ପ୍ରଧାନମନ୍ତ୍ରୀ କୃଷି ସିଞ୍ଚାଇ ଅଭିଯାନ: ୫୮ ଲକ୍ଷରୁ ଅଧିକ ଚାଷୀ ଲାଭାନ୍ଵିତ

Pradhan Mantri Krishi Sinchayee Yojana: More than 57 lakh farmers have benefited

ପ୍ରଧାନମନ୍ତ୍ରୀ କୃଷି ସିଞ୍ଚାଇ ଅଭିଯାନ(Pradhan Mantri Krishi Sinchayee Yojana) ମାଧ୍ୟମରେ କୃଷକଙ୍କୁ ପାଣିର ବ୍ୟବହାରରେ ସାହାଯ୍ୟ ମିଳିଥିବା ବେଳେ ୫୮ ଲକ୍ଷରୁ ଅଧିକ ଚାଷୀଭାଇ ଲାଭାନ୍ଵିତ ହୋଇଛନ୍ତି । Per Drop,More Crop ଅଧୀନରେ ୬୭.୫୭ ହେକ୍ଟର ଜମି ସାମିଲ ହୋଇଛି ।

2021-26 ବର୍ଷ ପାଇଁ ପ୍ରଧାନମନ୍ତ୍ରୀ କୃଷି ସିଞ୍ଚାଇ ଯୋଜନା(Pradhan Mantri Krishi Sinchayee Yojana)ର କାର୍ଯ୍ୟକାରିତାକୁ ଗୁରୁତ୍ବ ଦିଆଯାଉଛି । ଏହି ଯୋଜନାରେ ରାଜ୍ୟମାନଙ୍କୁ 37,454 କୋଟି ଟଙ୍କା କେନ୍ଦ୍ରୀୟ ସହାୟତା ସମେତ ମୋଟ 93,068 କୋଟି ଟଙ୍କାର ଖର୍ଚ୍ଚ ଅଟକଳ ରଖାଯାଇଥିଲା ।

ପ୍ରତ୍ୟେକ ବୁନ୍ଦା ପାଣି ମୂଲ୍ୟବାନ ଅଟେ । ଜଳ ସଂରକ୍ଷଣକୁ ଅଧିକ ପ୍ରାଧାନ୍ୟ ଦେବାକୁ ସରକାର ଏହି ଅଭିଯାନ ଚଳାଇଛନ୍ତି । ପ୍ରଧାନ ମନ୍ତ୍ରୀ କୃଷି ସିଞ୍ଚାଇ ଯୋଜନା ଆଧାରରେ ଦୀର୍ଘ ଦିନରୁ ଅଟକି ରହିଥିବା ଜଳସେଚନ ପ୍ରକଳ୍ପ ପୁରା କରିବାର ଲକ୍ଷ ରଖାଯାଇଛି । ଏହାସହ ପ୍ରତିଟି ଜମିକୁ ପାଣି ଲକ୍ଷ୍ୟ ନେଇ ପ୍ରଧାନ ମନ୍ତ୍ରୀ କୃଷି ସିଞ୍ଚାଇ ଯୋଜନା ଆରମ୍ଭ ହୋଇଥିଲା । ନଦୀଗୁଡିକୁ ଯୋଡିବା ସହିତ ବନ୍ୟା ଏବଂ ମରୁଡ଼ିକୁ ରୋକିବା ପାଇଁ ଜଳ ଉତ୍ସଗୁଡ଼ିକର ଉପଯୋଗକୁ ସୁନିଶ୍ଚିତ କରୁଛନ୍ତି ସରକାର ।

ଦେଶରେ ପ୍ରାୟ 141 ମିଲିୟନ ହେକ୍ଟର ଜମିରେ ବୁଣାଯାଇଥିବା କ୍ଷେତ୍ର ମଧ୍ୟରୁ ପ୍ରାୟ 65 ମିଲିୟନ ହେକ୍ଟର (45 ପ୍ରତିଶତ) ଜଳସେଚନ ଅଧୀନରେ ରହିଛି। ବର୍ଷା ଉପରେ ଅତ୍ୟଧିକ ନିର୍ଭରଶୀଳତା ଜଳସେଚିତ ଅଞ୍ଚଳରେ ଚାଷକୁ ଏକ ବିପଦପୂର୍ଣ୍ଣ ଏବଂ କମ୍ ଉତ୍ପାଦନକାରୀରେ ପରିଣତ କରେ । ପରୀକ୍ଷାମୂଳକ ପ୍ରମାଣ ସୂଚିତ କରେ ଯେ ସଂରକ୍ଷିତ ଜଳସେଚନ କୃଷକମାନଙ୍କୁ କୃଷି ପ୍ରଯୁକ୍ତିବିଦ୍ୟା ଏବଂ ନିବେଶରେ ବୃଦ୍ଧି କରିବାକୁ ଉତ୍ସାହିତ କରେ ଯାହା ଉତ୍ପାଦନ ଏବଂ ଚାଷରୁ ଆୟ ବୃଦ୍ଧି କରୁଛି ।

ରାଜ୍ୟରେ ପିଏମ କୃଷି ସିଞ୍ଚାଇ ଯୋଜନା ଅଧୀନ ପ୍ରକଳ୍ପ ପାଇଁ ୨୪୯୩ କୋଟି ଟଙ୍କା ବ୍ୟୟ ଅଟକଳ ହୋଇଛି । ଅତିରିକ୍ତ ୨ ଲକ୍ଷ ୮୦ ହଜାର ହେକ୍ଟର ଜମିକୁ ଜଳ ସେଚନ ଲକ୍ଷ୍ୟ ରଖାଯାଇଛି ।

ଜଳ ଜୀବନ ମିଶନର ୫୦% ସଫଳତା ହାସଲ

ମୁଣ୍ଡ ଟେକିଛି ଜଳସଙ୍କଟ, ସଂରକ୍ଷଣ ପାଇଁ ଯୋଜନା