MFOI 2024: ଆୟୋଜିତ ହେବ କୃଷି ଆଲୋଚନା ଚକ୍ର !

panel discussion in mfoi 2024

ଚଳିତ ବର୍ଷ ଡିସେମ୍ବର ଅର୍ଥାତ ଆସନ୍ତାମାସ କୃଷି ଜାଗରଣ "ମିଲେନିୟର୍ ଫାର୍ମର ଅଫ୍ ଇଣ୍ଡିଆ ଆୱାର୍ଡ ୨୦୨୪ " ଆୟୋଜନ କରିବାକୁ ଯାଉଛି । ଏହି କାର୍ଯ୍ୟକ୍ରମ ୧ ରୁ ୩ ଡିସେମ୍ବର ପର୍ଯ୍ୟନ୍ତ ଦିଲ୍ଲୀର ପୁସା ଫେୟାର ଗ୍ରାଉଣ୍ଡରେ ଅନୁଷ୍ଠିତ ହେବ l ଏଥର ଏହି କାର୍ଯ୍ୟକ୍ରମ ପୂର୍ବ ଅପେକ୍ଷା ଆହୁରି ବଡ଼ ଏବଂ ପ୍ରେରଣାଦାୟକ ହେବାକୁ ଯାଉଛି l କାରଣ କେବଳ ଭାରତ ନୁହେଁ ବିଶ୍ୱର ଅନେକ ଦେଶର ପ୍ରଗତିଶୀଳ କୃଷକମାନେ ଏଥିରେ ଭାଗ ନେଉଛନ୍ତି। ତେବେ ଏହି କାର୍ଯ୍ୟକ୍ରମରେ ୩ ଦିନ ଧରି କୃଷି ସହ ବିଭିନ୍ନ ବିଷୟ ଉପରେ ଆଲୋଚନା ଚକ୍ର ଅନୁଷ୍ଠିତ ହେବ l ଯେଉଁଠି ଚାଷୀ ଆହୁରି ଅଧିକ କିଛି ନୂଆ ଶିଖିବାକୁ ପାଇବେ l

୧ମ ଦିନରେ:-

କୃଷି ଜାଗରଣ ଦ୍ୱାରା ଆୟୋଜିତ ହେବାକୁ ଥିବା 'ମିଲିଅନେୟାର ଫାର୍ମର୍ ଅଫ୍ ଇଣ୍ଡିଆ ପୁରସ୍କାର 2024' ର ପ୍ରଥମ ଦିନରେ ଆକର୍ଷଣୟ କାର୍ଯ୍ୟକ୍ରମ ହେବାକୁ ଯାଉଛି l ଏହି କାର୍ଯ୍ୟକ୍ରମର ମୁଖ୍ୟ ପ୍ରାୟୋଜକ ରହିଛି ମହିନ୍ଦ୍ର ଟ୍ରାକଟର୍ସ l ଏହି କାର୍ଯ୍ୟକ୍ରମର ପ୍ରଥମ ଦିନରେ ତିନୋଟି ମୁଖ୍ୟ ଅଧିବେଶନ ଆୟୋଜିତ କରାଯାଇଛି l ଯେଉଁଥିରେ ଅନେକ ବିଷୟ ଉପରେ ଆଲୋଚନା ହେବ, କାର୍ଯ୍ୟକ୍ରମର ପ୍ରଥମ ଅଧିବେଶନରେ ଏକ ଉଦଘାଟନୀ ଅଧିବେଶନ ହେବ, ଯେଉଁଥିରେ ଉପସ୍ଥିତ ମୁଖ୍ୟ ବ୍ୟକ୍ତିତ୍ୱ ଏବଂ କୃଷକ ଭାଇମାନଙ୍କୁ ସ୍ୱାଗତ କରାଯିବ l ଏହାପରେ କାର୍ଯ୍ୟକ୍ରମର ଉଦ୍ଦେଶ୍ୟ ଉପରେ ଆଲୋଚନା କରାଯିବ l ଦ୍ୱିତୀୟ ଅଧିବେଶନରେ 'ଭାରତୀୟ କୃଷି କ୍ଷେତ୍ରରେ ମେକାନାଇଜେସନ୍ ର ଭୂମିକା' ଉପରେ ଆଲୋଚନା ହେବ, ଯେଉଁଥିରେ ବିଶେଷଜ୍ଞମାନେ ବୁଝାଇବେ ଯେ ଆଧୁନିକ ଯନ୍ତ୍ରଗୁଡ଼ିକ କିପରି କୃଷକଙ୍କ ଉତ୍ପାଦନ ବୃଦ୍ଧି କରିପାରିବ ଏବଂ କୃଷିକୁ ଅଧିକ କାର୍ଯ୍ୟକ୍ଷମ କରିପାରିବ l ତୃତୀୟ ଅଧିବେଶନରେ 'ଜୈବିକ ଏବଂ ପ୍ରାକୃତିକ ଚାଷରେ ସୁଯୋଗ ଏବଂ ଆହ୍ୱାନ' ଆଲୋଚନା ହେବ, ଯେଉଁଥିରେ କୃଷକମାନେ ସେମାନଙ୍କ ଅଭିଜ୍ଞତା ବାଣ୍ଟିବେ ଏବଂ ଜୈବିକ ଚାଷ କେବଳ ପରିବେଶ ପାଇଁ ଲାଭଦାୟକ ନୁହେଁ ବରଂ ଆର୍ଥିକ ଦୃଷ୍ଟିରୁ ମଧ୍ୟ ଲାଭଦାୟକ ହେବ ବୋଲି ବର୍ଣ୍ଣନା କରିବେ ।

୨ୟ ଦିନରେ:-

ପ୍ରଥମ ଦିନ ଭଳି, 'ମିଲିଅନେୟାର ଫାର୍ମର୍ ଅଫ୍ ଇଣ୍ଡିଆ ପୁରସ୍କାର'ର ଦ୍ୱିତୀୟ ଦିନ ମଧ୍ୟ ଚାଷୀଙ୍କ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଏବଂ ବିଶେଷ ହେବ, ଯେଉଁଥିରେ ଚାଷୀ ଅନେକ କିଛି ଜାଣିପାରିବେ ଏବଂ ଶିଖିବେ l କାର୍ଯ୍ୟକ୍ରମର ଦ୍ୱିତୀୟ ଦିନରେ ପ୍ରଥମ ଅଧିବେଶନ 'କୃଷି ସ୍ଥିରତା ପାଇଁ ଉଦ୍ଭିଦ ସୁରକ୍ଷା' ଆଲୋଚନା ହେବ ଯେଉଁଥିରେ ବିଶେଷଜ୍ଞମାନେ କୃଷି କ୍ଷେତ୍ରରେ ଜୈବିକ ଏବଂ ରାସାୟନିକ ନିୟନ୍ତ୍ରଣ ପଦକ୍ଷେପଗୁଡ଼ିକର ଗୁରୁତ୍ୱ ଉପରେ ଆଲୋଚନା କରିବେ। ଏହି କାର୍ଯ୍ୟକ୍ରମର ଦ୍ୱିତୀୟ ଅଧିବେଶନ 'କୃଷି ଆୟ ବୃଦ୍ଧି ପାଇଁ ଉଦ୍ୟାନ କୃଷି କୌଶଳ' ଆଲୋଚନା ହେବ, ଏହି ଅଧିବେଶନରେ ଉଦ୍ୟାନ କୃଷିର ଅତ୍ୟାଧୁନିକ ପଦ୍ଧତି ଏବଂ କୌଶଳ ମାଧ୍ୟମରେ କୃଷିଜାତ ଦ୍ରବ୍ୟର ଗୁଣବତ୍ତା ଏବଂ ଅମଳ ବୃଦ୍ଧି ଦିଗରେ ଗଭୀର ଆଲୋଚନା ହେବ। "କାର୍ଯ୍ୟକ୍ରମର ତୃତୀୟ ଅଧିବେଶନରେ କୃଷିର ଭବିଷ୍ୟତ ବଦଳାଇବାରେ କୃତ୍ରିମ ଇଣ୍ଟେଲିଜେନ୍ସ ତଥା AIର ଭୂମିକା ଉପରେ ଧ୍ୟାନ ଦିଆଯିବ । AI ଏବଂ ମେସିନ୍ ଲର୍ନିଂ ସାହାଯ୍ୟରେ କୃଷି ଜଗତରେ ହେଉଥିବା ଉନ୍ନତି ଉପରେ ଆଲୋଚନା ହେବ " l ବିଶେଷଜ୍ଞ ଏହା ମଧ୍ୟ ବୁଝାଇବେ ଯେ କିପରି AI ସାହାଯ୍ୟରେ କୃଷକମାନେ ଫସଲ ରୋଗର ପୂର୍ବାନୁମାନ ଏବଂ ଚିକିତ୍ସା କରିପାରିବେ ଏବଂ ପାଣିପାଗ ପୂର୍ବାନୁମାନର ସଠିକ ସୂଚନା ପାଇପାରିବେ।

୩ୟ ଦିନରେ:-

ପ୍ରଥମ ଏବଂ ଦ୍ୱିତୀୟ ଦିନ ଭଳି, “ ମିଲେନିୟର୍ ଫାର୍ମର ଅଫ୍ ଇଣ୍ଡିଆ ଆୱାର୍ଡ ୨୦୨୪ ” ର ତୃତୀୟ ତଥା ଶେଷ ଦିନ ମଧ୍ୟ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହେବାକୁ ଯାଉଛି, ଯାହା ଭାରତୀୟ କୃଷିର ବିଭିନ୍ନ ଦିଗକୁ ଆଲୋକିତ କରିବ l କାର୍ଯ୍ୟକ୍ରମର ତୃତୀୟ ଦିନର ପ୍ରଥମ ଅଧିବେଶନରେ, ଆମେ ଜାଣିବା ଯେ କୃଷକମାନେ କିପରି ପଶୁପାଳନ କ୍ଷେତ୍ରରେ ସଫଳତାର ନୂତନ ଉଚ୍ଚତାରେ ପହଞ୍ଚି ପାରିବେ। ଏହି ଅଧିବେଶନରେ ଆମେ କିଛି କୃଷକଙ୍କୁ ଭେଟିବୁ ଯେଉଁମାନେ ପଶୁପାଳନ ମାଧ୍ୟମରେ ନିଜର ଭାଗ୍ୟ ପରିବର୍ତ୍ତନ କରିଛନ୍ତି l ଦ୍ୱିତୀୟ ଅଧିବେଶନରେ ଆମେ ବ୍ୟାଙ୍କିଙ୍ଗ୍ ଏବଂ ବୀମା ସମାଧାନ ବିଷୟରେ ଆଲୋଚନା କରିବା l  ଭବିଷ୍ୟତରେ ବ୍ୟାଙ୍କ ଏବଂ ବୀମା କମ୍ପାନୀଗୁଡିକ କିପରି ଭାରତୀୟ କୃଷକମାନଙ୍କୁ ଉନ୍ନତ ଆର୍ଥିକ ସହାୟତା ପ୍ରଦାନ କରିବେ ତାହା ଦେଖିବା, ଯାହାଦ୍ୱାରା ସେମାନଙ୍କର ଚାଷର ବିପଦ ହ୍ରାସ ପାଇବ ଏବଂ ସେମାନଙ୍କୁ ସଶକ୍ତ କରାଯିବ। ତୃତୀୟ ଅଧିବେଶନରେ ଆମେ ଭାରତୀୟ କୃଷିରେ ମହିଳାଙ୍କ ଅବଦାନ ବିଷୟରେ ଆଲୋଚନା କରିବୁ। କୃଷି କ୍ଷେତ୍ରରେ ମହିଳାମାନେ କିପରି ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଛନ୍ତି ଆମେ ଦେଖିବା l ମହିଳାମାନେ କୃଷି ସହ ଜଡିତ ଅନେକ ନୂତନ ଉଦ୍ୟୋଗରେ ଜଡିତ ହେଉଛନ୍ତି, ଯାହା କେବଳ ସେମାନଙ୍କର ଆର୍ଥିକ ସ୍ଥିତିକୁ ସୁଦୃଢ଼ କରିବ ନାହିଁ ବରଂ ସମଗ୍ର ସମ୍ପ୍ରଦାୟର ବିକାଶକୁ ମଧ୍ୟ ଆଗେଇବ l

Read more:

MFOI 2024: ମୁଖ୍ୟ ଅତିଥି ନିତିନ ଗଡ଼କାରୀ !

ଆସନ୍ତୁ, ବହୁ ପ୍ରତିକ୍ଷିତ କୃଷି ମହାକୁମ୍ଭରେ ଏକ ଅଂଶ ହୁଅନ୍ତୁ !