ଏଥର ହେବନି ଧାନ ଉତ୍ପାଦନ ହ୍ରାସ ! କଣ କହିଲେ କୃଷିମନ୍ତ୍ରୀ ?

Shortfall in paddy sowing likely to be covered in kharif season, Says Narendra Singh Tomar

ଏଥର ନ ହୋଇପାରେ ଧାନ ଉତ୍ପାଦନ ହ୍ରାସ(Shortfall in paddy) । ଏନେଇ ସଙ୍କେତ ଦେଇଛନ୍ତି କେନ୍ଦ୍ର କୃଷିମନ୍ତ୍ରୀ ନରେନ୍ଦ୍ର ସିଂହ ତୋମର(Narendra Singh Tomar) । ଶନିବାର କେନ୍ଦ୍ର କୃଷିମମନ୍ତ୍ରୀ କହିଛନ୍ତି, ଚଳିତ ଖରିଫ ଋତୁରେ ଧାନ ବିହନର ଅଭାବକୁ ପୁରଣ କରିବାର ସମ୍ଭାବନା ରହିଛି ।

କୃଷି ମନ୍ତ୍ରଣାଳୟର ସଦ୍ୟତମ ତଥ୍ୟ ଅନୁଯାୟୀ ଚଳିତ ବର୍ଷ ଖରିଫ ଋତୁର ଜୁନ୍ 29 ପର୍ଯ୍ୟନ୍ତ ଧାନ ବିହନ ବୁଣିବାରେ 231.59 ଲକ୍ଷ ହେକ୍ଟରର ରହିଛି । ଏହା ପୂର୍ବ ବର୍ଷ ତୁଳନାରେ 35.46 ଲକ୍ଷ ହେକ୍ଟର ହ୍ରାସ ପାଇଛି । ପୂର୍ବ ବର୍ଷ ଏହା 267.05 ଲକ୍ଷ ହେକ୍ଟର ରହିଥିଲା । ଧାନ ବୁଣିବା ଏପର୍ଯ୍ୟନ୍ତ ହ୍ରାସ ପାଇଛି, କିନ୍ତୁ ଏହି ଅଭାବ ପୁରଣ ହେବାର ସମ୍ଭାବନା ରହିଥିବା କହିଛନ୍ତି କେନ୍ଦ୍ର କୃଷିମନ୍ତ୍ରୀ ।

ପଶ୍ଚିମବଙ୍ଗରେ 10.62 ଲକ୍ଷ ହେକ୍ଟର, ଉତ୍ତରପ୍ରଦେଶରେ 6.68 ଲକ୍ଷ ହେକ୍ଟର, ବିହାରରେ 5.61 ଲକ୍ଷ ହେକ୍ଟର ଝାଡଖଣ୍ଡରେ 4.72 ଲକ୍ଷ ହେକ୍ଟର, ତେଲେଙ୍ଗାନାରେ 4.06 ଲକ୍ଷ ହେକ୍ଟରରେ ଧାନ ବୁଣା ହ୍ରାସ ପାଇଛି । ଓଡିଶା, ଛତିଶଗଡ, ତ୍ରିପୁରା ଏବଂ ଆସାମରେ ମଧ୍ୟ ଧାନ ବିହନ ବୁଣିବା ହ୍ରାସ ପାଇଥିବା ରିପୋର୍ଟ ମିଳିଛି ।

ଧାନ ହେଉଛି ମୁଖ୍ୟ ଖରିଫ ଫସଲ ଏବଂ ଦେଶର ମୋଟ ଧାନ ଉତ୍ପାଦନର 80% ରୁ ଅଧିକ ଏହି ଋତୁରେ ହୋଇଥାଏ । ଧାନ ସମେତ ଖରିଫ ଫସଲ ବୁଣିବା ଜୁନ୍ ମାସରେ ଦକ୍ଷିଣ-ପଶ୍ଚିମ ମୌସୁମୀ ଆରମ୍ଭରୁ ଆରମ୍ଭ ହୋଇଥାଏ । ଭାରତ ପାଣିପାଗ ବିଭାଗ ଚଳିତ ବର୍ଷ ସ୍ବାଭାବିକ ଦକ୍ଷିଣ-ପଶ୍ଚିମ ମୌସୁମୀ ବର୍ଷା ଆକଳନ କରିଛି।

ଜୁନ୍ 1ରୁ ଜୁଲାଇ 27 ମଧ୍ୟରେ ଦେଶରେ 10 ପ୍ରତିଶତ ଅଧିକ ମୌସୁମୀ ବର୍ଷା ହୋଇଥିଲେ ମଧ୍ୟ ସମାନ ଅବଧିରେ ପୂର୍ବ ଏବଂ ଉତ୍ତର-ପୂର୍ବ ଭାରତରେ 15 ପ୍ରତିଶତ ନିଅଣ୍ଟିଆ ବର୍ଷା ହୋଇଥିବା ଜଣାଯାଇଛି। ଭାରତୀୟ ପାଣିପାଗ ବିଭାଗ ତଥ୍ୟ ଅନୁଯାୟୀ ଉତ୍ତରପ୍ରଦେଶ, ବିହାର, ଝାଡଖଣ୍ଡ, ପଶ୍ଚିମବଙ୍ଗ, ମିଜୋରାମ ଏବଂ ମଣିପୁରରେ ବର୍ଷା ଅଭାବ ଥିଲା । ଧାନ ଉତ୍ପାଦନକାରୀ ତଥା ସର୍ବୋଚ୍ଚ ରପ୍ତାନକାରୀ ଦେଶ ହେଉଛି ଭାରତ ।

ଧାନ ଚାଷ ପାଇଁ କେମିତି ବାଛିବେ ଉନ୍ନତମାନର ବିହନ, ଜାଣନ୍ତୁ...

ବିକ୍ରି ହେଉନି ସରକାରୀ ବିହନ