ପାରମ୍ପରିକ ଚାଷ ପଦ୍ଧତ୍ତିରେ ପ୍ରକୃତିର ସମ୍ବଳ ଦୀର୍ଘ ସ୍ଥାୟୀ । ପ୍ରାକୃତିକ ତଥା ଜୈବିକ କୃଷି(Natural and organic farming) ବଳରେ ଭାରତକୁ ଆତ୍ମନିର୍ଭର କରିବା ପାଇଁ ପ୍ରୟାସ କରୁଛନ୍ତି ସରକାର । ଏହାରି ମଧ୍ୟରେ କୃଷିର ଜୈବିକ ଓ ପ୍ରାଚୀନ ପଦ୍ଧତିକୁ ମହତ୍ବ ଦେଇଛନ୍ତି ରାଷ୍ଟ୍ରୀୟ ସ୍ବୟଂ ସେବକ ସଂଘର ମୁଖ୍ୟ ମୋହନ ଭାଗବତ(RSS chief Mohan Bhagwat) ।
ଆରଏସଏସ ମୁଖ୍ୟ ମୋହନ ଭାଗବତ(RSS chief Mohan Bhagwat) କହିଛନ୍ତି, ଅଣବୈଜ୍ଞାନିକ ଭାବରେ ଯାଞ୍ଚ ନକରି ଏହିପରି ସ୍ଥାନୀୟ ସୂଚନାକୁ ପ୍ରତ୍ୟାଖ୍ୟାନ କରିବା ଭୁଲ୍ ହେବ । ରାଷ୍ଟ୍ରୀୟ ପ୍ରାଣୀ ଚିକିତ୍ସା ବିଜ୍ଞାନ ଏକାଡେମୀ ଏବଂ ମହାରାଷ୍ଟ୍ର ପ୍ରାଣୀ ଓ ମତ୍ସ୍ୟ ବିଜ୍ଞାନ ବିଶ୍ୱବିଦ୍ୟାଳୟ ଦ୍ୱାରା ମିଳିତ ଭାବେ ଆୟୋଜିତ ବାର୍ଷିକ ସମାରୋହରେ ମୋହନ ଭାଗବତ ନିଜର ଅଭିଭାଷଣ ଦେଇଥିଲେ ।
ଭାଗବତ କହିଛନ୍ତି ଯେ ଭାରତର ଚାଷ ଏବଂ ପଶୁପାଳନ ପ୍ରଣାଳୀ ସର୍ବ ପୁରାତନ ଅଟେ । ଆଧୁନିକ ବିଜ୍ଞାନର ପାର୍ଶ୍ୱ ପ୍ରତିକ୍ରିୟା ଅଛି କିନ୍ତୁ ଆମର ପ୍ରାଚୀନ ଜ୍ଞାନ ଏବଂ ପଦ୍ଧତିଗୁଡ଼ିକର ପାର୍ଶ୍ୱ ପ୍ରତିକ୍ରିୟା ନାହିଁ । ଅନୁସନ୍ଧାନ ଏବଂ ସ୍ଥାନୀୟ ସୂଚନା ବ୍ୟବହାରରେ ନମନୀୟତା ଉପରେ ଧ୍ୟାନ ଦିଆଯିବା ଉଚିତ ବୋଲି ସେ କହିଛନ୍ତି। ସ୍ଥାନୀୟ ଜ୍ଞାନକୁ ଅଜ୍ଞାନ ବୋଲି ବିବେଚନା କରି ପ୍ରତ୍ୟାଖ୍ୟାନ କରିବା ଭୁଲ୍ । ଏହାକୁ ଯାଞ୍ଚ କରିବା ପରେ ଆପଣ ଏହାକୁ ପ୍ରତ୍ୟାଖ୍ୟାନ କରିପାରିବେ, ଯଦି ଏହା ସଠିକ୍ ନୁହେଁ ତେବେ ଆପଣ ଏହାକୁ ପ୍ରତ୍ୟାଖ୍ୟାନ କରିବାକୁ ସ୍ବାଧିନ ବୋଲି କହିଛନ୍ତି ସଂଘ ମୁଖ୍ୟ ।
କେତେ ଲାଭ ଦିଏ ଜୈବିକ ପଦ୍ଧତିରେ ଲେମ୍ବୁ ଚାଷ ? ଜାଣନ୍ତୁ...
କଲମ୍ବୋରେ ପ୍ରତିଷ୍ଠା ହେବ ବିମ୍ଷ୍ଟେକ୍ ଟେକ୍ନୋଲୋଜି ଟ୍ରାନ୍ସଫର ସେଣ୍ଟର
ରାସାୟନିକ ସାର ଇତ୍ୟାଦି ଯୋଗୁଁ ଚାଷୀ ଋଣଗ୍ରସ୍ତ ହେଉଛନ୍ତି
ଆରଏସଏସ ମୁଖ୍ୟ କହିଛନ୍ତି ଯେ ଯାନ୍ତ୍ରିକ ପଦ୍ଧତିରେ ଚାଷ ଅଧିକ ଦିନ ରହିବ ନାହିଁ । ଆଜି ବି 65 ପ୍ରତିଶତ କୃଷକ ହଳ ଲଙ୍ଗଳରେ ଚାଷ କରନ୍ତି ଏବଂ ଯାନ୍ତ୍ରିକ ଚାଷ ସେମାନଙ୍କ ପାଇଁ ଅତ୍ୟନ୍ତ ଲାଭଦାୟକ ନୁହେଁ । କେବଳ ସେତିକି ନୁହେଁ, ରାସାୟନିକ ସାର ଇତ୍ୟାଦି କାରଣରୁ ଚାଷୀମାନେ ଋଣଗ୍ରସ୍ତ ହେଉଛନ୍ତି ଏବଂ ତା’ପରେ ଆତ୍ମହତ୍ୟା କରୁଥିବା କହିଛନ୍ତି ଭାଗବତ । ଏଥିପାଇଁ ଚାଷୀଙ୍କୁ ବୁଝାଇବା ନିମନ୍ତେ ନିରନ୍ତର କୃଷି ଶିକ୍ଷା ଦିଆଯିବା ଉଚିତ ବୋଲି ସେ କହିଛନ୍ତି ।
ଜିଡିପି ଅଭିବୃଦ୍ଧି ହାସଲ କରିବା ପାଇଁ ଭାରତ କେନ୍ଦ୍ରିକ ଆଭିମୁଖ୍ୟ ଆବଶ୍ୟକ
ମୋହନ ଭାଗବତ କୃଷିର ଭାରତ କେନ୍ଦ୍ରିକ ଆଭିମୁଖ୍ୟ ଉପରେ ଗୁରୁତ୍ୱାରୋପ କରିଛନ୍ତି, ଯାହା ଆମର ଜିଡିପି ବୃଦ୍ଧି କରିପାରିବ । ସେ ଆହୁରି ମଧ୍ୟ କହିଛନ୍ତି ଯେ 1700 ଖ୍ରୀଷ୍ଟାବ୍ଦ ପର୍ଯ୍ୟନ୍ତ ଦେଶ ବିଶ୍ୱର ଏକ ନମ୍ବର ଅର୍ଥନୀତି ଥିଲା । ସେହି ସମୟରେ ଆମର ଏକ କୃଷି ଅର୍ଥନୀତି ଥିଲା ଶିଳ୍ପ ଏବଂ ବାଣିଜ୍ୟ ମଧ୍ୟ କୃଷି ସହିତ ଜଡିତ ଥିଲା । ଜିଡିପିରେ ଅଭିବୃଦ୍ଧି ହାସଲ କରିବା ପାଇଁ ଆମକୁ ଭାରତ କେନ୍ଦ୍ରିକ ଆଭିମୁଖ୍ୟ ଆବଶ୍ୟକ ହେବ ବୋଲି ଭାଗବତ ଜୋର ଦେଇ କହିଛନ୍ତି । ଆରଏସଏସ ମୁଖ୍ୟ କହିଛନ୍ତି ଯେ ସରକାର ସମସ୍ତ ବିଭାଗ ପାଇଁ ପାଣ୍ଠି ଯୋଗାଇବାକୁ ସକ୍ଷମ ନ ଥିବାରୁ ଜନସାଧାରଣଙ୍କ ଅଂଶଗ୍ରହଣ ଆବଶ୍ୟକ କରେ।