1. କୃଷି ଖବର

ଛେଳି କ୍ଷୀର ପିଇବା ସ୍ୱାସ୍ଥ୍ୟ ପାଇଁ ବହୁ ହିତକର

Sudesna Nayak
Sudesna Nayak
Benefits of Goat Milk for Your health

Benefits of Goat Milk for Your health

ସ୍ବାସ୍ଥ୍ୟ, ସୌନ୍ଦର୍ଯ୍ୟ ଏବଂ ଦୀର୍ଘାୟୁ ହେବା ପାଇଁ ଦୁଧ ଠାରୁ ବଳି କରି ଆଉ କୌଣସି ପଦାର୍ଥ ନାହିଁ । ଭାରତରେ ଗ୍ରାମୀଣ ଅଞ୍ଚଳରେ ଅନେକ ଲୋକ ଛେଳି କ୍ଷୀର ପିଉଛନ୍ତି । ସେମାନଙ୍କ ହିସାବରେ ଗାଈ କ୍ଷୀର ଓ ମଇଁଷି କ୍ଷୀର ଛେଳି କ୍ଷୀର ଠାରୁ ମଧ୍ୟ ଅଧିକ ଲାଭପ୍ରଦ । ଏବେ ସହରର ଲୋକମାନେ ମଧ୍ୟ ଗାଈ କ୍ଷୀର ପିଇବା ସହ ଛେଳି କ୍ଷୀର ପିଇବା ଆରମ୍ଭ କରିସାରିଛନ୍ତି । ଛେଳି କ୍ଷୀରରେ ବହୁଳ ପରିମାଣର କ୍ୟାଲସିୟମ ମହଜୁଦ ଥାଏ ।

ଏକ ଗ୍ଲାସ୍ ଛେଳି କ୍ଷୀରରେ ୧୦ ଗ୍ରାମ୍ ପ୍ରୋଟିନ୍, ୨୭ ମିଲିଗ୍ରାମ୍ କଲେଷ୍ଟୋରେଲ, ୧୧ ଗ୍ରାମ କାର୍ବୋହାଇଡ୍ରେଟ ଓ ୬.୩ ଗ୍ରାମ ଫ୍ୟାଟ୍ ମହଜୁଦ ଥାଏ । ଏହା ବ୍ୟତୀତ ଛେଳି କ୍ଷୀରରେ ସେଲେନିୟମ୍, ଜିଙ୍କ, କପର, ପୋଟାସିୟମ ଓ ମାଗ୍ନେସିୟମ୍ ଭରପୁର ମାତ୍ରାରେ ଥାଏ । ଖାଦ୍ୟ ସଙ୍ଗେ ଦୁଧ ନଥିଲେ ପୂର୍ଣ୍ଣ ସ୍ଵାସ୍ଥ୍ୟ ଲାଭ ହୁଏ ନାହିଁ ।

 

ଛେଳି କ୍ଷୀର ହୃଦୟ ପାଇଁ ବହୁତ ହିତକର । ଯଦି ଆପଣ ଗାଈ କ୍ଷୀର କିମ୍ବା ମଇଁଷୀ କ୍ଷୀର ସହ ଛେଳି କ୍ଷୀରକୁ ତୁଳନା କରିବେ, ତେବେ ଏଥିରେ ଅଧିକ ମାତ୍ରାରେ କ୍ୟାଲସିୟମ ଥାଏ । ତେଣୁ ପ୍ରତିଦିନ ଛେଳି କ୍ଷୀର ସେବନ ଦ୍ୱାରା ହାଡ଼ ମଜମୁତ ହୋଇଥାଏ । କେବଳ ହାଡ଼ ପାଇଁ ନୁହଁ ଛେଳି କ୍ଷୀର ତ୍ୱଚା ପାଇଁ ମଧ୍ୟ ବହୁତ ଉପକାରୀ । ଯଦି ଆପଣ ପ୍ରତିଦିନ ଏକ ଗ୍ଲାସ୍ ଛେଳି କ୍ଷୀର ପିଅନ୍ତି, ତେବେ ଆପଣଙ୍କ ତ୍ୱଚାରେ ମଧ୍ୟ ଚମକ ଆସିବ ।

 

କିନ୍ତୁ ଆପଣ ଜାଣନ୍ତି କି, ଛେଳି କ୍ଷୀରରେ ବି ଡେଙ୍ଗୁ ରୋଗ ସହିତ ଲଢ଼ିବା କ୍ଷମତା ରହିଛି । ଡେଙ୍ଗୁ ହେଲେ ଶରୀରରେ ବ୍ଲଡ୍ ପ୍ଲେଟ୍‌ଲେଟ୍ କମିଯାଏ । ଛେଳି କ୍ଷୀରରେ ଥିବା ସେଲେନିୟମ୍ ବ୍ଲଡ୍ ପ୍ଲେଟ୍ଲେଟ୍ ଏବଂ ରୋଗ ପ୍ରତିରୋଧକ ଶକ୍ତି ବଢ଼ାଏ ।

ଛେଳି କ୍ଷୀରର ଅନେକ ଗୁଣ ରହିଥିବା ବେଳେ ଏହା ପ୍ରୋଟିନରେ ପରିପୂର୍ଣ୍ଣ ଥାଏ ବୋଲି ଆପଣ ତ ନିଶ୍ଚୟ ଶୁଣିଥିବେ । ଏହି କାରଣରୁ ଅନେକ ଲୋକ ଛେଳି କ୍ଷୀର ପିଇବାକୁ ପସନ୍ଦ କରନ୍ତି ।

ତେବେ ଆସନ୍ତୁ ଜାଣିବା ଛେଳି କ୍ଷୀରର ଲାଭ କ’ଣ ଏବଂ ଏଥିରେ କେଉଁ ପୁଷ୍ଟିକର ଉପାଦାନ ମିଳୁଛି …

ଛେଳି କ୍ଷୀରରେ ମ୍ୟାଗ୍ନେସିୟମ୍, କ୍ୟାଲସିୟମ୍, ପ୍ରୋଟିନ୍, ପୋଟାସିୟମ୍, ଭିଟାମିନ୍ ଏ, ବି ୨, ସି ଏବଂ ଡି ବହୁତ ପରିମାଣରେ ଥାଏ ।

ଅସ୍ଥି ଓ ଦାନ୍ତକୁ ମଜବୁତ କରିବା ପାଇଁ ଛେଳି କ୍ଷୀରରେ କାଲ୍ସିୟମ୍ ସହିତ ଏମିନୋ ଏସିଡ୍ ଟ୍ରିପ୍ଟୋଫେନ୍ ରହିଛି ।

ଛେଳି କ୍ଷୀରରେ ଥିବା ମ୍ୟାଗ୍ନେସିୟମ୍ ହାଟବିଟକୁ ସୁରୁଖୁରୁରେ ଚଳାଇବାରେ ବହୁତ ସାହାଯ୍ୟକାରୀ ହୋଇଥାଏ । ଏହା ଶରୀରରେ ରକ୍ତ ଜମାଟ ବାନ୍ଧିବାକୁ ସଂପୂର୍ଣ୍ଣ ରୋକିଥାଏ । ଏହା କୋଲେଷ୍ଟ୍ରଲରକୁ ହ୍ରାସ କରିଥାଏ ଏବଂ ଏହା ଶରୀରକୁ ବହୁତ ଶକ୍ତି ଯୋଗାଇଥାଏ ।

ଉଭୟ କ୍ୟାଲସିୟମ ଓ ପ୍ରୋଟିନ୍ ଛେଳି କ୍ଷୀରରେ ପ୍ରଚୁର ପରିମାଣରେ ମିଳିଥାଏ । ଯାହା ଶରୀରର ଓଜନ ହ୍ରାସ କରିଥାଏ ଏବଂ ପ୍ରୋଟିନ୍ ମେଟାବୋଲିଜିମ୍ ବୃଦ୍ଧିରେ ସାହାଯ୍ୟ କରିଥାଏ ।

ଛେଳି କ୍ଷୀରରେ ବହୁତ କମ୍ ଚର୍ବି ଥିବାରୁ ଏହା ହଜମ ହେବା ସହଜ ଅଟେ । ଏହାଦ୍ୱାରା ହଜମ ପ୍ରକ୍ରିୟା ମଧ୍ୟ ସଂପୂର୍ଣ୍ଣ ଠିକ୍ ରହିଥାଏ ।

Like this article?

Hey! I am Sudesna Nayak . Did you liked this article and have suggestions to improve this article? Mail me your suggestions and feedback.

Share your comments

#Top on Krishi Jagran

Latest feeds

More News