Dal Price: ସରକାର ଦେବେ ଶସ୍ତା ଡାଲି

after atta rice the government will provide cheap pulses

ଦେଶରେ ପ୍ରତିଦିନ ଖାଦ୍ୟ ମୂଲ୍ୟ ଦର ବଢିବାକୁ ଲାଗୁଛି l ଚାଉଳ ଅଟା ଠାରୁ ଆରମ୍ଭ କରି ବିଭିନ୍ନ ଖାଦ୍ୟ ଶସ୍ୟ ପର୍ଯ୍ୟନ୍ତ ମୂଲ୍ୟ ବଢୁଥିବା ଦେଖିବାକୁ ମିଳିଛି l ଯେଉଁଥିପାଇଁ ସରକାରଙ୍କୁ ବାରମ୍ବାର ନିବେଦନ କରାଯାଉଛି ଖାଦ୍ୟ ଦରରେ ନିୟନ୍ତ୍ରଣ ଆଣିବା ପାଇଁ l

ଏହାରି ମଧ୍ୟରେ ସରକାର ଖୁବ କମ ଟଙ୍କାରେ ଅଟା , ଚାଉଳ ଏବଂ ଡାଲି ଯୋଗାଇବା ପାଇଁ ଏକ ବଡ଼ ନିଷ୍ପତ୍ତି ନେଇଥିଲେ l ଭାରତ ଅଟା, ଭାରତ ଚାଉଳ ଏବଂ ଭାରତ ଡାଲି ନାଁରେ ବିଭିନ୍ନ ଖାଦ୍ୟ ପଦାର୍ଥ ଯୋଗାଇଦେବା ପାଇଁ ଘୋଷଣା କରିଥିଲେ l ପରେ ଡାଲି ପାଇଁ ଚଣା ଡାଲିକୁ ସାମିଲ କରାଯାଇଥିଲା l ସମୟ ସମୟରେ ଏଥିରେ ଅନ୍ୟାନ୍ୟ ଡାଲିକୁ ସାମିଲ କରିବା ପାଇଁ କେନ୍ଦ୍ର ସରକାର ସୂଚନା ଦେଇଥିଲେ l

ଦେଶରେ ମହଙ୍ଗା ମାଡ଼ ପାଇଁ ସାଧାରଣ ଜନତା ଚିନ୍ତାରେ । ଏହା ମଧ୍ୟରେ ଡାଲି ଦର ମଧ୍ୟ ଖୁବ ଅଧିକ ରହିଥିବା ଦେଖିବାକୁ ମିଳୁଛି । ଏହି ସମସ୍ୟା ସମାଧାନ ପାଇଁ କେନ୍ଦ୍ର ସରକାର ଲୋକଙ୍କୁ ଆଉ ଏକ ସୁବିଧା ଯୋଗାଇବାକୁ ନିଷ୍ପତ୍ତି ନେଇଛନ୍ତି । ଶସ୍ତା ମୂଲ୍ୟରେ ଏବେ ମସୁର ଡାଲି ଖାଉଟିଙ୍କୁ ଯୋଗାଇ ଦେବା ପାଇଁ ଯୋଜନା ଆରମ୍ଭ କରିଛନ୍ତି କେନ୍ଦ୍ର ସରକାର । ଚଣା ଡାଲି, ଗହମ, ଅଟା ଏବଂ ଚାଉଳ ପରେ ସରକାର ବର୍ତ୍ତମାନ ବଜାରରେ ‘ଭାରତ ମସୁର ଡାଲି’ ଉପଲବ୍ଧ କରାଇବା ପାଇଁ ସରକାର ଯୋଜନା କରୁଛନ୍ତି । ସରକାରଙ୍କ ଏହି ଯୋଜନା ଜନତାଙ୍କୁ ମହଙ୍ଗା ମାଡ଼ରୁ ଏକ ପ୍ରକାର ବଡ଼ ଆଶ୍ୱସ୍ତି ପ୍ରଦାନ କରିବ l କେନ୍ଦ୍ର ସରକାରଙ୍କ ଏହି ପଦକ୍ଷେପ ଦରଦାମ ବୃଦ୍ଧିକୁ ହ୍ରାସ କରିବ ବୋଲି ଆଶା କରାଯାଉଛି ।

ସୂଚନା ଅନୁଯାୟୀ , ବଜାରରେ ମସୁର ଡାଲିର ଦର କିଲୋ ପିଛା ମୋଟ ୧୨୫ ଟଙ୍କାରେ ବିକ୍ରି ହେଉଛି । ବିଭିନ୍ନ ଦରଦାମ ସହିତ ଏହିପରି ଅଧିକ ଦରରେ ଖାଉଟି କିଣି ପାରୁନାହାନ୍ତି ଖାଦ୍ୟ ସାମଗ୍ରୀ l ଅନ୍ୟ ପକ୍ଷରେ ରିପୋର୍ଟ ଅନୁସାରେ, ମସୁର ଡାଲିର ଅଖିଳ ଭାରତୀୟ ହାରାହାରି ଖୁଚୁରା ଦାମ୍ ପ୍ରାୟ ୯୩.୫ ଟଙ୍କାରେ ଉପଲବ୍ଧ । କିନ୍ତୁ ସରକାରଙ୍କ ନିଷ୍ପତ୍ତି ଅନୁଯାୟୀ ‘ଭାରତ ମସୁର ଡାଲି’ ସାଧାରଣ ଜନତାଙ୍କୁ ମାତ୍ର ୮୯ ଟଙ୍କାରେ ଯୋଗାଇ ଦିଆଯିବ ବୋଲି କୁହାଯାଇଛି ।

ସେହିପରି ଚଳିତ ମାସ ପ୍ରଥମ ସପ୍ତାହରୁ ହିଁ ଏହି ଡାଲି ବିକ୍ରି କରାଯିବ ବୋଲି ଆଶା । ଭାରତ ଅଟା, ଭାରତ ଚାଉଳ ଏବଂ ଭାରତ ଡାଲି ପରେ ସରକାର ଭାରତ ମସୁର ଡାଲି ମଧ୍ୟ ବିକ୍ରି କରିବା ପାଇଁ ଏକ ପ୍ରକାର ପ୍ରସ୍ତୁତି ଆରମ୍ଭ କରିଛନ୍ତି । ଏହି ଯୋଜନା ସମ୍ପର୍କରେ ଜଣେ ସରକାରୀ ଅଧିକାରୀ କହିଛନ୍ତି ଯେ, ପ୍ରଥମ ପର୍ଯ୍ୟାୟରେ NAFED ଏବଂ ପରେ NCCF ତରପରୁ ୨୫ ହଜାର ଟନ୍ ଡାଲିର ପ୍ରସେସିଙ୍ଗ ଏବଂ ପ୍ୟାକିଙ୍ଗ କରାଯିବ । ଯାହା ସୁବିଧାରେ ବଜାରରେ ଉପଲବ୍ଧ ହେବ l ଏହାପରେ ଡାଲିକୁ ଦେଶରେ କେନ୍ଦ୍ରୀୟ ଭଣ୍ଡାର ଜରିଆରେ ମଧ୍ୟ ବଣ୍ଟନ କରାଯିବ । ଚଣା ଡାଲି ଭଳି ମସୁର ଡାଲି ମଧ୍ୟ ୧ କିଲୋ ପ୍ୟାକରେ ଲୋକଙ୍କ ପାଇଁ ଉପଲବ୍ଧ କରାଯିବ । ଯାହାକୁ ଖୁବ କମ ଦରରେ କିଣି ଲୋକେ ଖାଇ ପାରିବେ l

ତେବେ ନାଫେଡ ଏବଂ ଏନସିସିଏଫ ଜରିଆରେ ଭାରତ ମସୁର ଡାଲି ବିକ୍ରି କରିବେ କେନ୍ଦ୍ର ସରକାର । କେନ୍ଦ୍ରୀୟ ଭଣ୍ଡାର ଏବଂ ଖୁଚୁରା ଦୋକାନ ଜରିଆରେ ମଧ୍ୟ ଏହି ଡାଲି ବଜାରରେ ବିକ୍ରି କରାଯିବ । କୌଣସି ରିହାତି ବିନା ମୋଟ ୮୯ ଟଙ୍କା ପ୍ରତି କିଲୋରେ ସରକାର ଏହି ମସୁର ଡାଲି ବିକ୍ରି କରିପାରିବେ । ଦରଦାମକୁ ନିୟନ୍ତ୍ରଣ କରିବା ପାଇଁ ଏବଂ ବୃଦ୍ଧିକୁ କମ୍ କରିବା ପାଇଁ ସରକାରୀ ଭଣ୍ଡାରରେ ଯଥେଷ୍ଟ ପରିମାଣରେ ଡାଲି ଉପଲବ୍ଧ ରହିଛି l ତଥାପି ଏହାର ମୂଲ୍ୟହ୍ରାସ କରିଛନ୍ତି କେନ୍ଦ୍ର ସରକାର । ସରକାରୀ ରିପୋର୍ଟ ଅନୁଯାୟୀ ଏ ପର୍ଯ୍ୟନ୍ତ ସରକାରୀ ଭଣ୍ଡାରରେ ପ୍ରାୟ ୭,୨୦,୦୦୦ ଟନ୍ ମସୁର ଡାଲି ଉପଲବ୍ଧ ରହିଛି ।