ବଢୁଛି ଟମାଟୋ ଦର, କିଲୋ 140

ଦେଶର ଅଧିକାଂଶ ସହରରେ ଟମାଟୋର ଖୁଚୁରା ଦାମ୍‌ କିଲୋ ପିଛା 140 ଟଙ୍କା ଆଖପାଖରେ ଚାଲୁଛି । ଦକ୍ଷିଣ ଭାରତର ଅନେକ ସହରରେ ଟମାଟୋର ଦାମ କିଲୋ ପିଛା 140ରେ ପହଞ୍ଚିଛି । ପ୍ରବଳ ବର୍ଷା ହେତୁ ହେତୁ ଦକ୍ଷିଣ ଭାରତରେ ଟମାଟୋ ବହୁତ ମହଙ୍ଗା ହୋଇଛି ।

ସୂଚନା ଅନୁଯାୟୀ, ଦକ୍ଷିଣ ଭାରତର ଆଣ୍ଡାମାନ ନିକୋବରର ମାୟାବନ୍ଦରରେ ଟମାଟୋ କିଲୋଗ୍ରାମ ପିଛା 140 ଟଙ୍କାରେ ଏବଂ ପୋର୍ଟ ବ୍ଲେୟାରରେ କିଲୋଗ୍ରାମରେ 127 ଟଙ୍କାରେ ବିକ୍ରି ହେଉଛି । ଏଥି ସହିତ, କେରଳର ଥିରୁବନନ୍ତପୁରମରେ ଟମାଟୋର ମୂଲ୍ୟ 125 ଟଙ୍କା, ପଲକ୍କଡ ଏବଂ ୱାୟାନାଡରେ 105, ତ୍ରିସୁରରେ 94, କୋଜିକୋଡେରେ 91 ଏବଂ କୋଟାୟମରେ 83 ଟଙ୍କା ରହିଛି ।

ଆନ୍ଧ୍ରପ୍ରଦେଶର ବିଶାଖାପାଟନମରେ ଟମାଟୋର କିଲୋଗ୍ରାମ 77 ଟଙ୍କା, ତିରୁପତିରେ 72, ତେଲେଙ୍ଗାନାର ୱାରଙ୍ଗଲ 85 ଏବଂ ପୁଣ୍ତୁଚେରୀରେ 85 କିଲୋଗ୍ରାମର ମୂଲ୍ୟ ରହିଛି । ଏଥି ସହିତ, ଯଦି ଆମେ ମେଟ୍ରୋ ସହରଗୁଡିକର ମୂଲ୍ୟକୁ ଦେଖିବା, ତେବେ ସୋମବାର ଦିନ ଟମାଟୋ ମୁମ୍ବାଇରେ 55 କିଲୋଗ୍ରାମ, ଦିଲ୍ଲୀରେ 56, କୋଲକାତାରେ 78 ଏବଂ ଚେନ୍ନାଇରେ 83 ଟଙ୍କାରେ ବିକ୍ରି ହୋଇଛି ।

ଦକ୍ଷିଣ ଭାରତରେ ଟମାଟୋ ମୂଲ୍ୟ ଆକାଶଛୁଆଁ

ସେପ୍ଟେମ୍ବର ଶେଷରୁ ଦେଶର ଅଧିକାଂଶ ସହରରେ ଟମାଟୋର ମୂଲ୍ୟ ଅଧିକ ରହିଆସିଛି, କିନ୍ତୁ ଦକ୍ଷିଣ ରାଜ୍ୟରେ ଏଥର ଲଗାତାର ବର୍ଷା ହେତୁ ଟମାଟୋ ମୂଲ୍ୟ ଆକାଶଛୁଆଁ । ଭାରତ ସରକାର କହିଛନ୍ତି ଯେ ପ୍ରବଳ ବର୍ଷା ହେତୁ ଟମାଟୋର ମୂଲ୍ୟରେ ବୃଦ୍ଧି ଘଟିଛି ।

ପେଟ୍ରୋଲ ଠାରୁ ମହଙ୍ଗା ଏବେ ଟମାଟୋ ଦାମ୍‌