ଛାତ୍ରଛାତ୍ରୀଙ୍କୁ ମିଳିବ ୫୦ ହଜାର ଟଙ୍କାର ଆର୍ଥିକ ସହାୟତା

Rs 50000 to st students for higher education

ରାଜ୍ୟ ସରକାର ସର୍ବଦା ରାଜ୍ୟବାସୀଙ୍କ ଶିକ୍ଷା ରୁ ଆରମ୍ଭ କରି ଖାଦ୍ୟ ପର୍ଯ୍ୟନ୍ତ ସମସ୍ତ କ୍ଷେତ୍ର ରେ ସାହାଯ୍ୟ କରିଛନ୍ତି l ତେବେ ଆଜି ରାଜ୍ୟ ସରକାର ଶିକ୍ଷାକୁ ନେଇ ଆଉ ଏକ ବଡ ଘୋଷଣା କରିଛନ୍ତି l ଏବେ ଶିକ୍ଷା କ୍ଷେତ୍ରରେ ସରକାର କରିବେ ଅର୍ଥଡିକ ସହାୟତା l ୫୦ ହଜାର ଟଙ୍କା ପର୍ଯ୍ୟନ୍ତ ଟଙ୍କା ସାହାଯ୍ୟ କରିବେ ସରକାର l

ଆର୍ଥିକ ଅନଗ୍ରସର ଥିବା ଅନୁସୂଚିତ ଜାତି ଏବଂ ଜନଜାତି ଛାତ୍ରଛାତ୍ରୀଙ୍କୁ ଉଚ୍ଚଶିକ୍ଷା ପାଇଁ ସରକାରଙ୍କ ଦ୍ୱାରା ଦିଆଯିବ ଆର୍ଥିକ ସହାୟତା l ଚଳିତ ଶିକ୍ଷା ବର୍ଷଠାରୁ ସରକାରୀ ଶିକ୍ଷାନୁଷ୍ଠାନ ମାନଙ୍କରେ ଉଚ୍ଚଶିକ୍ଷା ପାଇଁ ଆଗ୍ରହୀ ଥିବା ଅନୁସୂଚିତ ଜାତି ଏବଂ ଜାନଜାତିର ଛାତ୍ରଛାତ୍ରୀମାନଙ୍କୁ ଏକକାଳୀନ ୫୦ ହଜାର ଟଙ୍କା ପର୍ଯ୍ୟନ୍ତ ସହାୟତା ରାଶି ଦିଆଯିବ । ଆଜି ଏ ନେଇ ଜନଜାତି ଉପଦେଷ୍ଟା ପରିଷଦ ବୈଠକରେ ସୂଚନା ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । 

ସେହିଭଳି ଆଦିମ ଜନଜାତି ସଶକ୍ତିକରଣ ଏବଂ ଜୀବନଜୀବିକା କାର୍ଯ୍ୟକ୍ରମର ସଂପ୍ରସାରଣ ପାଇଁ କେନ୍ଦ୍ରକୁ ମଧ୍ୟ ଏକ ପ୍ରସ୍ତାବ ଦେଇଛନ୍ତି ରାଜ୍ୟ ସରକାର । ରାଜ୍ୟରେ ହୋଇଥିବା ଚିହ୍ନଟ ହୋଇଥିବା ୧୧୩୮ ଆଦିମ ଜନଜାତିଙ୍କ ପାଇଁ ଏହି ଯୋଜନା ସଂପ୍ରସାରଣ କରିବାକୁ ଦାବି କରାଯାଇଛି । ତେବେ ଆର୍ଥିକ ବର୍ଷ ୨୦୨୪-୨୫ରୁ  ଆସନ୍ତା ୭ ବର୍ଷ ପାଇଁ ଏହିସବୁ ଗାଁରେ ଆଦିମ ଜନଜାତି ସଶକ୍ତିକରଣ ଓ ଜୀବନଜୀବିକା କାର୍ଯ୍ୟକ୍ରମ କାର୍ଯ୍ୟକାରୀ କରାଯିବ ବୋଲି ସରକାର ଦାବି କରିଛନ୍ତି l ଏ ନେଇ ମୁଖ୍ୟମନ୍ତ୍ରୀ କହିଛନ୍ତି ଯେ, ଆଦିବାସୀଙ୍କ ସାମାଜିକ ଓ ଆର୍ଥିକ ବିକାଶ କ୍ଷେତ୍ର ପାଇଁ ନିରନ୍ତର ଚେଷ୍ଟା ଜାରି ରଖିଛନ୍ତି ସରକାର । ପ୍ରତିଥର ସେମାନଙ୍କ ଶିକ୍ଷା, ଜୀବିକା ଓ ଅଧିକାରର ସୁରକ୍ଷାକୁ ଗୁରୁତ୍ବ ଦେଉଛନ୍ତି ରାଜ୍ୟ ସରକାର । ସେହିପରି ଆଦିବସୀଙ୍କ କଳା, ସଂସ୍କୃତିର ସୁରକ୍ଷା ଓ ବିକାଶ ପାଇଁ ସ୍ବତନ୍ତ୍ର ଉନ୍ନୟନ ପରିଷଦକୁ ୨୩ଟି ଜିଲ୍ଲାର ୧୭୨ ବ୍ଲକକୁ ସଂପ୍ରସାରିତ କରାଯାଇଛି ରାଜ୍ୟରେ ଯାହା ତାଙ୍କୁ ଲାଭ ପ୍ରଦାନ କରୁଛି ।

ଆଦିବାସୀ ଛାତ୍ରଛାତ୍ରୀଙ୍କ ଆବାସିକ ଛାତ୍ରାବାସ ଜରିଆରେ ଶିକ୍ଷାଦାନରେ ଓଡ଼ିଶା ସାରା ଦେଶରେ ଏକ ଅଗ୍ରଣୀ ରାଜ୍ୟ ଭାବେ ପ୍ରତିଷ୍ଠା ଲାଭ କରିଛି । ରାଜ୍ୟରେ ବାର୍ଷିକ ପ୍ରାୟ ୬ ଲକ୍ଷରୁ ଅଧିକ  ଆଦିବାସୀ ଛାତ୍ରଛତ୍ରୀ ଏହି ସୁବିଧା ପାଉଛନ୍ତି । ସେହିପରି ଆଦିବାସୀଙ୍କୁ ଜଙ୍ଗଲ ଅଧିକାର ପ୍ରଦାନ କରିବାରେ ମଧ୍ୟ ଓଡ଼ିଶା ସବୁଠୁ ଆଗରେ ରହିଛି । ଏଥିସହିତ ନିକଟରେ ରାଜ୍ୟ ସରକାର ସ୍ବତନ୍ତ୍ର ଭାବେ ରାଜ୍ୟରେ " ମୋ ଜଙ୍ଗଲ ମୋ ଜମି ଯୋଜନା " ମଧ୍ୟ ଆରମ୍ଭ କରିଛନ୍ତି । 

ଏହି ଯୋଜନା ମାଧ୍ୟମରେ ଗୋଷ୍ଠିଗତ ଭାବେ ଜଙ୍ଗଲ ଜମି ଉପରେ ଆଦିବାସୀଙ୍କ ଅଧିକାର ସୁନିଶ୍ଚିତ ହୋଇପାରିବ ରାଜ୍ୟରେ । ଆଦିବାସୀଙ୍କ ଜୀବନଜୀବିକା ପାଇଁ ରାଜ୍ୟ ସରକାର " ମୁଖ୍ୟମନ୍ତ୍ରୀ ଜୀବିକା ମିଶନ" ମାଧ୍ୟମରେ ନିଜସ୍ବ ପାଣ୍ଠିରୁ ୫୦୦ କୋଟି ଟଙ୍କା ମଧ୍ୟ ଖର୍ଚ୍ଚ କରୁଛନ୍ତି । ତେବେ ସରକାରଙ୍କ ଏହି ନିଷ୍ପତ୍ତି ମାଧ୍ୟମରେ ତିନି ବର୍ଷରେ ଦେଢ ଲକ୍ଷ ଆଦିବାସୀ ପରିବାରକୁ ସହାୟତା ମିଳିପାରିବ ବୋଲି ଆଶା ରଖାଯାଇଛି  ।