![yellow warning update](https://ocdn.krishijagran.com/media/10171/portal_thumbnail_18-may-2024-1.jpg)
yellow warning update
ରାଜ୍ୟକୁ ମୌସୁମୀ ପ୍ରବେଶ କରିଥିବା ସତ୍ତ୍ୱେ ବର୍ଷା ଖୁବ କମ ସ୍ଥାନରେ ହୋଇଥିଲେ ମଧ୍ୟ ରାଜ୍ୟର ଗରମ ଜନଜୀବନକୁ ଏକ ପ୍ରକାର ଅସ୍ତ ବ୍ୟସ୍ତ କରିପକାଇଛି । ମାଲକାନଗିରି ଜିଲ୍ଲା ଏବଂ କୋରାପୁଟ ଜିଲ୍ଲାରେ ବର୍ଷା ହେଉଥିବା ସୂଚନା ରହିଛି । ଗରମ ଓ ଗୁଳୁଗୁଳିରେ ଛଟପଟ ହେଉଛନ୍ତି ଉପକୂଳବାସୀ ।
ଆସନ୍ତାକାଲି ୧୯ ତାରିଖ ଯାଏଁ ଉପକୂଳ ଓଡ଼ିଶାରେ ଗରମ ସାଙ୍ଗକୁ ପ୍ରଚଣ୍ଡ ଗୁଳୁଗୁଳି ଲାଗି ରହିବା ନେଇ ସୂଚନା ରହିଛି । ଏନେଇ ୟେଲୋ ୱାର୍ଣ୍ଣିଂ ମଧ୍ୟ ଜାରି କରିଛି ପାଣିପାଗ ବିଭାଗ । ଅନ୍ୟପଟେ ଚାଷୀମାନେ ଚିନ୍ତାରେ ପଡିଛନ୍ତି ବର୍ଷା ନ ହେବା କାରଣରୁ । ଚାଷ କାମ କିପରି ଆରମ୍ଭ କରିବେ ସେ ନେଇ ଚିନ୍ତାରେ ପଡିଲେଣି ଚାଷୀ । କେନାଲ ଗୁଡିକରେ ମଧ୍ୟ ପାଣୁ ଶୁଖିଗଲାଣି । ବର୍ଷା ନ ଥିବାରୁ ଗଜା ଗୁଡିକ ମରୁଡ଼ି ହେବା ଆଶଙ୍କାରେ ଚାଷୀ l
ତେବେ ଆସନ୍ତାକାଲି ପାଇଁ ରାଜ୍ୟର ୧୧ ଜିଲ୍ଲାକୁ ୱାର୍ଣିଂ ଜାରି କରାଯାଇଛି । ୨୦ ତାରିଖରେ ପ୍ରବଳ ବର୍ଷା ହେବାର ମଧ୍ୟ ଆଶଙ୍କା କରିଛି ପାଣିପାଗ ବିଭାଗ । ଆଞ୍ଚଳିକ ପାଣିପାଗ ବିଭାଗ ପକ୍ଷରୁ ଏ ନେଇ ସୂଚନା ପ୍ରଦାନ କରାଯାଇଛି l ବିଶେଷକରି ରାଜ୍ୟର ଝାରସୁଗୁଡ଼ା, ବରଗଡ଼, ସମ୍ବଲପୁର ଜିଲ୍ଲାରେ ପ୍ରବଳ ବର୍ଷା ସମ୍ଭାବନା ନେଇ ୟେଲୋ ୱାର୍ଣ୍ଣିଂ ଜାରି କରାଯାଇଛି l
ଏଥିସହ ଆଗାମୀ ୩ ଦିନ ମଧ୍ୟରେ ମୌସୁମୀ ପାଗ ଅନୁକୂଳ ହେବା ସହ ରାଜ୍ୟର କିଛି ଅଞ୍ଚଳରେ ବର୍ଷା ଆରମ୍ଭ ହୋଇପାରେ । ବର୍ତ୍ତମାନ ରାଜ୍ୟରେ ଜୁନ ୧ ତାରିଖରୁ ୧୭ ଜୁନ ମଧ୍ୟରେ ମୋଟ ୯୧.୪ ମିମି ବର୍ଷା ରେକର୍ଡ ହୋଇଯିବା କଥା କିନ୍ତୁ ଏ ପର୍ଯ୍ୟନ୍ତ ରେକର୍ଡ ହୋଇଛି ମାତ୍ର ୩୬.୭ ମିମି ବର୍ଷା । ଯାହା ସ୍ୱାଭାବିକ ବର୍ଷା ର ପ୍ରାୟତଃ ୪୨ ପ୍ରତିଶତ ନିଅଁଟିଆ । ମୌସୁମି ବିଳମ୍ବ, ଯୋଗୁଁ ରାଜ୍ୟରେ ଆଗେଇ ପାରୁନି ଚାଷ କାମ । ୨୦ ତାରିଖ ପରଠାରୁ ରାଜ୍ୟରେ ବର୍ଷା ଆରମ୍ଭ ହେବା ନେଇ ଆଶଙ୍କା କରାଯାଉଛି l
ଅଧିକ ପଢ଼ନ୍ତୁ
Share your comments