ ଏପ୍ରିଲ ୨୪ ତାରିଖକୁ ପ୍ରତିବର୍ଷ ପଞ୍ଚାୟତିରାଜ ଦିବସ ଭାବେ ପାଳନ କରାଯାଉଛି।

ଏହା ସାହାଯ୍ୟରେ ଏକ ତ୍ରିସ୍ତରୀୟ ଢାଞ୍ଚା ଗ୍ରାମପଞ୍ଚାୟତ, ପଞ୍ଚାୟତ ସମିତି ଏବଂ ଜିଲ୍ଲାର ସ୍ଥାପନା ହୋଇଥିଲା। ଗ୍ରାମ୍ୟ ସ୍ତରରେ ଗ୍ରାମସଭାର ପ୍ରତିଷ୍ଠା ମଧ୍ୟ ହୋଇଥିଲା। ପ୍ରତି ୫ ବର୍ଷରେ ପଞ୍ଚାୟତସ୍ତରୀୟ ନିର୍ବାଚନ କରିବା ପାଇଁ ସ୍ଥିର କରାଯାଇଥିଲା। ଅନୁସୂଚିତ ଜାତି ତଥା ଜନଜାତିଙ୍କ ଲୋକ ସଂଖ୍ୟା ଅନୁସାରେ ସ୍ଥାନ ସଂରକ୍ଷଣର ବ୍ୟବସ୍ଥା ହୋଇଥିଲା।

ପଞ୍ଚାୟତିରାଜ ଦିବସ ବିଷୟରେ ସଂକ୍ଷେପରେ :-

ଭାରତୀୟ ସମ୍ବିଧାନର ଧାରା ୪୦ ଅନୁସାରେ ପ୍ରତ୍ୟେକ ରାଜ୍ୟକୁ ପଞ୍ଚାୟତ ଗଠନ ପାଇଁ ନିର୍ଦ୍ଦେଶ ହୋଇଥିଲା

ଦେଶର ପ୍ରଥମ ପ୍ରଧାନମନ୍ତ୍ରୀ ପଣ୍ଡିତ ଜବାହର ଲାଲ ନେହରୁ ୧୯୫୯ ଅକ୍ଟୋବର ୨ରେ ପଞ୍ଚାୟତିରାଜ ବ୍ୟବସ୍ଥା ରାଜସ୍ଥାନର ନାଗୌର ଜିଲ୍ଲା ବଗଦୋରୀ ଗାଁରେ ପ୍ରଥମ ଲାଗୁ କରିଥିଲେ

୭୩ତମ ସମ୍ବିଧାନ ସଂଶୋଧନ ପରେ ଅଧିନିୟମ ୧୯୬୨ ଅନୁସାରେ ପଞ୍ଚାୟତିରାଜ ସଂସ୍ଥାକୁ ସାମ୍ବିଧାନିକ ଅଧିକାର ପ୍ରଦାନ କରାଯାଇଥିଲା

ଏହି ବ୍ୟବସ୍ଥା ଲାଗୁ କରିବା ପାଇଁ ବଳବନ୍ତରାୟ ମେହେତା ସମିତିର ସୁପାରିଶ୍‌ ଏବଂ ଅଶୋକ ମେହେତା ସମିତିର ସୁପାରିଶ୍‌ର ର ପ୍ରମୁଖ ଭୂମିକା ରହିଛି

Read more 

ଶ୍ରମିକଙ୍କ ପେନ୍‍ସନ୍‍ ନିଶ୍ଚିତ କରିବ ପିଏମ୍‍-ଏସ୍‍ଓ୍ୱାଇଏମ୍‍

ପ୍ରଧାନମନ୍ତ୍ରୀଙ୍କ ଦ୍ୱାରା ଏକ ଅନନ୍ୟ ବନ୍ୟପ୍ରାଣୀ ସଂରକ୍ଷଣ, ଉଦ୍ଧାର ଏବଂ ଥଇଥାନ ପ୍ରୟାସ ‘ବନତାରା’ ଉଦଘାଟିତ