କେନ୍ଦ୍ର ଓ କୃଷି ଓ କୃଷକ ମନ୍ତ୍ରଣାଳୟ ପକ୍ଷରୁ ଆୟୋଜିତ ହେବାକୁଯାଉଛି ଏଗ୍ରି ଷ୍ଟାର୍ଟଅପ କନକ୍ଲେଭ ଓ କିସାନ ସମ୍ମିଳନ(Agri Startup Conclave & Kisan Sammelan) । ଆସନ୍ତା 17 ଓ 18 ଅକ୍ଟୋବର ନୂଆଦିଲ୍ଲୀ ସ୍ଥିତ IARI ମେଳା ପଡିଆରେ ଏହି ଦୁଇଦିନିଆ ସମ୍ମିଳନୀ ଅନୁଷ୍ଠିତ ହେବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି(PM Modi) ଏହି ସମ୍ମିଳନୀର ଉଦଘାନଟନ କରିବେ ।
କୃଷି ଷ୍ଟାର୍ଟଅପ ଦ୍ବାରା ବିଭିନ୍ନ କ୍ଷେତ୍ରରେ ହୋଇିଥିବା କାର୍ଯ୍ୟର ପ୍ରଦର୍ଶନୀ, କୃଷି ଇନପୁଟ, କୃଷି ପ୍ରଯୁକ୍ତିବିଦ୍ୟାରେ ନାବାଚାର ଓ ବିଭିନ୍ନ ଚାଷୀ ସହଯୋଗୀ ଅଭ୍ୟାସ ଏହି ମେଳାର ମୂଳ ଉଦ୍ଦେଶ୍ୟ ରହିଛି ।
17 ଅକ୍ଟୋବର ଏହି ଏଗ୍ରି ଷ୍ଟାର୍ଟଅପ କନକ୍ଲେଭ ଓ କିସାନ ସମ୍ମିଳନକୁ ଉଦଘାଟନ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ପାଖାପାଖି 1500 ଷ୍ଟାର୍ଟଅପ, 13,500 ଚାଷୀ ଏହି ସମ୍ମିଳନୀରେ ଅଂଶଗ୍ରହଣ କରିବେ ।
ଏହାସହିତ ବରିଷ୍ଠ ବୈଜ୍ଞାନିକ, କୃଷି ବିଶେଷଜ୍ଞ, ନୀତି ନିର୍ମାତା, ସରକାରୀ ଅଧିକାରୀ ସମ୍ମିଳନୀରେ ଯୋଗ ଦେଇ ଦେଶର କୋଣ ଅନୁକୋଣରେ ଥିବା ଚାଷୀଙ୍କୁ ନିଜର ଅଭିଜ୍ଞତା ବାଣ୍ଟିବେ । ପ୍ରଦର୍ଶନୀରେ କୃଷି ଏବଂ ସହଯୋଗୀ କ୍ଷେତ୍ରରେ କାର୍ଯ୍ୟ କରୁଥିବା ଷ୍ଟାର୍ଟଅପଗୁଡିକର 300 ଷ୍ଟଲ ଲାଗିବ ।
କ୍ଷୂଦ୍ର ଓ ସୀମାନ୍ତ ଚାଷୀଙ୍କୁ ଆର୍ଥିକ ସହାୟତା ଦେବା ଉଦ୍ଦେଶ୍ୟରେ କେନ୍ଦ୍ର ସରକାର ପ୍ରଧାନମନ୍ତ୍ରୀ କିସାନ ସମ୍ମାନ ନିଧି ଯୋଜନା ଆରମ୍ଭ କରିଥିଲେ । ତେବେ ଏହି କାର୍ଯ୍ୟକ୍ରମରେ ଚାଷୀଙ୍କୁ ପିଏମ କିସାନର ଦ୍ବାଦଶ କିସ୍ତି ଟଙ୍କା ମଧ୍ୟ ହସ୍ତାନ୍ତର କରାଯିବ ।
ଇଷ୍ଟର୍ଣ୍ଣ ଅର୍ଥନୈତିକ ଫୋରମରେ ପ୍ରଧାନମନ୍ତ୍ରୀଙ୍କ ସମ୍ବୋଧନ, ଯୁଦ୍ଧ ଉପରେ କଣ ଦେଲେ ମତ ?
ମିଲେଟକୁ ପ୍ରୋତ୍ସାହନ ପାଇଁ ମୋଦିଙ୍କ ବଡ ଅପିଲ, ଜନଆନ୍ଦୋଳନର ଦେଲେ ଆହ୍ବାନ