1. କୃଷି ଖବର

ପ୍ରଧାନମନ୍ତ୍ରୀଙ୍କ ଦ୍ୱାରା ଏକ ଅନନ୍ୟ ବନ୍ୟପ୍ରାଣୀ ସଂରକ୍ଷଣ, ଉଦ୍ଧାର ଏବଂ ଥଇଥାନ ପ୍ରୟାସ ‘ବନତାରା’ ଉଦଘାଟିତ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଗୁଜରାଟର ଜାମନଗରଠାରେ ଏକ ଅନନ୍ୟ ବନ୍ୟପ୍ରାଣୀ ସଂରକ୍ଷଣ, ଉଦ୍ଧାର ଏବଂ ଥଇଥାନ ପଦକ୍ଷେପ ବନତାରାକୁ ଉଦଘାଟନ କରିଛନ୍ତି।

Sudesna Nayak
Sudesna Nayak
Prime Minister inaugurates Vantara, a unique wildlife conservation, rescue and rehabilitation initiative, pic credit-www.pexels.com

Prime Minister inaugurates Vantara, a unique wildlife conservation, rescue and rehabilitation initiative, pic credit-www.pexels.com

ପ୍ରଧାନମନ୍ତ୍ରୀ (Prime Minister) ଶ୍ରୀ ନରେନ୍ଦ୍ର ମୋଦୀ ଆଜି ଗୁଜରାଟର ଜାମନଗରଠାରେ ଏକ ଅନନ୍ୟ ବନ୍ୟପ୍ରାଣୀ ସଂରକ୍ଷଣ, ଉଦ୍ଧାର ଏବଂ ଥଇଥାନ ପଦକ୍ଷେପ ବନତାରାକୁ ଉଦଘାଟନ କରିଛନ୍ତି। ଶ୍ରୀ ଅନନ୍ତ ଅମ୍ବାନୀ ଏବଂ ତାଙ୍କ ସହଯୋଗୀମାନଙ୍କର ସହାନୁଭୂତିଶୀଳ ପ୍ରୟାସକୁ ପ୍ରଶଂସା କରି ସେ କହିଛନ୍ତି ଯେ ପରିବେଶଗତ ଦୀର୍ଘସ୍ଥାୟିତ୍ୱ ଏବଂ ବନ୍ୟପ୍ରାଣୀ କଲ୍ୟାଣକୁ ପ୍ରୋତ୍ସାହନ ଦେବା ସହିତ ବନତାରା ପ୍ରାଣୀମାନଙ୍କ ପାଇଁ ଏକ ନିରାପଦ ଆଶ୍ରୟସ୍ଥଳୀ ପ୍ରଦାନ କରିଥାଏ।

ଏକ୍ସରେ ଏକାଧିକ ପୋଷ୍ଟ କରି ସେ ଲେଖିଛନ୍ତି:

‘‘ପରିବେଶଗତ ଦୀର୍ଘସ୍ଥାୟିତ୍ୱ ଏବଂ ବନ୍ୟପ୍ରାଣୀ କଲ୍ୟାଣକୁ ପ୍ରୋତ୍ସାହିତ କରିବା ସହିତ ପ୍ରାଣୀମାନଙ୍କୁ ଏକ ନିରାପଦ ଆଶ୍ରୟ ପ୍ରଦାନ କରୁଥିବା ଏକ ଅନନ୍ୟ ବନ୍ୟଜନ୍ତୁ ସଂରକ୍ଷଣ, ଉଦ୍ଧାର ଏବଂ ଥଇଥାନ ପଦକ୍ଷେପ, ବନତାରା ଉଦଘାଟନ କରିଛି। ଏହି ସହାନୁଭୂତିଶୀଳ ପ୍ରୟାସ ପାଇଁ ମୁଁ ଅନନ୍ତ ଅମ୍ବାନୀ ଏବଂ ତାଙ୍କର ସମସ୍ତ ସହଯୋଗୀମାନଙ୍କୁ ପ୍ରଶଂସା କରୁଛି।’’

‘‘ବନତାରା (Vantara) ଭଳି ପ୍ରୟାସ ପ୍ରକୃତରେ ପ୍ରଶଂସନୀୟ, ଯାହା ଆମ ପୃଥିବୀରେ ବସବାସ କରୁଥିବା ଜୀବମାନଙ୍କୁ ସୁରକ୍ଷା ଦେବା ପାଇଁ ଆମର ଶହ ଶହ ବର୍ଷ ପୁରୁଣା ନୈତିକତାର ଏକ ଜୀବନ୍ତ ଉଦାହରଣ। ଏଠାରେ କିଛି ଝଲକ ଦିଆଗଲା।’’

‘‘ଜାମନଗରରେ ଥିବା ବନତାରାର ଆଉ କେତେକ ଦୃଶ୍ୟ।’’

‘‘ବନତାରା (Vantara)ରେ, ମୁଁ ଏସିଡ୍ ଆକ୍ରମଣର ଶିକାର ହୋଇଥିବା ଏକ ହାତୀକୁ ଦେଖିଲି। ହାତୀଟିକୁ ଅତ୍ୟନ୍ତ ଯତ୍ନ ସହକାରେ ଚିକିତ୍ସା କରାଯାଉଥିଲା। ଅନ୍ୟ କିଛି ହାତୀମାନେ ମଧ୍ୟ ଥିଲେ, ଯେଉଁମାନେ ଅନ୍ଧ ହୋଇଯାଇଥିଲେ। ଦୁଃଖର କଥା ହେଉଛି ମାହୁନ୍ତଙ୍କ ନିର୍ଯାତନାର ଶିକାର ହୋଇ ସେମାନଙ୍କ ଅବସ୍ଥା ଏପରି ହୋଇଥିଲା। ଦ୍ରୁତ ଗତିରେ ଆସୁଥିବା ଏକ ଟ୍ରକ୍ ଗୋଟିଏ ହାତୀକୁ ଧକ୍କା ଦେଇଥିଲା। ଏହା ଏକ ଗୁରୁତ୍ୱପୂର୍ଣ୍ଣ ପ୍ରଶ୍ନ ସୃଷ୍ଟି କରିଥାଏ । ମଣିଷ କିପରି ଏତେ ଅସାବଧାନତା ଏବଂ ନିଷ୍ଠୁର ହୋଇପାରିବେ? ଆସନ୍ତୁ ଏପରି ଦାୟିତ୍ୱହୀନତାର ଅନ୍ତ କରିବା ଏବଂ ପ୍ରାଣୀମାନଙ୍କ ପ୍ରତି ଦୟା ଉପରେ ଧ୍ୟାନ ଦେବା।’’

‘‘ଅନ୍ୟ କେତେକ ଘଟଣା ମଧ୍ୟ ଥିଲା। ଗାଡ଼ି ଧକ୍କା କାରଣରୁ ଗୋଟିଏ ସିଂହୀର ମେରୁଦଣ୍ଡରେ ଗୁରୁତର ଆଘାତ ଲାଗିଥିଲା। ତା’ର ଉପଯୁକ୍ତ ଯତ୍ନ ନିଆଯାଉଥିଲା। ନିଜ ପରିବାର ଦ୍ୱାରା ପରିତ୍ୟକ୍ତ ଏକ କଲରାପତରିଆ ବାଘ ଶାବକ ଉପଯୁକ୍ତ ପୋଷଣ ଯତ୍ନ ସହିତ ଏକ ନୂତନ ଜୀବନ ପାଇଲା। ଏଭଳି ଅନେକ ପ୍ରାଣୀମାନଙ୍କର ଯତ୍ନ ନେଇଥିବାରୁ ମୁଁ ବନତାରା (Vantara) ର ଦଳକୁ ପ୍ରଶଂସା କରୁଛି।’’


pib.gov.in

ମହିଳାଙ୍କୁ ନିଜ ପ୍ରେରଣାଦାୟକ ଜୀବନଯାତ୍ରାର କାହାଣୀ ସେୟାର କରିବାକୁ ପ୍ରଧାନମନ୍ତ୍ରୀ ପ୍ରୋତ୍ସାହିତ କଲେ

ବିଶ୍ୱ ବନ୍ୟଜନ୍ତୁ ଦିବସ

Like this article?

Hey! I am Sudesna Nayak . Did you liked this article and have suggestions to improve this article? Mail me your suggestions and feedback.

Share your comments

ଆମ ନ୍ୟୁଜଲେଟରକୁ ସବସ୍କ୍ରାଇବ୍ କରନ୍ତୁ । ଆପଣ ଆପଣଙ୍କ ଆଗ୍ରହ ଥିବା ଟପିକ୍‌ ବାଛିବେ ଏବଂ ଆମେ ଆପଣଙ୍କୁ ବଛା ବଛା ନ୍ୟୁଜ ଓ ଆପଣଙ୍କ ପସନ୍ଦ ଅନୁଯାୟୀ ଲାଟେଷ୍ଟ ଅପଡେଟ୍‌ ପଠାଇଦେବୁ ।

ନ୍ୟୁଜଲେଟର ସବସ୍କ୍ରାଇବ୍‌ କରନ୍ତୁ