Rain alert issued for these districts, image source -pexels
ରାଜ୍ୟ ପାଣିପାଗକୁ ନେଇ ବଡ଼ ଖବର । ରାଜ୍ୟବାସୀଙ୍କୁ ତାତିରୁ ମିଳିବ ଆଶ୍ବସ୍ତି । ରାଜ୍ୟରେ କମିବ ଖରା ଓ ଗୁଳୁଗୁଳି ଗରମ । ରାଜ୍ୟରେ କାଳବୈଶାଖୀ ନେଇ ପୂର୍ବାନୁମାନ କରିଛି ଭୁବନେଶ୍ୱର ଆଞ୍ଚଳିକ ପାଣିପାଗ ବିଭାଗ । କାଳବୈଶାଖୀ ବର୍ଷା ଆଣିବ ଅଶ୍ଵସ୍ତି । ୧୯ ତାରିଖରୁ ବଦଳିବ ରାଜ୍ୟ ପାଣିପାଗ।
ରାଜ୍ୟର କିଛି ଜିଲ୍ଲାରେ କାଳବୈଶାଖୀ ଯୋଗୁଁ ପ୍ରବଳ ବର୍ଷା ହେବ । ଏ ନେଇ ସୂଚନା ଦେଇଛି ଆଞ୍ଚଳିକ ପାଣିପାଗ ବିଭାଗ ।
ରାଜ୍ୟରେ ହେବ ପ୍ରବଳ ବର୍ଷା । କମିବ ଦିନ ଓ ରାତି ତାପମାତ୍ରା । କମିବ ଗୁଳୁଗୁଳି । ରାଜ୍ୟରେ ଆସନ୍ତାକାଲିଠୁ ଆରମ୍ଭ ହେବ ବର୍ଷା । ଅର୍ଥାତ ଦୁଇ ଦିନ ପରେ ପରିବର୍ତ୍ତନ ହେବ ପାଗ । ପାଣିପାଗ ବିଜ୍ଞାନ କେନ୍ଦ୍ର ନିର୍ଦ୍ଦେଶିକା ମନୋରମା ମହାନ୍ତି ଏ ନେଇ କହିଛନ୍ତି ଆସନ୍ତା ୨୦ ରୁ ୨୨ ତାରିଖ ଯାଏଁ କାଳବୈଶାଖୀର ପ୍ରଭାବ ରାଜ୍ୟର କିଛି କିଛି ଜିଲ୍ଲାରେ ସର୍ବାଧିକ ରହିବ।
୧୯ ରୁ ୨୨ ତାରିଖ ପର୍ଯ୍ୟନ୍ତ ରାଜ୍ୟରେ କାଳବୈଶାଖୀର ପ୍ରଭାବ ରହିବ । ତେଣୁ ଓଡିଶା ଉପକୂଳସ୍ଥ ବଙ୍ଗୋପସାଗର ଅଞ୍ଚଳ ଗୁଡ଼ିକରେ ଗୁରୁଚାପ ପ୍ରଭାବରେ ଜଳୀୟବାଷ୍ପ ପ୍ରବେଶ କରିବ। ଓଡିଶା ଉପକୂଳସ୍ଥ ବଙ୍ଗୋପସାଗର ଅଂଚଳରେ ଉତ୍ତପ୍ତ ବାୟୁମଣ୍ଡଳ ସଂସ୍ପର୍ଶ ରହିବା ସହ, ଉପରି ଭାଗରେ ନିମ୍ନ ଚାପ କାଳବୈଶାଖୀ ପାଇଁ ଅତ୍ୟନ୍ତ ଅନୁକୂଳ ରହିବ ।
Read more
Share your comments