ଓଡିଶା ରସଗୋଲା କୁ ମିଳିଲା ସ୍ୱତନ୍ତ୍ର ଜିଆଇ ମାନ୍ୟତା
ଏଥର ପୁରୀ ଖଜା ପାଇଁ ଦାବି

"ନୀଳାଦ୍ରି ବିଜେ ସମୟରେ ମହାଲକ୍ଷ୍ମୀ ଙ୍କୁ ଶ୍ରୀ ଜଗନ୍ନାଥ ରସଗୋଲା ଦେଇ ମାନଭଞ୍ଜନ କରିଥାନ୍ତି ;ବହୁ ପ୍ରାଚୀନ ଯୁଗରୁ ପ୍ରଚଳିତ ଏହି ରସଗୋଲା ତେବେ ଆମର ନୁହେଁ କାହିଁକି?"
ବହୁ ଦିନର ବିବାଦ ପରେ ଏବେ ଓଡିଶା ବାସୀଙ୍କ ଲାଗି ସବୁଠାରୁ ମିଠା ଖବର ;ଓଡିଶା ରସଗୋଲା କୁ ମିଳିଛି ଜିଆଇ (ଜିଓଗ୍ରାଫିକାଲ ଇଂଡିକେସନ )ର ମାନ୍ୟତା |ରାଜ୍ୟ ସରକାର ଙ୍କ ବଳିଷ୍ଠ ତଥ୍ୟ ଏବଂ ପ୍ରମାଣ କୁ ଗ୍ରହଣ କରି କେନ୍ଦ୍ର ସରକାର ଙ୍କ ଭୌଗୋଳିକ ଉପଦର୍ଶନ ପଞ୍ଜିକରଣ ସୋମବାର ବିଧିବଦ୍ଧ ଭାବେ ଏହି ସ୍ୱୀକାର ପ୍ରଦାନ କରିଛନ୍ତି |

ଓଡିଶା କ୍ଷୁଦ୍ର ଶିଳ୍ପ ମିଶନ ଏବଂଓଡିଶା ମିଷ୍ଟାନ ବ୍ୟବସାୟୀ ସମିତି ର ଦରଖାସ୍ତ କୁ ଜିଓଗ୍ରାଫିକାଲ ଇଂଡିକେସନ ରେଜିଷ୍ଟ୍ର ଗ୍ରହଣ କରିଛନ୍ତି |୨୦୧୮ ଫେବୃଆରୀ ପର୍ଯ୍ୟନ୍ତ ଏହି ସ୍ୱୀକୃତି ବଳବତ୍ତ ରହିବ |

ଓଡିଶା ରସଗୋଲା ର ବିଶେଷତା :

-ଓଡିଶା ର ରସଗୋଲା ଦେଶର ଅନ୍ୟ ରାଜ୍ୟ ରେ ପ୍ରସ୍ତୁତ ହେଉଥିବା ରସଗୋଲା ଠାରୁ ସମ୍ପୂର୍ଣ ସ୍ଵଂତନ୍ତ୍ର |
-ଏଥିରେ କୌଣସି ପ୍ରକାର ରାସାୟନିକ ରଙ୍ଗ ବା ଦ୍ରବ୍ୟ ବ୍ୟବହାର କରାଯାଏ ନାହିଁ|
-ଏହାକୁ ବିଭିନ୍ନ ରଙ୍ଗ ରେ ଉତ୍ପାଦିତ କରାଯାଏ ଯାହା ଅନ୍ୟ କୌଣସି ରାଜ୍ୟରେ ଦେଖିବାକୁ ମିଳେ ନାହିଁ|
-ଏହାର ସ୍ୱାଦ ସ୍ୱତନ୍ତ୍ର ଏବଂ ଅନାୟାସ ଭାବେ ଏହା ପାଟିରେ ମିଳାଇଯାଇଥାଏ ବୋଲି ରାଜ୍ୟ ସରକାର ଙ୍କ ପକ୍ଷରୁ ତଥ୍ୟ ପ୍ରଦାନ କରାଯାଇଥିଲା |

ଏହାର ଉପାଦେୟତା :

-ଜିଆଇ ମାନ୍ୟତା ପାଇଲା ପରେ ଓଡିଶା ରସଗୋଲା କୁ ବିଦେଶକୁ ରପ୍ତାନି କରିବା ସହଜ ଓ ସୁଗମ ହୋଇପଡିବ |
-ଫଳରେ ରାଜ୍ୟର ରସଗୋଲା ବ୍ୟବସାୟିଙ୍କ ଆର୍ଥିକ ସ୍ତିତି ସୁଦୃଢ ହୋଇପାରିବ |
-ରାଜ୍ୟରେ ଛେନା ଓ ରସଗୋଲା ଉତ୍ପାଦନ କାରୀଙ୍କ ନିରନ୍ତର ବିକାଶ ରେ ଏହା ବେଶ ସହାୟକ ହେବ |