ଥାଇରୋକେୟାର ପ୍ରତିଷ୍ଠାତା(Thyrocare founder) ଡ. ଆରୋକିଆସ୍ୱାମୀ ଭେଲୁମନି ରବିବାର ଟ୍ୱିଟ୍ କରି କହିଛନ୍ତି ଯେ ସେ ଛେଳି ପାଳନ ବ୍ୟବସାୟ(goat farming business)ରେ 100 କୋଟି ଟଙ୍କା ବିନିଯୋଗ କରିବାକୁ ଚାହୁଁଛନ୍ତି । ଏହା ଅନେକଙ୍କୁ ଆଶ୍ଚର୍ଯ୍ୟ କରିପାରେ । ହେଲେ ଛେଳି ପାଳନ ଜୀବନରେ ତାଙ୍କର ପ୍ରଥମ ବିଫଳତା ଥିଲା ବୋଲି ଆରୋକିଆସ୍ୱାମୀ ଭେଲୁମନି ପ୍ରକାଶ କରିଛନ୍ତି ।
ବୈଜ୍ଞାନିକ ଆଗ୍ରହୀ ବ୍ୟକ୍ତିଙ୍କ ପ୍ରସ୍ତାବ, ଅନୁରୋଧ ଏବଂ ପରାମର୍ଶକୁ ମଧ୍ୟ ଆମନ୍ତ୍ରଣ କରିଛନ୍ତି । ଏହି ସମୟରେ ଅନେକ ଟ୍ୱିଟର ୟୁଜର୍ସ ଆରୋକିଆସ୍ୱାମୀ ଭେଲୁମନିଙ୍କୁ ଏହି ନୂତନ ଉଦ୍ୟମ ପାଇଁ ଅଭିନନ୍ଦନ ଜଣାଇଛନ୍ତି । ଜଣେ ୟୁଜର ଲେଖିଛନ୍ତି ଗୁଜୁରାଟରେ ଛେଳି ପାଳି ପନିର ତିଆରି କରୁଥିବା ବ୍ୟକ୍ତିଙ୍କ ଏକ ଆର୍ଟିକିଲ୍ ସେୟାର କରିଛନ୍ତି । ଅପରପକ୍ଷେ ଆରୋକିଆସ୍ୱାମୀ ଭେଲୁମନି ଏଥିପାଇଁ ତାଙ୍କୁ ଧନ୍ୟବାଦ ମଧ୍ୟ ଜଣାଇଛନ୍ତି ।
ଭେଲୁମନି 1996ରେ ଥାଇରୋକେୟାର ଆରମ୍ଭ କରିଥିଲେ । ଉଦ୍ୟୋଗ ଜଗତରେ ପାଦ ଦେବା ତାଙ୍କ ଜୀବନର ବଡ ନିଷ୍ପତ୍ତି ମଧ୍ୟରୁ ଗୋଟିଏ ବୋଲି ପ୍ରକାଶ କରିଥିଲେ ଭେଲୁମନି । ଏହି ନିଷ୍ପତ୍ତି ନେବାକୁ ତାଙ୍କୁ ଚାରି ଘଣ୍ଟା ଲାଗିଥିଲା । ତୁଳନାତ୍ମକ ଭାବରେ, 2016 ରେ ଥାଇରୋକେୟାରକୁ ସାର୍ବଜନିନ କରିବା 30 ମିନିଟର ନିଷ୍ପତ୍ତି ଥିଲା ଏବଂ ଫାର୍ମଇଜି ସହିତ 4,546 କୋଟି ଟଙ୍କାର ଚୁକ୍ତି ପାଇଁ ଏକ ମିନିଟ୍ ସମୟ ଲାଗିଥିଲା । ହେଲଥଟେକ୍ ୟୁନିକର୍ନ ଥାଇରୋକେୟାରରେ 66.1 ପ୍ରତିଶତ ଅଂଶଧନ ହାସଲ କରିଛି ।
1959 ତାମିଲନାଡୁର କୋଏମ୍ବାଟୁର ଉପକଣ୍ଠରେ ଥିବା ଏକ ଗାଁର ଗରିବ କୃଷକ ପରିବାରରେ ଜନ୍ମ ହୋଇଥିବା ଭେଲୁମନି ଚାରି ପରିବାରର ବଡ ପୁଅ । ଭେଲୁମନି ନିଜର ଶିକ୍ଷା ସମାପ୍ତ କରି ପ୍ରଥମେ କୋଏମ୍ବାଟୁରର ଏକ ଫାର୍ମାସ୍ୟୁଟିକାଲ୍ କମ୍ପାନୀ ଏବଂ ପରେ ମୁମ୍ବାଇର ଭାବା ପରମାଣୁ ଅନୁସନ୍ଧାନ କେନ୍ଦ୍ର (BARC)ରେ ଚାକିରି କରିଥିଲେ ।
ପତ୍ନୀ ମୁମ୍ବାଇରେ ପ୍ରଥମ ଥାଇରୋକେୟାର ଲ୍ୟାବ ସ୍ଥାପନ କରିଥିଲେ। ଇଣ୍ଡିଆଟାଇମ୍ସ ରିପୋର୍ଟ ଅନୁଯାୟୀ 2020 ପର୍ଯ୍ୟନ୍ତ ଲାଭ 51% ବୃଦ୍ଧି ହୋଇ 119.7 କୋଟିରେ ପହଞ୍ଚିଛି।