ଭବାନୀପାଟଣା କୃଷି ମହାବିଦ୍ୟାଳୟ(College of Agriculture, Bhawanipatna)ରେ ଛାତ୍ର ବିକ୍ଷୋଭ(student protest ) । ଭାରତୀୟ କୃଷି ଅନୁସନ୍ଧାନ ପରିଷଦ(ICAR) ସ୍ବୀକୃତିରୁ ମହାବିଦ୍ୟାଳୟ ବାଦ ପଡିବା ନେଇ ଛାତ୍ରଛାତ୍ରୀମାନେ ଧାରଣାରେ ବସିଛନ୍ତି ।
ଭବାନୀପାଟଣା କୃଷି ମହାବିଦ୍ୟାଳୟ ICAR ସ୍ୱୀକୃତିରୁ ବାଦ ପଡିଥିବା ଯୋଗୁଁ ଏଠାରେ ପଢୁଥିବା ଛାତ୍ରଛାତ୍ରୀମାନେ ଛାତ୍ରବୃତ୍ତି ମଞ୍ଜୁରରେ ବିଳମ୍ବ ତଥା ଫି ବୃଦ୍ଧି ସହିତ ଅନ୍ୟାନ୍ୟ ଅସୁବିଧାର ସମ୍ମୁଖୀନ ହେଉଥିବା ଅଭିଯୋଗ କରିଛନ୍ତି । ତେବେ ମହାବିଦ୍ୟାଳୟକୁ ତୁରନ୍ତ ଆଇସିଏଆର ସ୍ବୀକୃତି ଦେବାକୁ ଦାବି ଜଣାଇ ଶାତାଧିକ ଛଆତ୍ରଛାତ୍ରୀ ଧାରଣା ଦେଇଛନ୍ତି ।
ସୁବ୍ରଜିତ ଷଡଙ୍ଗୀ ନାମକ ଜଣେ ଛାତ୍ର ଦ ଇଣ୍ଡିଆନ ଏକ୍ସପ୍ରେସକୁ ପ୍ରତିକ୍ରିୟା ଦେଇ କହିଛନ୍ତି ଯେ ଭୁବନେଶ୍ୱରର ଓଡ଼ିଶା କୃଷି ଓ ବୈଷୟିକ ବିଶ୍ୱବିଦ୍ୟାଳୟ ଅଧୀନରେ ପ୍ରତିଷ୍ଠିତ ଏହି କଲେଜକୁ ସ୍ୱୀକୃତିରୁ ବାଦ ଦିଆଯାଇଥିବାର କାରଣ ଜଣାଯାଇ ନାହିଁ । ରାଜ୍ୟ ସରକାର ଏବଂ ଓୟୁଏଟି କର୍ତ୍ତୃପକ୍ଷ ଏହି ଘଟଣାରେ ହସ୍ତକ୍ଷେପ କରିବା ଉଚିତ ଏବଂ ଶୀଘ୍ର ICAR ସ୍ବୀକୃତି ଫେରାଇ ଆଣିବା ପାଇଁ ପଦକ୍ଷେପ ନେବା ଆବଶ୍ୟକ ବୋଲି ସେ କହିଛନ୍ତି।
ସୂଚନା ଅନୁଯାୟୀ, ପ୍ରଥମ ବର୍ଷରେ ଅତି କମରେ 109 ଛାତ୍ର, ଦ୍ୱିତୀୟ ବର୍ଷରେ 98 ଏବଂ ତୃତୀୟ ବର୍ଷର 62 ଜଣ ଛାତ୍ରଛାତ୍ରୀ ନାମ ଲେଖାଇଛନ୍ତି। ଚତୁର୍ଥ ବର୍ଷ ଶେଷ ହେବା ପରେ 73 ଜଣ ଛାତ୍ର କଲେଜରୁ ପାସ୍ କରିଥିଲେ। 2009 ରେ ସ୍ଥାପିତ ହୋଇଥିବା କଲେଜରୁ ଏପର୍ଯ୍ୟନ୍ତ ଆଠଟି ବ୍ୟାଚ୍ ଛାତ୍ରଛାତ୍ରୀ ପାସ୍ କରିଛନ୍ତି।
ପ୍ରାରମ୍ଭରେ, ଏହି କଲେଜରେ 60 ଜଣ ଛାତ୍ରଛାତ୍ରୀଙ୍କ ଆଡମିଶନ ସିଟ କ୍ଷମତା ରହିଥିଲା ଯାହା ପରେ ଏହି ସଂଖ୍ୟା 120 କୁ ବୃଦ୍ଧି କରାଯାଇଥିଲା। ବର୍ତ୍ତମାନ ଏହି କଲେଜରେ ଜଣେ ଡିନ୍-କମ-ପ୍ରଫେସର, ଚାରିଜଣ ଆସିଷ୍ଟାଣ୍ଟ ପ୍ରଫେସର ଏବଂ 13 ଜଣ ସହକାରୀ ପ୍ରଫେସର ଅଛନ୍ତି। ସହକାରୀ ପ୍ରଫେସରମାନଙ୍କର ଚାରୋଟି ପଦବୀ ଖାଲି ପଡିଛି ।
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ 2019 ରେ କୃଷି କଲେଜ କ୍ୟାମ୍ପସରେ ଏକ ସମ୍ମିଳନୀରେ ଯୋଗ ଦେଇଥିଲେ ଏବଂ ପାଞ୍ଚଟି ବିଷୟ ଉପରେ ପିଜି ପାଠ୍ୟକ୍ରମ ଖୋଲିବାକୁ ଘୋଷଣା କରିଥିଲେ। ତେବେ ଏହି ଯୋଜନା ଏପର୍ଯ୍ୟନ୍ତ ବାସ୍ତବ ରୂପ ନେଇ ନାହିଁ।
ଓଡିଶାରେ ନକଲି କୃଷି ବିଶ୍ବବିଦ୍ୟାଳୟ, UGC ଜାରି କଲା ଲିଷ୍ଟ
QS World Rankings 2023 : ସାରା ବିଶ୍ବରେ ଚମକିଲା ଭାରତର ପ୍ରଥମ କୃଷି ବିଶ୍ବ ବିଦ୍ୟାଳୟ